Inflammation

السلام عليكم ورحمة الله وبركاته..يا رب تكونو بخير يا دكاترة وبداية خير وتوفيق يا رب

في الاول عايزين نعرف يعني اي inflammation ودا عبارة عن رد فعل بيعمل ع القضاء ع السبب اللي ادي الي حدوث cell injury ويزيل الأنسجة الميته وفضلات الحرب اللي حصلت في المكان دا

وكمان inflammation مش سداح مداح🫣 بيحصل في اي مكان وبس لا دا شرطه اولا أنه هيكون في نسيج حي هتقولي طب و النسيج الميت هقولك دا بيكون حواليه inflammation ولكن هو مش بيحصله كدا ثانيا لازم يكون فيه vessels ليه؟!!!

هقولك بكل بساطة لأن كل جيشنا هيطلع اصلا من الأوعية الدموية دي اتفقنا؟تمام 🫡

مش بقولك دي حرب يا دكتور 😂 يلا استعنا ع الشقاء 🙂

طب نقدر نعرف اي أسبابه ؟ اهاا طبعا من عنيا 🫣

اولا هي نوعين من الأسباب :

١_ اسباب خارجية جاتلي من برا ودا أما :

Physical: 1) Mechanical: trauma خبطة مثلا

2)thermal : burns حروق,freezing 🥶

Chemical : ودا زي مواد سامه ،احماض أو قواعد

Biological:بكتيريا بقا ،فيروس،طفيل وهكذا

٢_ أو يا سيدي انها اسباب اصلا داخلية زي جلطة كسر ،نزيف أو في انزيمات اتنشطت بقا أو حصل ترسيب ل uric acid لما يترسب واللي هو مسئول عن مرض النقرس ،او مرض مناعي اصلا

طيب دلوقتي بقا نقدر نقول إن inflammation دا نوعين أو صورتين 1_Acute

2_chronic

1_ Acute inflammation:

عايزة ابلغك أن دا التهاب سريع مقارنة بالثاني ثانيا دا بيحصل نتيجة tissue injury حصل تدمير لبعض الخلايا او اي سبب من اللي ذكرناه فوق

طيب اي مميزاته أو خصائصه:

١_ بيحصل فيه توسيع للأوعية vasodilation

٢_ بيحصل فيه خروج للسائل من vessels وبالتالي يسبب Edema

٣_ هجرة خلايا leucocytes وبشكل أوضح

PMNs =polymorphic nuclear lymphocytes=White blood vessels

الاشارات أو العلامات الظاهرة ع المريض غالبا بتكون

Redness احمرار ،hotness زيادة درجة الحرارة

Pain الم , swelling ورم،loss of function فقد الوظيفة وبيقولك هنا أن العالم اليوناني جالينوس ضاف هذه العلامه الخامسه في القرن الثاني الميلادي

وفكك من دا عشان مش مقتنعه بالناس دي😂( ربنا يجازيهم خير ع اكتشافاتهم ) غير لما يحطوني معاهم بث🫣😂

بيقولك بقا أن رد فعل المناعه بيشمل حاجتين :

١_ رد فعل ع مستوي الأوعية الدموية Vascular response

٢_ رد فعل ع مستوي الخلايا cellular response تمام؟تمام 🫡

Vascular response :

1)brief arteriolar vasoconstriction= transient VC:

اول حاجة هيدخل عليك العامل اللي هيسبب الالتهاب فتلاقي الجهاز العصبي زعق مرة واحدة وقال الحق المصيبة اللي حصلت دي ويسمح بتكوين هرمونات زي الادرينالين والنور ادرينالين مسئولين عن VC ولكن للحقيقة العلمية فهو بيحصل من عدة ثواني لدقائق ويزيل مسببه اللي هو تاثير الجهاز العصبي والهرمونات ويبدأ بقا يفكر بطريقة صح ويتجنب التهور اللي عمله دا بلاش التعصب عيب كدا احنا كبار 😂 🤌

