“Ишбилармон аёл-2024”: Жондорлик ҳунарманд, ишбилармон ва фермер аёллар эътироф этилди
O'zLiDeP Жондор туман Кенгаши томонидан “Ишбилармон аёл – 2024” кўрик танловининг туман босқичи ўтказилди.
Аёллар ўртасида тадбиркорликни ривожлантириш, рағбатлантириш, қўшимча иш ўринлари яратиш ҳамда аёлларнинг жамиятдаги фаоллигини янада ошириш мақсадида ўтказилаётган мазкур танловда ўнлаб ҳунармандлар, фермер хўжаликлари раҳбарлари, тадбиркорлар ва ишбилармонлар ўз кўргазмалари билан иштирок этдилар.
Тақдирлаш маросимида иштирок этган O'zLiDeP вилоят Кенгаши аёлларнинг сиёсий фаоллиги, жамиятдаги ўрни ва мавқеини ошириш бўлими мудири Робия Салихова, партия Жондор туман Кенгаши раиси биринчи ўринбосари-аппарат раҳбари Шуҳрат Бобоев, туман Кенгаши раисининг аёллар масалалари бўйича ўринбосари Латофат Беҳбудова инновацион лойиҳаларни ҳаётга татбиқ этишдаги фаоллиги, замонавий ишлаб чиқаришни йўлга қўйиш орқали янги иш ўринлари яратгани, экспортбоп, импорт ўрнини босувчи маҳсулот ишлаб чиқараётгани, энг асосийси, ишсиз қолган, “Аёллар” ҳамда “Ёшлар” дафтарлари рўйхатида турган хотин-қизларнинг иш билан таъминлашда фаоллик кўрсатаётгани учун тадбиркор аёлларга миннатдорчилик билдирдилар.
Тадбирда иштирокчилар 5 та номинация буйича ўзаро беллашдилар. Ҳакамлар ҳайъатининг якуний хулосаларига кўра :
-“Йилнинг мурувватли ишбилармон аёли” номинацияси бўйича ғолиблик хусусий тадбиркор– Зебинисо Ҳамроевага;
- “Энг ёш, фаол аёл тадбиркор” номинацияси бўйича ғолиблик хусусий тадбиркор – Нозима Зариповага;
- “Замонавий ташаббускор аёл” номинацияси бўйича ғолиблик хусусий тадбиркор – Гулноза Имомовага;
- “Қишлоқни ижтимоий ривожлантиришда фаоллик кўрсатган фермер аёл” номинацияси бўйича ғолиблик – Нигора Ҳусеновага;
-“Инвестицияларни жалб қилишда ташаббус кўрсатган ишбилармон аёл” номинацияси бўйича ғолиблик – Шахноза Шариповага насиб этди.
Ташкилотчилар томонидан ишбилармон аёлларга партия ва ҳамкор ташкилотларнинг диплом ва қимматбаҳо эсдалик совғалари тақдим этилди. Танловнинг вилоят босқичида қатнашиш ҳукукини қўлга киритган иштирокчилар муборакбод этилди.
