Grammar chapter 16

Grammar second stage 2⃣
Chapter 16 Parts of Speech: Positional Classes:

قبل لا نشرح چابتر 16 ونتعمق بي خل انراجع بشكل سريع بعض الچابترات اللي اخذناهن واللي الها علاقة بهذا الچابتر...

بعد ما اخذنا بچابتر 9 الكلمة وعرفنا شنو معنى الكلمة ودرسنا كل شي يخص الكلمة...

بعد چابتر 9 بدينا ندرس الكلمات حسب (تصنيفها)،
نگدر انصنف الكلمات الى 3 تصنيفات

1- Classification by Function
تصنيف الكلام من خلال وظيفته، مثلا
The boy gobbled the Hamburg.
ممكن انصنف كلمات هذي الجملة من خلال وظيفة كل كلمة، على سبيل المثال انگول
The boy
هو الفاعل لهذي الجملة
بينما
the Hamburg
نعتبرها المفعول به المباشر للجملة

درسنا هذا التصنيف بچابتر 14 تگدرون اتراجعوا...
.
.

2- Classification by Form
تصنيف الكلام من خلال شكله

ويقصد به تصنيف الكلام من خلال الاضافات الداخلة على الكلمات سواء كانت اسماء - افعال - صفات - احوال
وطبعا درسنا هل شي بچابتر 12 تگدرون اتراجعوا...
.
.

3- Classification by Position
تصنيف الكلام من خلال موقعه في الجملة

هذا التصنيف بعدنا ما دارسي وان شاء الله رح ندرسه بهذا الچابتر 16

تصنيف الكلام من خلال موقعه في الجملة: يقصد به تصنيف الكلمة وتسميتها وتعريفها من خلال (موقعها) في الجملة، يعني هذا التصنيف نعتمد فقط على الموقع معلينا الكلمة شنو بيها اضافة وحتى ميهمنا شنو الكلمة فعل لو اسم اللي ايهمنا فقط موقع الكلمة الكلمة وين موقعها انسميها حسب الموقع مالتها
وهنالك 4 تسميات من هذا التصنيف وهو كالتالي


Nominal
ومثل ما مبين مشتقه من noun يعني اي كلمة في الجملة ايكون موقعها موقع الاسم انسميها
Nominal
.

Verbial
وهذي مشتقة من ال verb يعني اي كلمة في الجملة يكون موقعها في مكان الفعل انسميها
Verbial
.

Adjectival
مشتقه من adjective يعني اي كلمة في الجملة يكون موقعها في مكان الصفة انسميها
Adjectival
.

Adverbial
مشتقه من adverb يعني اي كلمة في الجملة يكون موقعها في مكان الحال انسميها
Adverbial
.

هسه من انريد انصنف الكلمة من خلال الموقع عدنا 4 اختيارات فقط،
نجي على اختيار اختيار حتى نعرف شوكت انصنف الكلمة من خلال موقعها ونگول عليها
Nominal
Verbial
Adjectival
Adverbial
.
.

نجي على اول نوع وهو
Nominal

مثل ما گلت (اي كلمة في الجملة ايكون موقعها موقع الاسم انسميها Nominal)

وطبعا ال Nominal غالبا (بس مو دائما) يكون احد هذني:
Subject of verb (Subj)

Subject complement (SC)

Direct object of verb (DO)

Indirect object of verb (IO)

Objcctive complement (OC)

Object of preposition (OP)

اي كلمة رح اتكون احد هذني الانواع الذكرتهن هذي الكلمة رح انصنفها
Nominal
من خلال تصنيفها الموقعي

ملاحظة: كل هذني الانواع
Subject of verb (Subj)
Subject complement (SC)
Direct object of verb (DO)
Indirect object of verb (IO)
Objcctive complement (OC)
Object of preposition (OP)
اخذناهن وشرحناهن بشكل مفصل بچابتر 14 لذلك اذا حبيتوا اتراجعوهن موجود الشرح بالتفصيل، راجعوا شرح چابتر 14
.
.

