Хотин-қизлар ва эркаклар учун тенг ҳуқуқ ҳамда имкониятлар кафолатлари

2022 йил 31 октябрь куни Ўзбекистон Республикаси Бош вазири ва Ўзбекистон Республикаси Олий Мажлиси Сенати раиси томонидан тасдиқланган “Хотин-қизларни қўллаб-қувватлаш, уларнинг маънавияти ва маданиятини юксалтириш, ижтимоий фаолликларини ошириш бўйича “Тошкент шаҳар тажрибаси”ни яратиш чора-тадбирлари режаси”нинг 20-бандининг ижроси бўйича Тошкент шаҳридаги муаммоли маҳаллаларда маънавий-маърифий тадбирлар ўтказилди.

Жорий йилнинг 22 ноябрь куни Дин ишлари бўйича қўмита раиси ўринбосари, Республика Тарғибот гуруҳи раҳбари Д.Ғуломова Учтепа туманидаги “Кўксарой” ва “Тақачи” маҳаллаларида бўлиб, 51 нафар хотин-қизлар билан психологик семинар-тренинг машғулотларини ўтказди

Машғулот давомида Д.Ғуломова йиғилишда иштирок этган хотин-қизларга Ўзбекистон Республикасининг 2019 йил 2 сентябрь кунидаги “Хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисида”ги Қонунининг мазмун ва моҳияти билан таништирди.