Jámiyetlik transportta jeńillikli júriw kartasın beriw boyınsha reglament tastıyıqlandı
Húkimet qararı (16.09.2022-j. 507-san) menen Qala jolawshılar transportında (jónelisli hám jónelissiz taksiden tısqarı) ayırım topardaǵı puqaralarǵa biypul júriw huqıqın beriwshi jeńillikli transport kartaların beriw boyınsha mámleketlik xızmetler kórsetiwdiń hákimshilik reglamenti tastıyıqlandı.
✅ Reglamentke tiykar, tómendegi shaxslarǵa jeńillikli transport kartası beriledi:
🔹1941–1945-jıllardaǵı urıs qatnasıwshıları qatarınan bolǵan áskeriy xızmetshiler;
🔹1941–1945-jıllardaǵı urıs mayıpları hám urıstıń I topar mayıplarına qarap júriwshi shaxs;
🔹1941–1945-jıllardaǵı urıs dáwirinde front artında pidáyı miyneti hám nuqsansız áskeriy xızmeti ushın orden hám medallar menen sıylıqlanǵan shaxslar;
🔹Awǵanstan Respublikasında hám basqa mámleketlerdiń aymaǵındaǵı jawıngerlik háreketlerde qatnasqan burınǵı baynalminalshı jawıngerler qatarınan bolǵan puqaralar;
🔹haqıyqıy múddetli áskeriy xızmetti ótep atırǵan áskeriy xızmetshiler hám kontrakt boyınsha ápiwayı áskerler hámde serjantlar quramındaǵı áskeriy xızmetshiler;
🔹CHernobil AES apatshılıǵı aqıbetinde nurlanıw keselligine shatılǵan hám onı bastan ótkergen shaxslar;
🔹kózi ázzi mayıplıǵı bolǵan shaxslar hám kózi ázzi mayıplıǵı bolǵan shaxslarǵa qarap júriwshi (jetelewshi) shaxslar.
📝 Jeńillikli transport kartaların alıw ushın aymaqlıq transport basqarmalarına yamasa Birden bir interaktiv mámleketlik xızmetler portalı (my.gov.uz) arqalı múrájat etiledi.
🗓 Wákillikli uyım arzanı 2 jumıs kúninde úyrenip jeńillikli karta beriw yamasa onı beriwden bas tartıw haqqında múrájat etiwshige maǵlıwmat jiberedi.
⚠️ Mámleketlik xızmetti kórsetiw ushın jıyım óndirilmeydi, jeńillikli karta sheklenbegen múddetke beriledi.
🔰Qararǵa muwapıq, jeńillikli transport kartaların beriw basqıshpa-basqısh:
▫️Tashkent hám Samarqand qalalarında – 2023-jıl 1-yanvardan;
▫️respublikanıń bárshe qalalarında – 2023-jıl 1-maydan ámelge asırıladı.
☑️ Eski úlgidegi gúwalıqlar 2023-jıl 1-sentyabrge shekem óz kúshin saqlap qaladı.
Kanalǵa jalǵanıw👇👇👇
@huqiqiymalimleme