Қашқадарё вилояти ИИБ Ахборот хизмати

Интернет ижтимоий тармоқларида тарқалган Чироқчи туманида профилактика инспекторига фаол қаршилик кўрсатиб қонуний талабларини бажармасдан профилактика инспекторининг эгнидаги хизмат кийимини тортиб йиртган фуқарога нисбатан Чироқчи туман прократураси томонидан жиноят иши қўзғатилди.

2021 йил 28 август куни соат 11:00ларда Чироқчи тумани ИИБ 4-сон ИИБ ХПГ профилактика инспектори лейтенант Б.Кўпайсиновга бозорга келган “Мирзатўп” МФЙда яшовчи фуқаро Х.Ж қўнғироқ қилиб, Чироқчи тумани Мирзатуп қишлоғида жойлашган, хафтанинг хар шанба куни бўладиган “Уйшун” дехқон бозорида иккита фуқаро ўзаро жанжаллашаётганлигини айтиб мурожаат қилган.

  Шундан сўнг ушбу бозорда хизмат олиб бораётган худудий профитлактика инспектори лейтенант Б.Кўпайсинов ҳолат бўлаётган жойга борганида Чироқчи тумани Уйшун қишлоғида яшовчи фуқаро Б.Д Чироқчи тумани Араббанди қишлоғида яшовчи фуқаро О.Б билан ўзаро оғзаки тортишиб жанжаллашиб Б.Д жанжал вақтида О.Б.ни юз соҳасига уриб тан жарохати етказган.

Ушбу бозорда профилактик ишларни олиб бораётган профилактика инспектори лейтенант Б.Кўпайсинов ушбу фуқароларни олдига бориб уларни тинчлантирмоқчи бўлганида фуқаро О.Б профилактика инспекторига фаол қаршилик кўрсатиб, ўзини фуқаролар олдида носамимий тутиб, ИИБ ҳодимининг қонуний талабига буйсунмасдан профиликтика инспекторини хақорат қилиб, эгнидаги хизмат кийимини тортиб йиртиб, унга тан жарохати етказган. 

Холат бўйича фуқаро О.Б мастлик бўйича тиббий текширувдан ўтказилганида мастлик холати аниқланди.

Мазкур холат юзасидан Чироқчи тумани прокуратураси томонидан О.Б.га нисбатан Ўзбекистон Республикаси Жиноят кодексининг 219-моддаси 2-қисми билан жиноят иши қўзғатилиб, ЖПКнинг 221-моддаси тартибида ушланган. Айни пайтда Чироқчи туман прократураси томонидан дастлабки тергов ҳаракатлари олиб борилмоқда.

Қашқадарё вилояти ИИБ Ахборот хизмати.