КИМЁГАРНИ КИМ ЎЛДИРДИ?

 ...Таниқли кимёгар олимни ўз лабораториясида ўлдириб кетишгани ҳақидаги хабар округ полиция бўлимига келиб тушиши билан терговчи ўйга толди.

Маълумотларга кўра, олимнинг оиласи, фарзандлари бўлмаган. У кейинги йилларда ҳеч ерда ишламас, фақат ўз лабораториясида турли тажрибалар билан машғул бўларди. У кимё соҳасидаги қатор йирик мукофотларни қўлга киритган, олим сифатида катта пенсия олар, умуман олганда, моддий аҳволи ҳавас қиладиган даражада эди. Унинг қимматбаҳо буюмлари ва пуллари ҳам шу ерда, лабораторияда сақланган. Қотил олимнинг елкасига пичоқ санчган, кейин тортмадаги пуллар, қимматбаҳо буюмларни олиб, лабораториядан ғойиб бўлганди.

Суриштиришлар натижасида аниқланишича, олим шаҳардан ташқарига яшаган, у бегона одамларни уйига киритмаган. Унинг лабораторияси махсус код билан очилган ва бу кодни фақат унинг бешта шогирди Франк, Марк, Алекс, Николас, Джонатан ва Стив билишган. Удлар тез-тез профессорнинг ҳолидан хабар олиб туришган. Профессор ҳам шогирдларни ҳар доим очиқ чеҳра билан кутиб олган, уларни моддий жиҳатдан қўллаб-қувватлаб турган.

Хуллас, унинг лабораториясига фақат шу беш кишидан бошқа ҳеч ким қадам босмаслиги аниқ бўлди. Ҳақиқий қотилни фақат уларнинг орасидан қидириш керак эди.

Полиция изқуварлари лабораторияни остин-устун қилиб қўлга илинарли бирор ашёвий далил топа олишмади. Бармоқ излари ҳам усталик билан ўчирилган эди. Фақат терговчининг диққатини олимнинг ёзув столи устида турган иш дафтари тортди Чамаси, қотил келган пайтда олим қайсидир илмий асари бўйича хулосаларини ўз дафтарида ёзаётган экан. Унинг қайдлари охирига етмаган, дафтар саҳифасида ғалати рақамларнинг ушбу хулосаларга умуман дахли йўқлиги билиниб турарди. 28-27-57-16. Олим бу рақамларни тасодифан ёзмагани аниқ. Телефон рақамларига ҳам ўхшамайди.

Кўп ўтмай, олимнинг шоигрдларидан бири ростдан қотил экани маълум бўлди.

Савол: Сизнингча олимни қайси шогирди ўлдирган ва нима учун?