Intellektual kasting savol-javoblari (28.02.2021)

Faktga asoslangan savollar:

1-savol: Mustaqil Oʻzbekiston tarixida Yozgi Olimpiada oʻyinlarida ilk oltin medalni qoʻlga kiritgan sportchi kim?

 2-savol: Oʻzbekiston va Afgʻoniston chegaralarida, Amudaryo ustida qurilgan “Doʻstlik” koʻprigi ikki shaharni bogʻlab turadi. Ulardan biri Hayraton. Siz esa ikkinchi shahar nomini yozib bering.

 3-savol: Alisher Navoiy nomidagi Oʻzbekiston davlat akademik katta teatri tashkil etilganida raqs truppasini boshqarish ushbu buyuk oʻzbek raqqosasiga ishonib topshiriladi. Kimga?

 4-savol: Dunyodagi eng mitti davlat — Vatikan qaysi shahar hududida joylashgan?

 5-savol: Buzruk, rost, navo, dugoh, segoh va iroq. Birgalikda ular qanday nomlanadi?

 6-savol: Juzeppe Verdining “Aida” operasi Misrdagi bir gidrotexnik inshoot yaratilishiga bagʻishlab yozilgan. Qaysi inshoot?

 7-savol: Oʻzbekistonlik fazogir Vladimir Jonibekov tugʻilgan Boʻstonliq tumanidagi qishloq nomini yozib bering.

 8-savol: Toshkent shahrida joylashgan Milliy rassomlik va dizayn instituti kimning sharafiga nom olgan?

 9-savol: Ushbu oʻsimlik yaproqlari qadimda gʻoliblar boshiga chambar sifatida taqilgan, hozirda esa undan asosan oshpazlar ovqatga taʼm berish uchun foydalanishadi. Bu qaysi oʻsimlik?

 10-savol: “Makbet” pyesasi jahon adabiyotning qaysi buyuk vakili qalamiga mansub?

 11-savol: Qoraxoniylar hukmdori Arslonxon buyrugʻiga binoan 1127-yili muhandis va meʼmor Baqo tomonidan barpo etilgan tarixiy yodgorlik nomi nima?

 12-savol: Tinchlik ramzi sifatida tasvirlangan oq kabutar surati qaysi mashhur rassom qalamiga mansub?

 13-savol: Ushbu soʻz kompyuterning doimiy xotira qurilmasi, ingliz familiyasi va oʻqotar qurol maʼnosini anglatishi mumkin. Qaysi soʻz?

 14-savol: Julqunboy taxallusi ostida ijod qilgan oʻzbek adibi kim?

 15-savol: Quyosh tizimidagi eng yirik sayyora nomi nima?

 16-savol: “Adidas” va “Puma” sport brendlari mos ravishda aka-uka Adolf va Rudolflar tomonidan tashkil etilgan. Aka-ukalarning familiyasini yozib bering?

 17-savol: FIAT avtokompaniyasiga qaysi davlatda asos solingan?

 18-savol: Murakkabguldoshlar oilasiga mansub, asosiy moyli ekinlardan biri boʻlgan ushbu 1 yillik oʻsimlikning vatani Shimoliy Amerikadir. Bu qaysi oʻsimlik?

 19-savol: Qaysi davlat nomi tarjimasi “Kichik Venetsiya” degan maʼnoni anglatadi?

 20-savol: Paygʻambar Muhammad (s.a.v.) vafotlaridan keyin kim ilk xalifa etib saylangan edi?

 21-savol: Atlantika okeani shimolidagi iliq oqim nomini yozib bering.

 22-savol: Afsonalarga koʻra, yonib kulga aylangach, oʻsha kuldan qayta tiriladigan qush nomi nima?

 23-savol: “Buxoro yoxud Movarounnahr tarixi” asarining muallifi boʻlgan sharqshunos yozuvchi kim?

 24-savol: 1866-yilda Anri ismli farmatsevt tomonidan Shveysariyada asos solingan oziq-ovqat kompaniyasi qanday nomlanadi?

 25-savol: “Mahallada duv-duv gap” filmida Umar rolini ijro etgan Oʻzbekiston xalq artisti kim?

 26-savol: 1887-yilda Zamengof tomonidan asos solingan sunʼiy til qanday ataladi?

 27-savol: Yaponlarning qogʻozlardan turli shakllar yasash sanʼati qanday ataladi?

 28-savol: Sharofiddin Ali Yazdiy qaysi meʼmoriy yodgorlikka nisbatan “Agar osmon gumbazi boʻlmaganda masjid gumbazi olamda yagona boʻlar edi” deb taʼrif bergan?

 29-savol: Ushbu koʻp kunlik velopoyganing yakuniy bosqichi Parijdagi Yelisey maydonida boʻlib oʻtadi. Bu qaysi velopoyga?

30-savol: Oʻzbekiston milliy valyutasi boʻlgan oʻzbek soʻmi nechanchi yili muomalaga kiritilgan edi?

