❗️Jeke menshik shólkem xızmetkerlerine hámiledarlıq napaqasın mámleket tárepinen tólew tártibi belgilendi

Húkimet qararı (515-san, 20.09.2022-j.) menen Mámleketlik sociallıq qamsızlandırıw boyınsha hámiledarlıq hám tuwıw napaqasın tayınlaw hám tólew tártibi haqqındaǵı reje tastıyıqlandı

📝 Reje menen byudjet shólkemlerinen basqa bárshe yuridikalıq shaxslarǵa 6 ay úzliksiz islep atırǵan hayallarǵa hámiledarlıq hám tuwıw napaqasın tólew tártibi belgilendi.

⏩ Napaqa Sociallıq qamsızlandırıw qorı esabınan perzent tuwılǵanǵa shekem minimal tutınıw qárejetleriniń 4 esesi (1 mln 992 mıń sum) muǵdarında beriledi.

Soǵan tiykar, yuridikalıq shaxslardıń napaqa tólew májbúriyatı Qor esabınan tólengen napaqa muǵdarına kemeytiriledi.

🗓 Miynetke jaramsızlıq beti napaqanı tayınlaw hám tólew ushın tiykar boladı. Miynetke jaramsızlıq beti rásmiylestirilgennen 5 jumıs kúninde maǵlıwmatlar juwaplı medicina xızmetkerleri tárepinen “Tibbiyot” málimleme sistemasına kirgiziledi hám maǵlıwmatlar “Birden bir reestr” sistemasına jiberiledi.

📲 “ Birden bir reestr” sisteması tárepinen napaqa tayınlaw yamasa bas tartıw haqqında qarar qabıl etilip tiykarlandırılǵan halda napaqa alıwshınıń telefonına SMS-xabar jiberiledi. Napaqa aydıń 10-sánesine shekem napaqa alıwshınıń plastik kartasına ótkerip beriledi. Plastik karta bolmaǵan jaǵdayda aydıń 27-sánesine shekem naq kóriniste beriledi.