“Ислом-маърифат дини”, “Илмдан бошқа нажот йўқ”, “Маърифатли жамият-жаҳолатни қоралайди” мавзуларида амалий учрашув ташкил этилди

“Islom-maʼrifat dini”, “Ilmdan boshqa najot yoʻq”, “Maʼrifatli jamiyat-jaholatni qoralaydi” mavzularida amaliy uchrashuv tashkil etildi

2024-йил 24-апрел куни Тошкент темир йўл техникумида ўтказилган мазкур тадбир замирида таълим муассасада таҳсил олаётган ёшлар орасида жаҳолат ва илмсизлик ғояларига берилишининг олдини олиш ҳамда уларни илм-фан ва касб-ҳунарга қизиқтириш каби хайрли мақсадлар ётибди.

2024-yil 24-aprel kuni Toshkent temir yo’l texnikumida o‘tkazilgan mazkur tadbir zamirida taʼlim muassasasida tahsil olayotgan yoshlar orasida jaholat va ilmsizlik gʻoyalariga berilishining oldini olish hamda ularni ilm-fan va kasb-hunarga qiziqtirish kabi xayrli maqsadlar yotibdi.

Учрашувда Ўзбекистон Республикаси Дин ишлари қўмитасининг масъул ходими, Тошкент транспорт прокуратураси ва ИИБ ходимлари, техникум раҳбарияти, педагог-ходимлар ҳамда ўқувчилар иштирок этдилар.

Uchrashuvda O‘zbekiston Respublikasi Din ishlari qo‘mitaning mas’ul xodimi, Toshkent transport prokuraturasi va IIB xodimlari, texnikum rahbariyati, pedagog-xodimlar hamda o‘quvchilar ishtirok etdilar.

Тадбирда мамлакатимизда таълимга алоҳида эътибор берилаётгани эътироф этилди. Шунингдек, иштирокчиларнинг техникум таълим-тарбия жараёнларини янада ривожлантириш юзасидан фикрлари тингланди, ўқувчилар ўзларини қизиқтирган саволларига жавоб олишди.

Tadbirda mamlakatimizda taʼlimga alohida eʼtibor berilayotgani eʼtirof etildi. Shuningdek, ishtirokchilarning texnikum ta’lim-tarbiya jarayonlarini yanada rivojlantirish yuzasidan fikrlari tinglandi, o‘quvchilar oʻzlarini qiziqtirgan savollariga javob olishdi.