Mantiqiy savollar:

1-savol: Nozim Hikmat yozadi: Men yonmasam lovullab, sen yonmasang lovullab, boshqa yonmasa lovullab, u qanday yorishsin? Savol: u deganda nima nazarda tutilmoqda?

 2-savol: Oʻzbek pedagogikasi otasi Abdulla Avloniy jahon tajribasida bor boʻlgan bir yangilikni milliy taʼlim sohasiga olib kiradi. Bu tizimni qoloqroq oʻquvchilar noxushlik bilan qabul qilishgan, chunki ular boshqalardan uzoqroq oʻqishlariga toʻgʻri kelgan. Savol: Avloniy taʼlim tizimiga qanday yangilikni olib kirgan?

 3-savol: Ikki kishi besh partiyadan shashka oʻynab, har ikkalasi ham beshala partiyani yutqazgan. Savol: bu qanday boʻlishi mumkin, izohlab bering.

 4-savol: Gʻarbiy Afrika qirgʻoqlaridagi Peyt orolida bir masjid mutaxassis yoʻqligi sabab 3 marta qayta qurilgan ekan. Savol: qanday juzʼiy xatolik tufayli masjid qayta-qayta qurilgan?

 5-savol: Dunyo okeanlari boʻylab sayohatga chiqqan bir suvosti kemasida axlatni tashqariga chiqaruvchi tizim ishdan chiqib qolgan. Kema ichi yoqimsiz hidga toʻlgan. Keyin suvosti kemasi axlatlarni boshqa narsa orqali tashqariga chiqishini taʼminlashgan. Savol: yigʻilib qolgan axlatlarni tashqariga nima orqali chiqarishgan?

 6-savol: Afrika qirgʻoqlarida ov qilib yuruvchi baliqchilar qarmogʻiga laqqa baliqning bir turi tushib qolsa, shoʻri quriydi. Chunki u baliqni qarmoqdan olish paytida katta xavf tugʻiladi. Savol: bu baliqning xavfliligi nimada?

 7-savol: BMT bayonotida odamlarni bir joydan ikkinchi joyga koʻchib yurishlarida eng keng tarqalgan usul aynan U ekanligi haqida ma’lumot berilgan. Savol: ushbu eng ommaviy usulni toping.

 8-savol: Biz soʻramoqchi boʻlgan tarixiy shaxsning asli kasbi matoga ohor bosuvchi boʻlgan. Tarixchi Narshaxiyning yozishicha uning bir koʻzi koʻr, boshi kal, basharasi xunuk boʻlganligidan yuziga koʻk parda taqib yurgan. 8-asrning 70-80-yillarida Movarounnahrda mashhur boʻlgan bu badbashara insonning laqabini yozib bering.

9-savol: Ibn Sino “Tibbiy oʻgitlar” kitobida toʻrt faslga xislat berib, bu fasl haqida shunday deydi: “Ul faslda sogʻlom kishilardan kamdan kami kasalga chalinadi. Uning boshqalaridan farqi shunda koʻrinadiki, bu faslda insonlar harakatida shitob va joʻshqinlik seziladi”.

Savol: Ibn Sino qaysi faslga bunday taʼrif bergan?

10-savol: Shveysariyaning ayrim hududlarida davlat tomonidan tugʻilgan har bir bolaga 100 frankdan pul toʻlanar ekan. Davlat tomonidan beriladigan bu pulni ular bir mashhur lotincha soʻz bilan atashadi. Savol: oʻsha so‘zni yozib bering.

JAVOBLAR:

Faktga asoslangan savollar javoblari:

1.    Muhammadqodir Abdullayev

2.    Termiz

3.    Tamaraxonum

4.    Rim

5.    Shoshmaqom

6.    Suvaysh kanali

7.    Iskandar qishlogʻi

8.    Kamoliddin Behzod

9.    Lavr (dafna) barglari

10. Uilyam Shekspir

11. Minorai Kalon

12. Pablo Pikasso

13. Vinchester

14. Abdulla Qodiriy

15. Yupiter

16. Dassler

17. Italiya

18. Kungaboqar

19. Venesuela

20. Abu Bakr Siddiq roziyallohu anhu

21. Golfstrim

22. Qaqnus (Feniks)

23. Herman Vamberi

24. Nestle

25. Hamza Umarov

26. Esperanto

27. Origami

28. Bibixonim jome masjidi

29. Tour de France

30. 1994-yil

Mantiqiy savollar javoblari:

1.    Tun (osmon)

2.    Sinfdan sinfga oʻtishdagi imtihon

3.    Har ikkalasi boshqa-boshqa raqiblar bilan oʻynagan, o‘zari o‘ynamagan

4.    Qibla yoʻnalishini notoʻgʻri olib qoʻyishgan

5.    Torpeda otish tizimi orqali bajarishgan

6.    Baliq o‘zidan elektr toki chiqaradi

7.    Yayov, piyoda

8.    Muqanna

9.    Qish

10. Pensiya (lotincha “to‘lov” degan ma’noni bildiradi)