⚡️ Hayvonlarga nisbatan shafqatsiz munosabatda boʻlgan shaxslar aniqlanib tegishli tartibda chora koʻrildi

Bugun ijtimoiy tarmoqlarda bir nechta shaxslar mushuk bolalarini qiynayotgani va ularni uloqtirayotgani aks etgan video tarqalgan edi.

Mazkur holat Toshkent viloyatining Olmaliq sodir etilgani aniqlanib, shahar IIB xodimlari tomonidan surishtiruv o'tkazildi va videodagi shaxslar 4 nafar 17 yoshdagi Olmaliq va Ohangaron shahrida yashovchi maktab oʻquvchilari ekanligi aniqlanib, ular ota-onalari ishtirokida IIBga taklif qilindi.

Jarayonda masʼul rahbarlar tomonidan ular bilan profilaktik suhbat oʻtkazilib, hayvonlarga nisbatan shafqatsiz munosabatda boʻlishning huquqiy va boshqa oqibatlari toʻgʻrisida tushuncha berildi.

Holat yuzasidan ularning ota-onalariga nisbatan Oʻzbekiston Respublikasi MJtKning 47-moddasi 1-qismi bilan maʼmuriy bayonnoma rasmiylashtirilib, toʻplangan hujjatlar muhokama qilish uchun Olmaliq shahar Bolalar masalalari boʻyicha komissiyasiga yuborildi.

IIBB Axborot xizmati