2) passive vasodilation:

يعمل Vasodilation هيوسع الأوعية الدموية وتلاقي في مواد كيميائيه طلعت من منطقة الإصابة زي histamine from mast cells ,serotonin from platelets and bradykinin

and kallikrein from damaged cells

وتلاقي fluid طلع من الأوعية الدموية الي مكان الإصابة ودا بسبب زيادة نفاذية الأوعية الدموية للسائل وسبب ورم في منطقة الإصابة لان في سائل كتير راح هناك وبيكون لونه احمر وطبعا خروج السائل دا غالبا بيضغط ع العصب فبيسبب الم وكمان زي ما قولنا منطقة الالتهاب بترتفع حرارتها وتفقد وظيفتها

طبعا خروج السائل من الأوعية الدموية دا بيخلي كمية الدم اللي ماشية في الاوعية تقل وبالتالي تزيد اللزوجة وبالتالي نسبة ترسب كرات الدم في الأوعية معدلها يزيد دا طبعا بيكون في الشعيرات اللي موجودة جمب الإصابة

ولما بلاقي الإصابة حصلت وانا روحت جبت جيشي بسرعة عند مكان الإصابة فأنا بعمل تحديد له في مكان الإصابة بحيث مينتشرش وعمل ع فتح pores اللي بتكون بين خلايا endothelial cells اللي بتكون حائط الأوعية الدموية عشان يطلع السائل دا أو الجيش 🫡

شوف يا دكتورنا المحترم أنا عايزة اقول لحضرتك إن الأوعية الدموية هي مبطنه أو عبارة عن endothelial cells متجاورة جمب بعضها فلما حصل Vasodilation هتلاقي حصل contraction and retraction ودا بيزيل طول الزوائد اللي موجودة في endothelial cells وبالتالي ينشأ ثغور يقدر يعدي منها خلايا الدم البيضاء تمام

أو يا دكتور الإصابة لما الإنسان اتصاب بها ممكن اذت الخلايا دي وحصل injury وتدمر منها خلايا فعدي منها fluid أو اصلا خلايا الدم البيضاء هي اللي تسبب الإصابة او ممكن يحصل دا بسبب نشاط الخلايا الدم البيضاء بتطلع مواد سامه وفي طريقها دمرت شوية endothelial cells

وهكذا.. عايزة اقولك يا دكتور أن اصلا خروج خلايا الدم البيضاء يتبعه خروج شوية دم حمراء هتقولي ازاي ؟!!اقول دا بيحصل عن طريق الاقدام الكاذبة pseudopodia

3) Slowing of the blood stream: It is due to:

ودا عبارة عن بطء جريان الدم ودا بيرجع الي:

١_ بسبب الالتهاب اللي حصل بعض خلايا الأوعية بتورم وبالتالي هتلاقي خلايا الأوعية الدموية تقاربت من بعضها وبالتالي دا يقلل من جريان الدم

٢_ increase in the capillary bed due to opening of all cappilaries in the area of inflammation

ودا بيحصل بسبب اتساع الشعيرات فيحصل تراخي للشعيرات وبيدي فرصة كبيرة للدم أنه يطلع برا الشعيرات 🫡

٣_ زيادة لزوجة الدم طبعا ودا بيحصل بسبب هروب كمية من السائل

4) inflammatory fluid exudate:

ودا معناه خروج السائل الغني بالبروتين الي موقع الإصابة بين الخلايا

Pathogenesis:

١_ زيادة hydrostatic pressure ودا بيحصل بسبب اتساع الأوعية الدموية وبالتالي زيادة ضغط الدم لبرا تمام عشان كدا قولنا زي ما وضحنا سابقا حدوث الالم بسبب ضغطه ع الأعصاب🫡

