Interview with Arteckoff

⚡️Лойиҳанинг навбатдаги меҳмони Қашқадарё вилоятининг 2019 йилдаги энг яхши блогери – Отабек Артиков

Муаллиф: Ёш бўлсангиз ҳам анчайин танилдингиз. Сизни бу даражага етишингизга нима сабаб бўлган? Кимларнингдир маслаҳатлари, қўллаб-қувватлашларими ёки шунчаки яхши постларми?

Отабек Артиков: Мени телеграм тармоғида эътиборга тушишим бошида @Kulgu каналимдаги жайдари ҳазилларим бўлган, ҳатто MY5 ва Маҳалла телеканалларидан кўнгилочар лойиҳаларга ҳам таклифлар бўлган, аммо блогер сифатида танилишимда @FayzbogUz блоги муаллифи Темур Малик Тожиддинзодани ҳиссалари жуда кўп, биз жуда яхши муносабатдамиз ва бирор пост ёзишдан аввал кўпинча у киши билан маслаҳатлашаман, қисқа қилиб айтганда у киши дух бериб турадилар маслаҳатни аямайдилар, ҳурматим чексиз, қолгани эса камтарона ижодим, агар бу одамларга маъқул келаётган бўлса демак яхши шогирдман😊

Aгар у кишига шогирд бўлмаганимда шахсий блог очмасдан ўша @Kulgu каналимда прикол қўйиб умрим ўтиб кетарди...

М: Дастлаб лотин ёзувида ёзган экансиз. Сизни кириллга ўтишга нима мажбур қилган?

О.А: Рости лотин тилида жуда тез ёзаман(ҳатто олийгоҳда ўқиган кезим ким тез ёзишда баҳслашардик) қолаверса эринчоқлигим ва доим иш билан бандлигим сабаб бошида лотин алифбосида ёзардим, ишим тезроқ битиши учун, аммо биринчи бу ишимни Темур Малик танқид қилгандилар шундан буён криллда ёзаман.

М: Сиздан постларингизни "ухлатасизми", деб сўрашибди. Мени қизиқтиргани бошқа. Агар бирор каналда айнан сизнинг ижодингиз манбасиз кўчирилганидан хабар топсангиз, нима қиласиз? Курашасизми?)

О.А: Бу нарсага тез-тез гувоҳ бўламан, баъзида жаҳлим чиқади, оддий ҳазилларимдаги изоҳларни олишганига кўникиб кетганман аммо жиддий мавзудаги постларим қайсидир каналлардан муаллиф номи ўчирилган ҳолда ўзимга юборишса бундан ростманасига жаҳлим чиқади, аммо бир блогер айтганидек сендан кўчиришяптими демак сени ўқишяпти.

М: Таҳдидлар ёки ички сензура сабаб ёзилмаган гаплар бўлганми?

О.А: Таҳдидлар юртбошимиз блогерларни эътироф этмагунларича доим бўлган яхшиям блогерларга эътибор қаратдилар шундан буён таҳдидлар йўқ, аммо ёзгим келган нарсани доим очиқ ёзишга ҳаракат қиламан.

М: Қашқадарёда ёки бошқа жойда "танкангиз" борми? Амалдорлар билан алоқаларингиз мавжудми?

О.А: Битта танкам бор бу яратган тангрим, мени ишонган кимимдир йўқ, бироқ таҳдид бўлса устозим ва таниқли блогерлар (Умид Гафуров ва Нурбек Aлимов ва маҳаллий бир қанча блогерлар) қўллаб қувватлашини биламан, рости йўқотадиган нарсам йўқ шу учун таҳдидларга эътиборсизман.

М: Сизнинг рамзий терма жамоангиздан қайси блогерлар ўрин олади?

О.А: Темур Малик, Бакиро, Нурбек Aлимов, Умид Гафуров, Элдор Aсанов, Мубашшир Ахмад

М: Келажакда сиёсий шахсга айланишингиз мумкинми? Матбуот котиби ёки депутат сифатида?

О.А: Йўқ мен эркин ҳаёт тарафдориман, кимнидир буйруқларига бўйсуниб яшай олмайман, агар сиз айтган вазифалардан бирортасида ўтирсам эркин фикримни айтишимга йўл қолдиришмайди бу аниқ!

М: Карантин вақтида сиз эшитган, билган, кўрган, дуч келган муаммолардан қандай қилиб қутулиш мумкин? Таклиф бера оласизми?

О.А: Энг кўп муаммолардан бири бу албатта ишсизлик, айнан ҳозир карантинда давлат ишида ишламасдан кунлик пул топаётганлар аҳволи сезилиб қолди, аввало ишонаманки давлат айнан шу карантин бизга кўрсатиб қўйган камчиликлар билан энг биринчи навбатда курашади!

Блиц-саволлар

– Блогингизни 10 баллик тизимда баҳоланг

– 5 балл

– 10 йилдан сўнг ҳаётингизни қандай тасаввур қиласиз?

– Бахтли инсон сифатида албатта

– Ҳар иккисидан бирини танланг

1. Дарё ёки кун.уз (бошқа бўлса, қайси?)

2. Босма нашрлар ёки электрон ОАВ

– 1. Кун.уз, olamsport.uz nasafnews.uz

2. Газета ўқимай қўйганман

– Заказ мақола таклиф қилишганми?

– Ҳа мақтаб ёзиш ҳақида (амалдорни) лекин рад этганман, мен кимдир айтган нарсани эмас қалбим буюрганини ёзаман...

– Ўзбекистон сўз ва матбуот эркинлиги бўйича дунё рейтингида камида элликталикка кириши учун неча йил вақт керак?

– Давлат сўз эркинлигига йўл очган буни фуқароларни ўзи ҳис қилиши ва талаб қилиши керак, токи халқ ўзи тайёр бўлмас экан минг йилда ҳам ҳеч қандай ўзгариш бўлмайди.

Ажойиб суҳбат учун ташаккур. Келгуси ишларингизга ривож тилаймиз.

👉 @soliyevblog 👈