KTCC2048_2020 被告作供

背景

馮小姐現年31歲，任職文員並育有一女。當日準備去處理結婚事宜，原打算在兩日後(11月17日)註冊結婚，可惜被本案耽誤，在11月17日 15:30獲保釋後已錯過吉時故未有在當日註冊 (最後在12月24日才正式註冊結婚)，不過11月17日繼續舉行晚宴。辯方呈上晚宴、Hotel Icon訂房、check in紀錄等收據。

鎅刀是製作「和諧粉彩」的工具。

馮小姐在2020年6月獲頒「和諧粉彩」導師證書，學習和諧粉彩是為了舒壓及宣洩不樂情緒。鎅刀是藝術治療和諧粉彩所需要的工具，馮補充製作時需要用上鎅刀、粉彩、棉花、畫紙。製作方法是用鎅刀削粉彩在畫紙上，再用手指推開。呈上幾張作品相片作辯方證物。馮表示平時有帶筆袋出街的習慣，筆袋內有刷膠筆、原子筆、鎅刀、間尺，用來記錄在街上遇見的創作靈感。

被告：佢(PW2休班水警羅啟耀)用對手捉住我，好似變態佬咁。

當日馮小姐手持返回誠達樓寓所攞空喼準備前往領取禮服，離開寓所時馮在升降機內與陌生男子(PW2休班水警羅啟耀)相遇，兩人此前不相識，在𨋢內亦無任何交流。當馮小姐出𨋢後向後門離開時，陌生男子(PW2)突然向馮小姐大叫「唔好走，我已經報咗警！」，馮覺得好驚所以尖叫，然後陌生男子將馮小姐推去牆邊、用雙手伸向馮。

馮小姐在庭上憶述當日經過：「佢推我埋牆邊，我就覺得佢想非禮我咁樣，我好驚所以尖叫大嗌佢非禮，之後我想用個喼擋住佢，但唔成功。佢用對手捉住我，令我覺得佢好似變態佬咁樣，我覺得好驚不停大叫同尖叫，驚佢唔知想對我做啲乜野。之後我跑去𨋢口嗰邊想避開佢，但俾佢逼去信箱位置。佢見我打電話就好兇狠咁喝住我，之後第二次打咗俾老公吳先生：救命有人想捉我。該名陌生男子亦有打電話，但馮聽唔到對話內容，依稀聽到有警察字眼但唔清楚講d乜嘢。 」

被告：佢無出示委任證，當時只覺得係一個變態佬。

期間陌生男子有捉住馮的手，因為馮在警訊中得知警員進行查問前要出示委任證，所以當時馮向男子講：「如果係警察就出示委任證。」但該名陌生男子無出示委任證。因此馮小姐稱：「我愈嚟愈驚，只覺得佢係一個變態佬，所以攞返個喼跑去另一邊避開佢，但佢一直攔住我，令我諗起係2016至17年被男友家暴的情境。」

馮小姐供稱「當時好驚、好想避開佢，不停地用喼擋住佢，但佢推開喼。」當時馮小姐覺得該名陌生男子對自己的襲擊已經升級，所以踢咗佢三腳保護自己。第一腳踢到佢右膝位置、第二腳踢唔到佢、第三腳唔肯定。馮續稱：「之後佢好大力捉住我隻腳，將我成個人推落地下，電話都跌爆咗。我好驚所以不停掙扎、大叫，佢整到我隻腳好痛，但我無為意自己有無受傷。」

馮小姐稱陌生男子全程沒有表露自己是警員或出示委任證、無提及會以襲警罪進行拘捕、亦無講「唔好再打我，我係警察，再打我就用武力制服你」。馮憶稱：「我想用喼擋住陌生男子，之後佢逼咗我埋去櫃檯嗰邊，撞到我膊頭至腰間位置，之後佢想撞開我個喼，好突然咁搶走我個喼，我覺得好驚，覺得生命受到威脅。」

被告手持鎅刀自衛。

馮表示因覺得鎅刀係最保護到自己嘅嘢，所以在筆袋內將鎅刀取出並將刀鋒伸出，叫男子「唔好行埋嚟」。馮表示當時一心想保護自己然後離開，並沒有打算傷害陌生男子。

保安員袖手旁觀。

馮小姐憶述當日曾向保安員求救「我唔識呢個人，呢個人係咁襲擊我！」，但保安員無理會，只係企係到叫我冷靜d。馮見有空檔，趁機攞返個喼跑去後門位置，馮當時仍手持鎅刀，亦有推刀片出來。

當時馮小姐按開門制從後門走，但該名陌生男子追上嚟再將馮推跌「成個身騎住咗我，擘大咗隻腳用下體頂住咗我。我好驚，大叫強姦同埋非禮，期間𠝹刀跌咗係地。」馮當時只覺得佢係變態佬，唔覺得佢係警員，而對方聽到馮大叫就鬆一鬆開，馮乘機攞返嗰個喼，對方趕上前想逼馮小姐返入誠達樓內，之後警察到場。

被告：無意誤導警員或浪費警力。

馮小姐解釋因為被襲擊後情緒不安，所以混淆新舊單位的樓層，並非存心誤導索取地址的警員，亦無意浪費警力，直至上去開門發現入面係唔識嘅人才發現講錯地址。

被告因本案患上創傷後遺症。

因本案造成的餘悸，加上過往遭家暴的經歷，使馮小姐需要尋求臨床心理醫生蔡暉明博士治療，經診斷後確認患上創傷後遺症，至今仍然需要定期覆診。

--------------------------

12:07 控方盤問

控方指馮小姐曾兩次向女警提供錯誤地址，首先因不希望女警上誠達樓寓所搜屋，所以不提供誠達樓的地址；之後又因為避免警員打擾新婚丈夫，所以故意講錯單位樓層試圖誤導女警。馮解釋當時新婚單位正在裝修無人居住，亦無鎖匙……

馮小姐不同意。馮解釋當時新婚單位正在裝修無人居住，她亦無新婚單位鎖匙沒有新單位鎖匙，主問下供稱單位正在裝修，期間到新單位 3 次，由於婚後會搬至新居，所以不提供誠達樓的地址。另一方面，馮小姐表示「警員一出𨋢已經捉住我隻手，之後都有掂到，只係我背對鏡頭影唔到啫」

馮小姐不同意。

請訂閲法庭文字直播台：https://t.me/youarenotalonehk_live