٢_زيادة النفاذية

3_ Osmotic pressure

ودا بسبب كثرة الخلايا اللي بتروح هناك في مكان الإصابة وبالتالي دا بيجذب عدد أكبر من السائل

Function:

١_ كمية السائل اللي طلعت زادت وبالتالي السموم اللي موجودة في النسج المصاب لما راحلها سائل كتير دا ادي الي تخفيف سميته 🫡

٢_ السائل اللي راح بيحتوي ع antibodies and antitoxins

٣_ضغط السائل ع الأوعية الليمفاوية دا بيؤدي أنه شبه بيقفله عشان يمنع انتشار العدوي

ولو حصل والعدوي دخلت بتروح ل العقد الليمفاوية وتسمي ب lymphadenitis

Cellular response :

دا رد فعل ولكنه ع مستوي الخلايا ودا بيتميز بحركة الخلايا البلعميه لمنطقة الإصابة

ودا بيحصل بمشاركة نوعين من الخلايا granulocytes and monocytes.

وتتابع الأحداث بيحصل كالتالي :

1_Pavementing:

ودا بيحصل عن طريق أن الخلايا هتروح لحائط الأوعية الدموية عن طريق أنها بتزود حاجة اسمها adhesion molecules ودي بتكون ع سطح كلا من خلايا الدم البيضاء + endothelial cells

هتقولي طيب اي اللي بيخليها تزود انتاج الحاجة دي ؟ هقولك

chemical mediators (i.e., histamine, leukotrienes and kinins) and cytokines

وبالتالي هتلاقي خلايا الدم البيضاء مسكت في endothelial cells وبعد كدا تبدأ أنها تهاجر وتخرج من الأوعية

2_emigration and cytokines:

قولنا سابقا أن الخلايا هتبدا تطلع من الثغور عن طريق pseudopodia طيب هي طلعت دلوقتي برا الأوعية هتروح فين؟! هنسيبها تتوه وتروح اي مكان تضرب فيه زي البغل 😂ولا في حاجات هترشدها للمكان الصحيح؟!

زي سيتوكينات أو البكتيريا أو حطام الخلايا او عن طريق complement زي (C3a,C5a)

ومشيتنا ورا المواد دي كدا بسميها Chemotaxis

جاذبة

phagocytosis:

وطبعا دا بيحصل عن طريق الخلايا البلعميه زي neutrophils and Macrophages

اللي هيبتلع البكتيريا وحطام الخلايا ويحللها ويقضي عليها عن طريق عملية اسمها الابتلاع phagocytosis

Phagocytosis involves three distinct steps:

Adherence plus opsonization : ودا عن طريق أن البكتيريا هتمسك في مستقبل ع سطح الخلية المبتلعه وخاصة لما يتم تقديم البكتيريا مع complement or antibodies

ودا بيسهل عملية الابتلاع

- Engulfment: هتبدا بقا الخلايا تبتلع البكتيريا

- Intracellular killing يحصل انها تقتل البكتريا دي عن طريق كدا حاجة زي :

enzymes, toxic oxygen and nitrogen products produced by oxygen-

dependent metabolic pathways (nitric oxide, peroxyonitrites, hydrogen peroxide, and

hypochlorous acid)

- If the antigen is coated with antibody or complement, its adherence is increased

because of binding to complement. This process of enhanced binding of an antigen caused by

antibody or complement is called opsonization.

دا نفس اللي قولته في اول نقطه أن مسكة البكتيريا مع complement أو antibodies دي بحد ذاتها بتسهل أن الخلايا المبتلعه تمسك في البكتيريا

اولا acute inflammation بيكون عبارة عن نوعين حسب هل هو عنده صديد أو لا وبالتالي ينقسم الي :

Acute Suppurative Inflammation:

(Septic, Purulent or Pyogenic Inflammation)دي بعض أسماؤهم التانيه

وغالبا بيحصل بسبب pyogenic organism اللي بيسبب صديد زي Staphylococcus aureus, Streptococcus haemolyticus and others

Mechanism of pus formation:

1. Pyogenic organisms cause:

a- موت خلايا كتير وبشكل ملحوظ

b- جذب عدد كبير من

neutrophils

c- قتل الكثير من neutrophils ودا بيصحل بسبب سموم البكتيريا

2. Dead neutrophils (called pus cells) release their proteolytic enzymes, which liquefy

necrotic tissue and fibrin. The liquefied material mixed with pus cells and fluid exudate form pus.

