“Jizzax suv ta’minoti” AJda Uy-joy kommunal xizmati sohasi xodimlari kuni nishonlandi
18- aprel- “Uy-joy kommunal xizmat koʻrsatish sohasi xodimlari kuni” munosabati bilan “Versal” tantanalar majmuasida bayram tadbiri boʻlib oʻtdi.
Tashkil etilgan bayram tadbirida Jamiyat direktori Abdulla Yusupov hamda faxriylardan Parda Shukurov soha xodimlarini kasb bayrami bilan samimiy muborakbod etdi.
Bayramda Viloyat hokimi vakili Dilmurod Xudoyshukurov soʻzga chiqib, kommunal soha hodimlariga Jizzax viloyat hokimi Saliyev Ergash Alibekovichning bayram tabrigini o’qib eshittirdi.
Shuningdek, soha rivojiga munosib hissa qoʻshayotgan “Jizzax suv ta’minoti” AJning Sh.Rashidov tuman filiali rahbari Akbar Axmedov, maxsus ishlar bo’yicha mutaxassis Gavhar Hayitova “Uy-joy kommunal xizmat koʻrsatish aʼlochisi”koʻkrak nishoni bilan bilan taqdirlandilar.
Shuningdek, bir guruh soha fidoiylari “O’zsuvta’minot” AJ, Viloyat hokimligi,“Jizzax suv ta’minoti” AJning "FAXRIY YORLIG'I" va esdalik sovg'alari bilan taqdirlandilar.
Ko‘tarinki kafiyatda o‘tgan tadbir kuy-qo‘shiqlar hamohangligida raqslarga ulanib ketdi.
"Jizzax suv ta'minoti" AJ axborot xizmati