هسه خل ناخذ جملة ونختار منها اي كلمة ونسميها حسب التصنيفات الرئيسية ال3 اعلاه اللي اخذناهن وهن
1- Classification by Function
2- Classification by Form
3- Classification by Position

خل ناخذ هذي الجملة

The shouting boys will play tennis.

ملاحظة مهمة جدا: بتصنيف الكلمات ما رح انصنف the لان هي صح تعتبر كلمة لكنها ايضا اداة او كلمة وظيفية بمعنى انها ليست فعل او اسم...الخ
اذا اي ادة ليس لها معنى فقط ادة مثل the او a او an هذني ما ممكن تتصنف لان يعتبرن كلمات وظيفية.

ملاحظة: الكلمات الوظيفية هي الكلمات اللتي تكون لها وظيفه وليس لها معنى محدد لكن غرضها انها لها وظيفه في الجملة مثل
The - a - an - this...etc

هسه كلنا رح انحلل بعض كلمات هذي الجملة
The shouting boys will play tennis.

اول شي ناخذ كلمة shouting

1- تصنيف كلمة shouting من خلال وظيفتها
Classification by Function

من خلال الوظيفة گلنا يعني انصنف الكلمة شنو وظيفتها بالجملة هل هي وظيفتها فعل لو اسم لو صفه لو حال؟

من خلال الوظيفة فان كلمة shouting تعتبر كلمة داعمة modifier

زين داعمة لشنو؟
ج/ اول شي الفاعل بهذي الجملة هو
The shouting boys
هذا كلة فاعل وطبعا هذي نعتبرها عبارة اسمية ال head word (يعني الكلمة الرئيسية للعبارة) هو boy والبقية يعتبرت modifiers يعني كلمات داعمة لذلك گلنا انو shouting تعتبر كلمة داعمة

Shouting is modifier by function.
.

تكملة👇👇2- هسه انصنف كلمة shouting من خلال الشكل
Classification by Form

وگلنا التصنيف من خلال الشكل يعني تصنيف الكلام من خلال الاضافات الداخلة على الكلمات او الاضافات اللي تقبلهن الكلمات سواء كانت اسماء - افعال - صفات - احوال
وطبعا درسنا هل شي بچابتر 12

وطبعا مبين كلمة shouting من خلال الشكل تعتبر فعل لان تحتوي على الاضافة ing اللي تقبلها الافعال

Shouting is a verb by form.
.

3- هسه نجي انصنف الكلام من خلال الموقع
Classification by Position
(وهو الموضوع الجديد اللي ما درسنا سابقا) وگلنا تصنيف الكلام من خلال الوظيفة بي 4 اشكال
Nominal
Verbial
Adjectival
Adverbial

وطبعا هنا كلمة shouting تعتبر
Adjectival
ليش؟
ج/ لان كلمة shouting اجت بمكان الصفة، لان مثل ما نعرف مكان الصفة في الجملة يكون قبل الاسم وبعد الكلمة الوظيفية وهنا كلمة shouting جايه بعد الاداة the وقبل الاسم boys لذلك لكنا عليها Adjectival رغم انو الكلمة فعل كلمة shouting فعل مثل ما ذكرنا لكن احنا ميهمنا الكلمة نفسها اذا جانت فعل او اسم او صفة احنا يهمنا (موقع) الكلمة بالجملة، وطبعا رح ندرس نوع ال Adjectival بالتفصيل.
Shouting is an Adjectival by position.
.
.

هسه ناخذ الكلمة boys ونجي انعرفها من خلال التصنيفات ال3

1- تصنيف كلمة boys من خلال وظيفتها
Classification by Function

من خلال الوظيفة گلنا يعني انصنف الكلمة شنو وظيفتها بالجملة هل هي وظيفتها فعل لو اسم لو صفه لو حال؟

من خلال الوظيفة فان كلمة boys تعتبر فاعل للفعل

ملاحظة مهمة: الفاعل بهذي الجملة هو
The shouting boys
هذا كلة فاعل وطبعا هذي نعتبرها عبارة اسمية ال head word (يعني الكلمة الرئيسية للعبارة) هو boy والبقية يعتبرت modifiers يعني كلمات داعمة لذلك گلنا على boys هو الفاعل لان هو ال head مال عبارة الاسمية

اذا هسه تصنيف كلمة boys تعتبر (فاعل للفعل) من خلال الوظيفة
Boys is the subject of the verb by function.
.