وهنا بيقولي ان سموم البكتيريا بتهاجم neutrophils وتقتلها ويطلع منها proteolytic enzymes المسئولة انها تذوب necrotic tissue and fibrin وتخلطه مع pus cells ودي هي خلايا neutrophils لما تموت وتخلطه مع باقي fluid exudate اللي بيطلع من الأوعية الدموية مكونا الصديد

Characters and composition of pus:

دا. غالبا بيكون صديد مش بيحصله تجلط لعدم fibrinogen وبيكون creamy alkaline yellowish or yellowish green fluid

composed of:

1- Fluid exudate السائل اللي طالع من الأوعية الدموية

without fibrin (liquefied).

2- Cells: A large number of pus cells=death neutrophils

, PMNs= Polymorphic Nucleus, some macrophages and some erythrocytes.

3- Necrotic fragments (sloughs) اجزاء ميته and liquefied necrotic tissue.ودا بسبب طبعا proteolytic enzymes اللي

طالعة من death neutrophils

4- Bacteria and bacterial pigments which may be yellowish (as in staphylococcal

infections) or greenish (as in pyocyaneous infections).

Types of suppurative inflammation:

I- Localized:

ودا بيحصل بسبب Staphylococcus aureus bacteria والتي تنتج coagulase enzymes اللي بتعمل ع ترسيب fibrin حول الالتهاب وبالتالي بيحد من انتشاره وانواعه:

a. Abscess. b. Boil (furuncle). c. Carbuncle.

II- Diffuse:

ودا بيحصل بسبب Streptococcus haemolyticus اللي بتنتج

hyaluronidase (the spreading factor) and streptokinase (fibrinolysin)

التي تعمل ع تحلل fibrin بحيث ميحاوطش ويحد من انتشاره بل بالعكس الالتهاب ينتشر

a. Cellulitis. b. Suppurative appendicitis. c. Diffuse septic peritonitis.

Abscess: خراج

دا عبارة عن acute supp localized inflammation

وبيحصل بسبب staphylococcal infection

ودا عبارة عن تجويف داخله صديد وبيحصل في اي عضو وخاصة subcutaneous tissue

abscess consists of

كنا متكلمين سابقا أن البكتيريا بتسبب موت لبعض لجزء من النسيج يمسي necrosis ودي المنطقة central وبيكون فيه fluid exudate اللي طالع من الأوعية الدموية المهم أن الخليه طبعا بتروح تيجبلها neutrophils اصلها مش هتسكت يعني دا اي البجاحة دي حقيقي 🙂 تروح البكتيريا المفترية قليلة الادب تطلع سموم وتهاجم بيها ع neutrophils الطيبة بنت الناس المحترمه ولكن للاسف بتموت ولكنها مش بتقدر تنسي اللي عملته فيها المفترية فتطلع من جسمها اول ما تموت proteolytic enzymes اللي هتذوب necrotic tissue and fibrin وبتموت neutrophils وعشان مش بننسي اسماء ابطالنا سمناها pus cells 🫡 ودا الجزء الوسطاني وكمان تيجي Macrophages عشان توقف البكتيريا عند حدها وتعلمها الادب ودا بسميه الجزء peripheral

three zones:

a) A central necrotic core.

b) A mid zone of pus.

c) The peripheral zone of inflammation (now called the pyogenic membrane).

