Ислам щиб кколеб

Ислам ккола: тавхӏидалдалъун Аллагьасе мукlурлъи, Гьесул амруялъе мутӏигӏлъи, ва ширкалдаса, ва гьелъул агьлуялдаса рикӏалъи. 

Исламалъул буго лъабго даража:

1. Ислам
2. Иман
3. Ихӏсан

Ва щибаб даражаялъе арканал руго:

ТӀОЦЕБЕСЕБ ДАРАЖА: ИСЛАМ 

Исламалъул щуго рукну буго: 

1. Шагьадат битlи
2. Как бай
3. ЗакагӀат кьей
4. Рамазан моцlалъ кӏал ккой
5. Аллагьасул рукъалда (кагlбаялда) хlеж гьаби.

КӀИАБИЛЕБ ДАРАЖА: ИМАН

Гьелъул 77 бутӏа буго. Гьезул бищунго кӏудияб ккола "Ля-илягьа илля-Ллагь" абураб тавхӏидалъул калима. Ва гьезул бищунго гьитӏинаб ккола "нухалдаса, зарал бугеб жо, нахъе гьаби", ва ничги иманалъул бутӏабаздаса, цо бутӀа ккола. 

Ва иманалъул анлъго рукну буго, гьел ккола:

1. Дуца иман лъей, Тӏадегӏанав Аллагьасда.
2. Гьесул малаикзабазда.
3. Гьесул тӏахьазда. 
4. Гьесул аварагзабазда. 
5. Ва ахир-къиямасеб къоялда.
6. Ва Гьесул къадаралдаги, лъикӏаб букӏаниги (къадар), квещаб букӏаниги.

ЛЪАБАБИЛЕБ ДАРАЖА: ИХӀСАН

Гьелъул цо рукну буго, гьеб ккола:

дуца Аллагьасе гӏибадат гьаби, дуда Гьев вихьулев гӏадин, дуда Гьев вихьулев ватичӏониги, хӏакълъунго, Гьесда мун вихьула.

Ссылка на канал: https://t.me/avar_daavat