2- هسه انصنف كلمة boys من خلال الشكل
Classification by Form
وگلنا التصنيف من خلال الشكل يعني تصنيف الكلام من خلال الاضافات الداخلة على الكلمات او الاضافات اللي تقبلهن الكلمات سواء كانت اسماء - افعال - صفات - احوال
وطبعا درسنا هل شي بچابتر 12

هسه الكلمة boys من خلال الشكل اكيد تعتبر اسم لان تقبل الاضافات اللي يقبلها الاسم وهي اصلا بيها اضافة s الجمع اللي تقبله الاسماء، اذا boys هو اسم من خلال الشكل
Boys it's a noun by form.
.

3- هسه نجي انصنف الكلام من خلال الموقع
Classification by Position

كلمة boys من خلال الموقع هي
اي كلمة في الجملة ايكون موقعها موقع الاسم انسميها
Nominal
زين ليش؟
ج/ لان موقع كلمة boys موقعا بالجملة موقع الاسم، مثل ما نعرف موقع الاسم ممكن يكون فاعل يعني اول الجملة او ممكن يكون مفعول به يعني بعد الفعل، وبالفعل هنا كلمة boys هي جاية كفاعل والفاعل هو اسم لذلك boys تعتبر Nominal

وطبعا مثل ما ذكرت سابقا انو ال Nominal غالبا (بس مو دائما) يكون احد هذني:
Subject of verb (Subj)
Subject complement (SC)
Direct object of verb (DO)
Indirect object of verb (IO)
Objcctive complement (OC)
Object of preposition (OP)

وهنا ال boys جاية كفاعل للفعل يعني
Subject of verb (Subj)

Boys it's nominal by position.
.
.

نجي لكلمة tennis

1- تصنيف كلمة tennis من خلال وظيفتها
Classification by Function

من خلال الوظيفة گلنا يعني انصنف الكلمة شنو وظيفتها بالجملة هل هي وظيفتها فعل لو اسم لو صفه لو حال؟

من خلال الوظيفة فان كلمة tennis تعتبر مفعول به للفعل

Tennis is the object of the verb by function.
.

2- هسه انصنف كلمة tennis من خلال الشكل
Classification by Form

وگلنا التصنيف من خلال الشكل يعني تصنيف الكلام من خلال الاضافات الداخلة على الكلمات او الاضافات اللي تقبلهن الكلمات سواء كانت اسماء - افعال - صفات - احوال
وطبعا درسنا هل شي بچابتر 12

كلمة tennis من خلال الشكل هي كلمة لا تقبل اي اضافة الكلمة اللي متقبل اي اضافة انسميها
Non-suffixing word

اذاً ال tennis من خلال الشكل هي
Tennis is a non-suffixing word by form.
.

3- هسه نجي انصنف الكلام من خلال الموقع
Classification by Position

هنا كلمة tennis تعتبر
Nominal
ليش؟
ج/ لان كلمة tennis اجت بعد الفعل يعني اجت بمكان الاسم إذاً كلمة tennis اجت كمفعول به يعني رح اگول عليها
Nominal


Tennis is a nominal by position.
.
.
تكملة👇👇بخصوص ال Nominal فمثل ما كلت انو ممكن تجي اي كلمة وتكون Nominal مو الا احد هذني
Subject of verb (Subj)
Subject complement (SC)
Direct object of verb (DO)
Indirect object of verb (IO)
Objective complement (OC)
Object of preposition (OP)

فممكن يجي فعل عادي وانسمي Nominal لان مثل ما كلنا احنا اهم شي هو موقع الكلمة مو الكلمة نفسها، مثلا الجلمة
Swimming develops the lungs.