Fate of Abscess :

١_ أما أنه خراج صغير : يتفضي الاول ومن ثم يحصله healing

٢_ أما أنه خراج كبير : يختفي بمعدل بطيء جدا وممكن لو متفضاش يتفرقع بشكل تلقائي ويحصل healing ولكن مش بالشكل المطلوب

Complications of abscess:

1- Complications of evacuation and healing:

1_ulcer : خلل موضعي أو حفرة endothelial cells ودا بسبب اختفاء

والجسم مش عارف يعوض الخلايا المفقودة

2_Sinus : نهايته متصله وخراج عميق peritoneal Abscess

ممكن يتطور الي sinus on the abdominal wall

3_Fistula : ودا بيكون فتحتين من النهايتين

ودا بيكون بين عضو سطحي زي الجلد أو عضو عميق أو عضوين وموجود بينهم فراغ ومفتوحين ع بعض ودا زي

Ano-rectal fistula complicating a perianal abscess

4_ keloid : over growth or over healing

5_ Hemorrhage: hemoptysis حك دم

ودا في حالة لو الخراج موجود في الرئة لغاية ما يفتح bronchus

2- Putrefaction:تعفن

ودا بيحصل أن تعفن لخراج رئوي عن طريق بكتيريا زي saprophytes ويتحول الي gangrene.

3- Spread of infection:

a_ Direct spread ودا بيؤدي الي كبر الخراج ولكن في مكانه

b_ Lymphatic spread :ودا بيؤدي الي

Lymphadenitis التهاب العقد الليمفاوية

Lymphangitis التهاب الأوعية الليمفاوية

c_ Blood spread : ودا بيؤدي الي

1_ toxaemia ودا ان سموم البكتيريا تكون في الدم

2_ Septicaemia : عدد كبير من البكتيريا السامه والمواد السامه اللي موجودة في الدم ودا غالبا بيكون مميت

3_ pyaemia : دا كان خراج

وللاسف كان جمبه وريد وينتقل الي الوريد ويكون جلطه فيها التهاب septic thrombi اللي هيطلع septic emboli اللي هتكون خراج صغير و كتير

4- Compression effects: خراج في الكبد أو المخ

5_ Chronicity: ودا بسبب انفجار الخراج ولكن ليس جراحيا وبالتالي هيتحاوط

ب fibrosis اللي هيتحول الي خراج مزمن والصديد ينشف والكالسيوم يترسب في المكان دا ودا زي :

a. Chronic breast abscess: May be clinically mistaken for a tumor.

b. Chronic lung abscess.

Furuncle (Boil):

ودا بيحصل لما يتصاب ب staphylococci ويعمل folliculitis or boil وخاصة عند مناطق الشعر زي وجه الرجال عشان الحلاقة أو تحت ابط عند النساء وغالبا دا بسبب سوء نظافة الشفرات وبتكون عديدة أو كتيرة

Carbuncle:

بييجي في اماكن معينه في الامان اللي بيكون فيها الجلد ناشف وتخين ودا بسبب dense fibrous septa رابطه بين الجلد و deep fascia ويقسمها الي حجرات وكل حجرة ييجي فيها خراج وكل خراج ينخور فوق وع الجمب ويكون sinus

Multiple communicating deep subcutaneous abscess

وغالبا بيكون في back of neck, scalp & buttocks.

ودا بيحصل في الناس اللي مناعتهم ضعيفة اللي بيدأ أنه biol ثم يتحول الي carbuncle

Cellulitis:

Acute diffuse supp inflammation

وبيكون شائع في مرضي السكر

النوع التاني واخيرا الحمد لله 🫣

Acute Non-Suppurative Inflammation:

1_ Serous inflammation:

ودا عبارة عبارة عن سائل شبه الماء بيحيط ببعض الأغشية الداخليه زي

pleura, pericardium and peritoneum

تخزن serous وتكون serous inflammation

وبتطلع من

blood (exudate) or from secretions of the mesothelial cells

*Examples:

a. Skin blisters due to skin burns.

b. Epidermal vesicles due to herpes

simplex viral infection.

c. Inflammation of serous membrane (pleura, pericardium and peritoneum).

