КАРПАТОРУССКЕ НАРОДНЕ ВІЧЕ В НЬЮ ЙОРКУ, 14 октября 1938 г
rusinВ неділю 9 октября отбылася в Нью Йорку, в Вебстер Голл, велика манифестация карпаторусскых организаций в обороні Карпатской Руси и Чехословацкой демократичной реслубликы. В устройстві манифестации приняли участь слідуючы организации:
Карпаторусский Клуб, на Гринвич стрит, кооперативы "Морнинг Стар" и “Аквариум”. Карпаторусский Центр, Лемко-Союз и карпаторусскы церковны приходы греко-католический и православный.
Віче открыл предсідатель о6ъединеного комитета М. Лайчак о год. 2:30 в присутности понад 1000 участииков. Он сказал, што народне віче было скликане в связи с послідными грозными событія ми на нашой родині, в Карпатской Руси. Объяснивши коротко положение в старом краю, он покликал на предсідателя д-ра С. Пыжа.
Принявши руководство собранием. д-р С. Пыжа сказал, што вся наша емиграция в Америкі глубоко потрясена катастрофом, яка звалилася на Чехословакию. Великы демократичны державы Европы здрадили Чехословакию и отдали ей на жертву германскому фашизму, а тепер, коли Чехословакия лежит безсильна на землі, кинулися наа ню меньшы бандиты, польскы и мадьярскы паны и хотят заграбити, што лем ся даст. В первой линии они хотіли бы захватити Карпатску Русь и вернути наш народ наново в панске ярмо. Нашлися прошены и непрошены “приятели", котры выступают якобы в защиту Карпатской Руси, но под видом защиты карпато-русского народа они ведут политику фашистской Германии або польскых и мадьярскых панов. В такий момент мусит и карпаторусский народ сказати свое слово, што-бы другы не рішали його судьбу без него. Для той ціли и было созвано сегоднишне народне собрание. (…)
ЛЕМКО, №82, 14 октября 1938 г. Нью-Йорк, США