هنا اذا اريد اصنف كلمة swimming من خلال الموقع
Classification by Position

فرح اجي اشوف كلمة swimming وين موقعها من الجلمة؟
ج/ جاية اول كلمة من الجلمة، واول كلمة من الجملة يكون موقع الاسم مثل ما شرحت قبل شوي لذلك كلمة swimming اعتبرها
Nominal by Position.
.

بقى اخر شي ناخذة على ال nominal حتى ننتقل لغير نوع...

بالشرح اللي شرحته اعلاه عن ال nominal كان الشرح كله على الكلمات اللي انصنفها من خلال موقعها على انو هي كلمات اسمية لاحظوا (كلمات)
لكن مو بس الكلمات ممكن انصنفهن حسب موقعهن لا وانما العبارات ايضا،
ملاحظة: اخذنا مسطلح العبارات وتعرف العبارات بچابتر 14 تگدرون اتراجعوا.

اذا هسه ممكن للعبارة ان تصنف من خلال موقعها ونسميها باحد انوع التصنيفات ال4 من خلال الموقع
Nominal
Verbial
Adjectival
Adverbial

مثلا الجلمة التالية
About a plateful in my limit.
انلاحظ هذي الجلمة بيها عبارة وهي
About a plateful
هذي كلها عباىة ميصير انجزئها كلمة كلمة، يعني من انريد انصنف العبارة ميصير انجزئها وانحللها الى كلمة كلمة ناخذ العبارة كلها ونحكم عليها باحد هذه ال4 انواع
Nominal
Verbial
Adjectival
Adverbial

هسه بما انو هذي المجموعة من الاسماء
About a plateful
هي عبارة (عبارة من نوع حرف جر يعني عبارة حرف جر prepositional phrase)

هسه اذا اريد اصنف هذي العبارة من خلال موقعها
Classification by position

رح اگول عليها nominal ليش؟
ج/ لان مثل ما انلاحظ العبارة جاية اول شي من الجلمة ومثل ما نعرف ابداية الجملة يكون فاعل والفاعل إما يكون اسم صريح او ضمير ينوب عن الاسم، لذلك لكنا العبارة
About a plateful
هي nomainal
.

مثال آخر
A chipmunk emerged from under the porch.
هنا عدنا
under the porch
تعتبر عبارة حرف جر، واذا انصنفها من خلال موقعها رح نعتبرها nominal زين ليش؟
ج/ لان هذي العبارة تعتبر
Object of preposition (OP)
اجتي كمفعول به لحرف الجر from ومثل ما گلنا سابقا اذا شفنا احد هذني:
Subject of verb (Subj)
Subject complement (SC)
Direct object of verb (DO)
Indirect object of verb (IO)
Objective complement (OC)
Object of preposition (OP)
فهذا يعني انو هذني من انصنفهن من خلال الموقع يعتبرن
Nominal

وبالفعل عدنا العبارة
under the porch
تعتبر
Object of preposition (OP)
لان جاية بعد حرف الجر from

ملاحظة مهمة جدا: هسه اكيد سالتوا نفسكم شلون نعرف انو هذي عبارة او مجرد كلمة منفردة
ج/ العبارات هي كلمات لا يمكن تفريقها واخذها على حدى تعتبر مثل الكلمة الواحدة ذات معنى لذلك نميز العبارات من خلال المعنى حيث لا يمكن ان نتجزء العبارة الى مجموعة كلمات منفصلة.
.

وطبعا اكو طريقة بسيطة نگدر نعرف انو العبارة هل هي nominal او لا، وهل طريقة بكل بساطة اخلي احد هذني الكمات بدال العبارة
This - that - these - those - he / him - it - they / them.
اذا بدلنا العبارة باحد هذني الكلمات ورهمت قواعديا فهذي العبارة اعتبرها nominal
مثلا
To win the match was his greatest ambition.
هذي الجملة تحتوي على عبارة وهي
To win the match
هسه اذا ردنا نعرف هذي العبارة nominal او لا مجرد انبدلها باحد الكلمات اللي ذكرتهن اذا رهمت كلمة وحدة يعني هاي العبارة تصنيفها من خلال الموقع nominal
اگدر اگول
That was his greatest ambition.
جبت كلمة that خليتها بدال العبارة وضبطت الجملة من الناحية القواعدية والمعنى ايضا، لذلك العبارة هي nominal
.
تكملة👇👇خلصنا من شرح التصنيف من خلال الموقع نوع nominal.
هسه رح نشرح النوع الثاني وهو
Verbial
لان مثل ما كلنا التصنيف من خلال الموقع
Classification by position
يحتوي على 4 انواع
Nominal
Verbial
Adjectival
Adverbial
.