2_fibrinous inflammation:

يحتوي ع fibrin كتير ولكن باقي المكونات قليلة

*Examples:

a. Lobar pneumonia: The excessive fibrin participates in consolidation of the affected areas.

b. Adult hyaline membrane disease (adult respiratory distress syndrome):

c. Inflammation of serous membranes.

3- Serofibrinous Inflammation:

ودا بيكون

عبارة عن serous + fibrin كما أنه بيحدث في serous membrane

Serous>fibrin = wet type

Serous <fibrin = dry type

* في انواع تانيه تقدر تحدث في serous membrane غير ال serous and fibrin

suppurative inflammation ودا زي

Gross Picture:

visceral and parietal layers of the serous membranes المفروض انهم بيكونوا شفافين كما انهم مش سميكين ولكن لما يحصل التهاب بيكونوا

are thickened, reticulated, opaqueمعتمه and greyish in case of fibrinous type

أما في حالة serous type بيتكون fluid كتير

Microscopic Features:

Dialatation , PMNs and Macrophages, exudate

Subserosa بيكون تحتها أوعية دموية

في حالة serous inflammation بيكون شوية مايه وصعب يظهر المايه

أما في حالة fibrous inflammation دا بيكون serosal بيكون متحاوط ب thick network of fibrin entanglingacute inflammatory cells.

4- Catarrhal Inflammation:

Acute inflammation of mucous membrane only

الأمثلة

Catarrhal rhinitis (common cold)

b. Catarrhal appendicitis in GIT.

Gross picture: ورمه وحمره وبتطلع

mucous +serous fluid

Microscopic Picture: endothelial cells بتكون ورمه وفيها زي كور بيكون فيها ميوسين ولكنه بيذوب مع الصبغه + Macrophage,fibrin ,PMNs

5- Pseudomembranous (Membranous) Inflammation:

Severe form of acute inflammatory

دا بيكون في mucous membranes

وعندي بكتيريا نيلة اوي Diphtheria

Bacillary dysentery

عندي mucous membranes تحته sub mucosa membrane تحته أوعية دموية وتيجي البكتيريا اللي انا ذكرتها فوق

وتطلع exotoxin وهو قوي جدا جدا ويموت في الخلايا ويحصل التهاب وكمان موجود في submucous membranes

fibrin + acute inflammatory cell + necrotic patch + bacteria

Gross picture :

Original mucosa

بيتم استبدالها بواحد كاذب وبيكون اصفر رمادي ولكنه سميك ولازق ولو ازلته بينزف وكمان يبتجدد بسرعة

Microscopic Picture:

necrotic patches, fibrin, bacteria and acute inflammatory cells. The underlying submucosa shows dilated capillaries, fibrin and acute inflammatory cells (PMNs and macrophages).زي ما ذكرناهم سابقا

Haemorrhagic Inflammation:

خروج كمية دم حمراء كتيره مع exudate ودا بسبب مشكلة في الأوعية الدموية ودا زي Small pox.

Necrotizing Inflammation:

زيادة موت الأنسجة أو extensive necrosis in association with inflammation

ودا زي Cancrum oris

Allerg:

ودا بسبب hypersensitivity ووجود العديد من eosinophils

ودا زي :

Urticaria, allergic rhinitis and bronchial asthma.

وعارفه أنها محاضرة رخمه والله 😂بس الله المستعان وربنا يوفقنا ويسددنا ويصلح شؤوننا ويجعله في ميزان حسناتنا يا رب

واستودكم الله الذي لا تضيع ودائعه ودعواتكم+ بالتوفيق 🫡

والسلام عليكم ورحمة الله وبركاته 🫡