«II Халықаралық мақам өнер конференциясы» туралы БАСПАСӨЗ ХАБАРЛАМАСЫ

Зомин ауданы,                                                 2024 жыл 27-30 маусым

27-30 маусым күндері Жызақ облысының Зомин ауданында ЮНЕСКО және АЙСЕСКО қолдауымен «ІІ халықаралық мақам өнер конференциясы» өтеді.

Өзбекстанда екінші рет өтіп жатқан конференцияға 80-ге жуық елден 400-ден астам қатысушы қатысады.

27 маусым күні Жызақ облысының Зомин ауданында «ІІ халықаралық мақам өнер конференциясының» ашылу салтанаты өтеді. Онда ЮНЕСКО Бас Ассамблеясының төрағасы М.Микулеску, АЙСЕСКО ұйымы Бас хатшысының орынбасары А.Керимов, Халықаралық түркі мәдениеті ұйымы – ТҮРКСОЙ Бас хатшысы С.Райев, Түркі мәдениеті мен мұрасы қорының президенті А.Райымқұлова, Түркі Парламенттік Ассамблеясының төрағасы Мехмет Сурейя Ер, Тәуелсіз Мемлекеттер Достастығы Бас хатшысының орынбасары Н.Сейтімов, Халықаралық фольклор ұйымының Азия аймағы бойынша Бас хатшысы Мун Хёнг Сук, Тәжікстан Республикасы Мәдениет министрінің орынбасары М.Шарифзада, Әзірбайжан Республикасының Мәдениет министрі А.Каримли, Түркия Республикасының Мәдениет және туризм министрі М.Н.Эрсой, Түркіменстан Мәдениет министрінің орынбасары Н.Ширимов, Қырғыз Республикасының Мәдениет, ақпарат, спорт және жастар саясаты министрінің бірінші орынбасары Т.Ажималиев және Өзбекстанда жұмыс істейтін дипломатиялық корпус өкілдері – елші, консул, кеңесшілер қатысады.

28-29 маусым күндері Өзбекстанда екінші рет өтетін «II Халықаралық мақам өнер конференциясы» аясында «Мақам өнерінің теориялық және практикалық негіздері: мәселе мен шешімдер» тақырыбындағы Халықаралық ғылыми-практикалық конференция (сағ. 10:00 Зомин қаласы «Боғишамол» кешенінде) өтеді.

28-29 маусым күндері (сағ. 19.00) «ІІ Халықаралық мақам өнер конференциясына» келген қатысушылар арасында байқау өтіп, қатысушылардың өнерін халықаралық қазылар алқасы: «Үздік мақам ансамбльі», «Үздік инструменталды орындаушы» және «Үздік әнші» үш номинация бойынша таңдайды. (Айта кетейік, халықаралық байқаудың қазылар алқасының құрамына АҚШ, Әзірбайжан, Египет, Түркия, Өзбекстан және Үндістаннан келген қазылар алқасы жасақталған.)

«II Халықаралық мақам өнер конференциясы» аясында өткен байқаудың жеңімпаздарын Ұйымдастыру комитеті диплом, статуэтка және ақшалай сыйлықтармен марапаттайды:

«Гран-при» – 15 000 АҚШ доллары;

1 орын – келесі номинациялар бойынша:

- жеке орындаушы (әнші немесе музыкант) - 10 000 АҚШ доллары,

- ансамбль тобы үшін – 10 000 АҚШ доллары

 2 орын – келесі номинациялар бойынша:

- жеке орындаушы (әнші немесе музыкант) - 7 000 АҚШ доллары,

- ансамбль тобы үшін – 7 000 АҚШ доллары

 3 орын – келесі номинациялар бойынша:

- жеке орындаушы (әнші немесе музыкант) – 5 000 АҚШ доллары,

- ансамбль тобы үшін – 5 000 АҚШ доллары

Сонымен қатар, конференция аясында белсенді орындаушыларды қолдау және ынталандыру мақсатында «Үздік мақам әншісі», «Үздік мақам музыканты», «Үздік мақам ұстазы», «Үздік мақам насихаттаушы», «Ең жас мақом орындаушы», «Үздік мақом композиторы» сынды номинациялар бойынша ынталандыру сыйлықтармен марапатталады. Конференцияның әрбір қатысушысына «Халықаралық мақом өнер конференциясының қатысушысы» сертификаты беріледі.

Сондай-ақ, конференция аясында Зоминсай кешені аумағында аймақтардың бірегей мәдениеті мен өнерін көрсету үшін республиканың 14 облысы өз павильондарын ұйымдастырды. « II Халықаралық мақам өнер конференциясы» барысында аймақтық павильондарда халықаралық музыка жәрмеңкесі, мақам өнеріне қатысты түрлі көрмелер, соның ішінде ұлттық әндер мен киімдер, қолөнер бұйымдары, бейнелеу өнер туындылары, мүсін үлгілері, көркем және деректі фильмдер, аудио және бейне CD дискілер, кітаптар, фотосуреттер көрсетілім жоспарланған. «ІІ Халықаралық мақам өнер конференциясы» өзбек ұлттық өнердің қайталанбас үлгілерін дәріптеу, сақтау және дамыту жас ұрпақ көңілінде Ұлттық классикалық өнерге деген шынайы сезімді ояту, түрлі халықтар арасындағы достық пен бауырластық байланыстарды нығайту, шығармашылық ынтымақтастық, мәдени-рухани қарым-қатынас аясын халықаралық деңгейде кеңейту мақсатында ұйымдастырылып отыр.

30 маусым күні Зомин ауданында «ІІ Халықаралық мақам өнер конференциясының» салтанатты жабылу рәсімі өтеді. Онда «Үздік мақам ансамбльі», « Үздік инструменталды орындаушы» және «Үздік әнші» үш номинация бойынша жеңімпаздар анықталып, марапатталады.

Естеріңізге сала кетейік, бірінші халықаралық мақам өнер конференциясы 2018 жылдың 6-10 қыркүйегі аралығында Шахрисабз қаласының тарихи орталығында өткен еді. Оған әлемнің 75 елінен жеке әншілер, фольклорлық ансамбль топтары мен дипломатиялық корпус өкілдері қатысқан.