بخصوص نوع ال verbial فهذا النوع غالبا او عادة الكلمة اللي تشغلة او الكلمة اللي تصنف
كـ verbial هو الفعل الرئيسي بالجملة، يعني غالبا يكون الفعل الرئيسي بالجملة هو الذي يصنف من خلال موقعه كـ verbial

The golf team may play tomorrow.
هنا اذا اخذنا كلمة play وصنفناها، من رح انصنفها من خلال الموقع رح يكون تصنيفها
Verbial
ليش؟ لان play هو الفعل الرئيسي بالجملة

They have been loitering near the bank.
هنا ايضا اذا نفس الكلام على كلمة
loitering
رح نعتبره verbial لان هو الفعل الرئيسي بالجملة.

The victim must have been shot from the side.
كذلك نفس الكلام على كلمة
shot
نعتبره verbial لان هو الفعل الرئيسي بالجملة.
.

زين بما انو گلنا غالبا يعني مو دائما الفعل الرئيسي يكون verbial هذا يعني انو اكو غير شي نگدر نعتبره verbial بالجملة؟
ج/ اي صح اكو، لازم نعرف انو مو بس الافعال الرئيسية بالجملة نگدر انسميها verbial لا وانما اكو افعال آخرى بس مو رئيسية نگدر نعتبرها verbial

س/ يعني شنو اكو افعال آخرى بس مو رئيسية نگدر نعتبرها verbial
ج/ حتى نعرف شنو يعني افعال آخرى مو رئيسية لازم انقسم الافعال بهذا السياق الى قسمين

قسم الاول رح انسمي
Finite verb

هذي الفاينايت فربز: هي الافعال القادرة على اعطاء المعنى الكامل وتوصيل الحدث بشكل مفهوم وهي قادرة على تغيير ازمنتها واشكالها للاشارة الى اشخاص او اشياء...
باختصار يعني هي الافعال الرئيسية، اي فعل رئيسي هو finite verb
.

القسم الثاني رح انسمي
Nonfinite verb
وهو على عكس النوع الاول finite verb تماما.
زين هذني شنو الافعال شلون صايرات؟ شلون نعرفهن؟ و شلون انميزهن؟
ج/ باختصار افعال ال nonfinite هي افعال لكن لا تحتوي على فعل مساعد قبلها، يعني ماكو فعل مساعد يسبقها، ومثل ما نعرف اغلب الازمنة مثل المضارع المستمر، الماضي التام، المضارع التام، الماضي المستمر، المضارع التام المستمر، هذني كلهن ازمنه بتكوينها اكو فعل مساعد (ظاهر) + فعل يتلي الفعل المساعد...
لكن بالنوع هذا اللي هو nonfinite الافعل من هذني (الازمنة المضارع المستمر، الماضي التام، المضارع التام، الماضي المستمر، المضارع التام المستمر) الافعال اتكون وحدها بدون اي فعل مساعد يسبقها + صيغة ال infinitive وهو
To + stem
حرف الجر to + اي فعل بدون اضافة،

ملاحظة: سبق وشرحنا صيغة ال infinitive بجابتر 14 تگدرون اتراجعوا.

