KNAUF-Tifengrund
KNAUF UzbekistanChuqur singadigan mustahkamlovchi gruntovka
Qo'llanish sohasi
KNAUF-Tifengrund - polimer dispersiya asosida tayyorlangan, tez
quriydigan, bug'o'tkazuvchan, foydalanishga tayyor gruntovka.
Yuzaning mustahkamligini oshirish, singdiruvchanligini kamaytirish va
yakuniy bosqich qatlamining unga bo'lgan adgeziyasini yaxshilash
(shpaklyovka, bo'yoq, gulqog'oz, qoplama plitkalari) uchun mo'ljallangan.
O'zining yuqori darajadagi singuvchanlik xususiyati tufayli mayda g'ovak
materiallarni gruntovkalashga yaxshi mos keladi.
■ Gipskarton va gipstolali qoplamalar;
■ Gips va sement suvoqlar;
■ Paz-taroqli gipsli plitalar;
■ GQP-A, GQP-H2 choklarini faska hosil qilib, gips suvoq bilan suvashdan
oldin;
■ Gips va sement styajkalar.
Bino ichkarisidagi va tashqarisidagi ishlar uchun.
Qadoq va saqlov
Gruntovka 10 va 5 kilogrammli chelaklarga qadoqlanadi. Qadoqni bevosita
quyosh nurlari ta'siridan saqlang. Musbat haroratda (+5 °С darajadan
+30 °С darajagacha) quruq xonalarda, isituvchi moslamalardan uzoqda
saqlansin. Muzlab ketishiga (xususan tashish paytida ham) yo'l qo'ymang.
Muzlashga chidamli retsepturaga ega gruntovkani (chelagida tegishli
belgiga ega) quruq bino ichida saqlash va -40 °С darajadan +30 °С
darajagacha bo'lgan haroratda tashishga ruxsat etiladi. Gruntovka muzlab
qolgan taqdirda, qo'llashdan oldin uning erishini isituvchi moslama yoki
issiq suv yordamida tezlashtirish mumkin emas. Bunday qilish
gruntovkaning buzilishiga olib keladi. Gruntovkani faqat xona haroratida
eritish kerak. Qo'llashdan oldin yaxshilab aralashtirilsin. Muzlashga
chidamli retseturaga ega gruntovka ochilmagan zavod chelagida 5 ta
muzlash va erish sikliga dosh bera oladi. Muhri buzilmagan va
shikastlanmagan qadoqda saqlash muddati—12 oy.
Gruntovka sarfi
Bir qavat qilib surtilganda sarfi.
Ishlar tartibi
Asos toza, changlardan va ajraluvchi zarralardan xoli bo'lishi kerak. Havo
va ishlov beriladigan asosning harorati gruntovka to'liq quriguniga qadar
+5 °C darajadan +30 °С darajagacha bo'lishi kerak. KNAUF-Tifengrund
gruntovkasi qo'llanilish uchun tayyor. Ishlarni bevosita boshlashdan avval
tarkibni aralashtirish, keyin bir tekis holatda, suv bilan suyultirmasdan,
valik, cho'tka, popuk yordamida ishlov berilayotgan yuzaga bir tekis surtish
tavsiya etiladi. Yuqori gigroskopik yuzalarni zaruratga qarab ikki marta
gruntlang. Bo'yoq ostidagi asosga suv bilan 1:1 tartibda aralashtirilgan
KNAUF-Tifengrund bilan ikki marta ishlov berish tavsiya etiladi.
Gruntovka bilan ishlov berilgan yuza bilan bog'liq keyingi ishlar, u
quriganidan (kamida 3 soatdan) so'ng bajarilsin. Asos yuzasiga qurilish
changi yig'ilib qolishining oldini olish uchun gruntovka qurishining yakuni
va keyingi ishlar boshlanishi vaqtining oralig'i iloji boricha kam bo'lishi
kerak. KNAUF-Tifengrund yuzaga surtilgach, ishlatilgan asboblar
va idishlarni darhol suv bilan yuvilsin. Qurib qolgan KNAUF-Tifengrund
tarkibini faqat mexanik usulda olib tashlash mumkin. Gruntovkaga boshqa
materiallarni qo'shish mumkin emas, aks holda bu uning xususiyatlariga
sezilarli putur yetkazadi.
--------
Ruscha versiya