ЙТҲ натижасида велосипедчи ҳалок бўлди.
Наманган ИИБ Ахборот хизматиЖорий йилнинг 30 июль куни соат 01:30 ларда, Учқўрғон туманида яшовчи фуқаро Хаққулобод-Учқўрғон йўлининг 2 км.да ўзига тегишли бўлмаган “Матиз” русумли автомашинани ишонч қоғози орқали бошқариб кетаётган вақтида ҳаракат хавфсизлигини таъминлай олмай, унга қарама-қарши йўналишда ҳаракатланиб келаётган велосипедчини уриб юборган.
Натижада велосипедчи тан жароҳати олиб шиқохонага ётқизилган. Бироқ, кўрсатилган тез тиббий ёрдамга қарамай, у вафот этган.
Ҳозирда ҳолат бўйича туман ИИБ ҳузуридаги ТБ томонидан Ўз.Р ЖКнинг 266-моддаси 2-қисми билан жиноят иши қўзғатилган.
Ҳурматли ҳайдовчилар, йўлларда ҳаракатланган вақтингизда ҳушёрликни йўқотманг. Сония қадар чалғишингиз ҳам аянчли оқибатларга олиб келиши мумкин.