“Huqıqıy málimleme kúni” joybarı sheńberinde jaslar menen ushırasıw ótkerildi
Qanlikól rayonı ádillik bólimi
Qanlıkól rayonı “Doslıq” MPJ aymaǵında jaylasqan 1-sanlı mektepte Qanlıkól rayonı ádillik bólimi xızmetkerleri, “Doslıq” MPJ baslıǵı, “Doslıq” MPJ hayal-qızlar belsendisi, mektep jámááti qatnasıwında 4-sektor “Doslıq” MPJ aymaǵındaǵı adillik bólimi juwapker xızmetkerlerine biriktirilgen mektep jasları menen ushırasıw ótkerildi.
Ushırasıwdan kózlengen maqset jaslar menen ashıq sáwbet ótkeriw, soraw hám usınısların hám de olardıń mashqalaların tıńlaw, mashqalaların úyrenip shıqqan halda olardı sheshiwde ámeliy járdem kórsetiw, jaslardıń bos waqıtların mazmunlı ótkeriw, húrmetli Prezidentimizdiń qarar hám pármanlarında kórsetilgen hám de húkimetimiz tárepinen jaslarǵa berilip atırǵan imkaniyatlar haqqında huqıqıy túsinikler beriw bolıp esaplanadı.
“Huqıqıy málimleme kúni” joybarı sheńberinde korrupciyaǵa qarsı gúresiw boyınsha nızamshılıq normaları hám de basqa da huqıqıy soraw-juwaplar shólkemlestirildi.
Oqıwshı jaslarǵa Ózbekstan Respublikası jańa redakciyadaǵı Konstituciya hám jaslardıń huqıqları, olardıń óz puqaralıq minnetlerin orınlaw, húrmetli Prezidentimizdiń Qaraqalpaqstanǵa degen itibarı hám de elimizdi ele de ekonomikalıq hám sociallıq rawajlanıwı ushın ámelge asırılıp atırǵan is-ilajlar boyınsha bir qansha pikirler hám maǵlıwmatlar aytıp ótildi.
Ilajda sonday-aq, házirgi kúnde mámleketlik xızmetlerden paydalanıwda my.gov.uz dıń, abzallıqları, isbilermenlik penen shuǵıllanıw ushın jaslarǵa berilip atırǵan imkaniyatlar, “Jaslar dápteri” tiykarında jaslarǵa subsidiya hám kreditler alıwda hám de basqa da járdem kórsetiw, olardıń óz isbilermenligin jolǵa qoyıw ushın mámleketimiz tárepinen berilip atırǵan imkaniyatlar haqqında aytıp ótildi.
Ilaj sońında soraw-juwaplarǵa belsene qatnasqan oqıwshı jaslarǵa Ózbekstan Respublikası jańa redakciyadaǵı Konstituciya kitabı sawǵa etildi.
Qanlıkól rayonı ádillik bólimi