Ижтимоий тармоқда “Ҳозиргина, бетонка (катта трасса)да "Нексия" тезлик билан "Кобальт"га урилди” сарлавҳаси остида тарқалган видео лавҳа юзасидан маълумот

2020 йил 2 январь куни соат 20.10ларда Самарқанд вилояти Пастарғом тумани ҳудудидан ўтган “4Р-46” автомобиль йўлининг 6 километрида “Нексия” русумли транспорт воситаси ҳайдовчиси йўловчига чалғиши оқибатида йўл четида тўхтаб турган “Кобальт” автомашинасига келиб урилган. Натижада ҳар иккала транспорт воситалари йўл четидаги пастликка тушиб кетган.

Маскур йўл-транспорт ҳодисасида ҳеч ким тан жароҳати олмаган.

Бошқарув вақтида ҳайдовчининг чалғиши турли кўнгилсизликларга сабаб бўлиши мумкин. Шу боис барча ҳайдовчилардан ҳаракат давомида эътиборли бўлишларини сўраймиз!

Ўзбекистон Республикаси ИИВ ЙҲХББ Ахборот хизмати