ХАЛҚАРО ҲАМКОРЛИК ИСТИҚБОЛЛАРИ ЙЎЛИДА

Италиянинг “AC BOILERS S.p.A” компанияси вакиллари “Тошкент ИЭС” АЖда амалга оширилаётган ишлар билан яқиндан танишиш мақсадида станцияда бўлишди.

Маълумки, “Иссиқлик электр станциялари” АЖ ва Италиянинг “AC BOILERS S.p.A” компанияси билан ўзаро келишув меморандумига асосан Ўзбекистон ҳудудидаги иссиқлик энергетика объектлари ИЭС ва ИЭМ комбинацион цикли модернизацияси соҳасида ҳамкорлик қилиш белгиланган.

Шу муносабат билан компания вакиллари “Тошкент ИЭС” АЖда бўлиб, энергоблокларнинг “экологик тоза” энергоқурилмаларидан фойдаланган ҳолда қувватларини ошириш, модернизация қилиш ишлари билан танишдилар. Ташриф давомида 370 МВт ли буғ-газ қурилмаси ва 5-энергоблок иш жараёнларини кузатдилар.

Маълумот ўрнида, 24-26 март кунлари биринчи Тошкент халқаро форуми доирасида “Иссиқлик электр станциялари” АЖ ҳамда “AC BOILERS S.p.A” компанияси билан “Иссиқлик электр станциялари” АЖ ўртасида тизим корхоналарида “экологик тоза” энергия ускуналарини ўрнатган ҳолда қувватларни ошириш бўйича меморандум имзоланган эди.

“Тошкент ИЭС” АЖ Матбуот хизмати