Ихадоу атемақәа

Урыстәыла ҳаамҭазтәи аҭоурых москватәи амузеи Аҟәа Нестор Лакәаба иҩны-музеи партниорны иазыҟалоит. "Аусеицура аҳәаақәа ирҭагӡаны, ҳара Лакәаба иҩны-амузеи аҿы ҳаамҭазтәи аекспозициа ҿыц аԥҵара азԥхьагәаҭаны иҳамоуп. Даара аинтерес аҵазаауеит", — ҳәа иҳәеит Аԥсны акультура аминистр Даур Ақаҩба. Аҟәа Аҩны-музеи аартын 1983 шықәсазы, Лакәаба имҩаҿы игылоу аҭуџьар Бостанџьыоӷлы иҭоурыхтә хан аҟны. Ахыбра еиҭашьақәдыргылеит 2023 шықәсазы. Уаҟа макьана аекспонатқәа ыҟаӡам, аекспозициа аиҿкаара азгәаҭоуп сынтәа ҭагалан азы.

32 проект аиааира агеит Аицлабра "Аԥсны арҿиаҩцәа" аҟны ҳәа арадио Sputnik аефир аҟны еиҭалҳәеит аицлабра аҳәаақәҵаҩ Марина Михаилова. "Ҳәарада, иҵегь адгылара раҳҭар ҳҭахын, избанзар иаԥсаз аидеиақәа, еиуеиԥшым аԥшьгарақәа даара ирацәан. Аха рыцҳарас иҟоу, аицлабра агранттә фонд 115 млн мааҭ роуп иҟоу", — ҳәа лҳәеит лара. Икоммерциатәым аиҿкаарақәеи аԥшьгаратә гәыԥқәеи рзыҳәақәа аиааит. Урҭ рыбжьара иҟоуп иҿыцу, уздызхалаша аҭыԥқәа раԥҵара иадҳәалоу агәҭакқәа, иаҳҳәап – Аҟәатәи алашарбага ахылаԥшҩы иҩны аҿар рзы арҿиаратә ҵакырак аҳасаб ала.

Аԥсны жәлар Рџьынџьтәылатә еибашьра Аинвалидцәа рфонд 2025 шықәсазы 1600 инацны рзаҳал аднакылеит иҳәеит арадио Sputnik аефир аҿы афонд ахантәаҩы ихаҭыҧуаҩ Емзар Ашәуа. "Ҳара иҳадҵаало ачымазцәа аӡәгьы мап рцәаҳамкӡацт. Иҳадҵаалаз рҟынтәи 5 нызқь — ахәшәқәа рыҭаразы арзаҳалқәа роуп, аҽыхәшәтәразы Урыстәылаҟа иҳашьҭит 400-ҩык рҟынӡа, 30-ҩык ргәабзиара гәарҭарц ишьҭын, 200-ҩык инарыцны рхаҧыцқәа ҟаҵан", — иҳәеит иара. 2026 шықәсазы Аԥсны жәлар Рџьынџьтәылатә еибашьра Аинвалидцәа рфонд абиуџьет 299 млн мааҭ ыҟоуп.

Урыстәыла Ацифра аминистрра "асиа шкәакәа" арҿыцит.Уи асиа иаҵанакит абанкқәа, аагаратә маҵзурақәа, АИХ-қәа, ирласны акрыфараз ақьафурҭақәа, аҳәынҭусбарҭақәа рсаитқәа жәпакы. Амобилтә интернет дырцәар, иҭышәынтәаланы аус зуа даҽа сервисны иҟоуп — урыстәылатәи амессенџьер MAX.

Ахыҵхырҭа: https://sputnik-abkhazia.info