من انشوف الافعال هيج وايضا صيغة ال infinitive رح نعتبرهن nonfinite

Shaking his first
مثل ما انلاحظ هذي مو جملة كاملة ومتنطي فكرة كاملة لكنها ممكن نعتبرها عبارة وايضا الفعل Shaking رغم انو هو فعل لكن ما جاي قبله فعل مساعد المفروض مثل ما نعرف يجي قبله فعل مساعد مثلا
Is shaking his first
او
Was shaking his first

وايضا مثل ما انشوف اصلا ممعرف يا زمن هذا مضارع مستمر ماضي مستمر و ممعروف الفاعل مال هذي العبارة منو سوه الفعل وايضا هنا الفعل مجاي قبله فعل مساعد، فكل هذي الامور تجعلني اعتبر هذا الفعل Shaking هو
Nonfinite verb

ايضا نفس الشي بهذا المثالين
Having stayed calm.

To be sensible.

عبارة عن عبارات ما اكدر اكول جمل كاملة لان ما واضحة الفكرة بيها ولا واضح الزمن ولا واضح الفاعل.
.

فهذا هو الاختلاف بين النوعين
Finite verbs / nonfinite verbs

هسه شنو فائدة ال nonfinite verbs
ج/ اذا لكيناها بجملة جايه بمكان الفعل الرئيسي اللي هو finite verb وما لگينا فعل رئيسي فرح اعتبر ال nonfinite verb هو
ال verbial، لكن انتبهوا لازم ماكو فعل رئيسي.
.

بس انتبهوا مهم جدا: ال nonfinite verbs ممكن تحدث و تتواجد بالاماكن اللي تستحوذها ال nominal يعني ممكن انصنف ال nonfinite verbs انصنفها nominal اذا تواجدت او اخذت او احتلت المكان اللي يصنف كـ nominal، يعني مثلا
To err is human.
هنا الصيغة
To + stem
هي صح nonfinite verb لكن اجت ابداية الجملة يعني اجت بمكان الفاعل ومثل ما نعرف الفاعل اسم يعني تصنيفه الموقعي هو
Nominal
فهنا ال nonfinite verb صار عدنا nominal

She enjoys skiing.

هنا ال skiing يعتبر nonfinite verb لان ماكو قبله فعل مساعد،
وايضا هنا تصنيفة الموقعي هو nominal لان اجه بعد الفعل ومثل ما نعرف اللي يجي بعد الفعل هو مفعول به والمفعول به هو اسم لذلك صنفنا skiing تصنيف nominal.

فهسه اذا شفنا ال nonfinite verb اخذ احد اماكن ال nominal رح انصنفه كـ nominal مو كـ verbial.
.
تكملة👇👇هسه نجي لثالث نوع من انواع التصنيف من خلال المكان وهو
Adjectival

بالنسبة لل adjectival فهذا النوع يتواجد بالجملة في 4 اماكن لا غير، بعني اذا واجدنا اي كلمة بهذني ال4 اماكن اللي رح نذكرهن هذي الكلمة رح يكون تصنيفها المكاني هو
Adjectival
.

المكان الاول: يكون بين الكلمة الوظيفية وبين الاسم يعني اي كلمة رح تتواجد بين الاداة الوظيفية وبين الاسم سواء كانت الكلمة اسم فعل صفة اي شي رح يكون تصنيفها المكاني
Adjectival

ملاحظة: طبعا سبق وعرفنا شنو هي الادوات الوظيفية وگلنا الكلمات الوظيفية هي الكلمات اللتي تكون لها وظيفه وليس لها معنى محدد لكن غرضها انها لها وظيفه في الجملة مثل
The - a - an - this...etc

That college freshman
هنا الكلمة college اذا انصنفها من خلال الموقع رح اتكون adjectival لان جايه بين الاداة الوظيفية that وبين الاسم freshman
.

That laughing freshman
هنا كلمة laughing رغم انو هي فعل لكن ميهم من نجي انصنفها بالتصنيف المكاني رح اتكون adjectival لان جايه بين الاداة الوظيفية that وبين الاسم freshman
.

That recommended freshman
ايضا نفي الكلام بالنسبة لكلمة recommended رغم انو هي فعل لكن ميهم من نجي انصنفها بالتصنيف المكاني رح اتكون adjectival لان جايه بين الاداة الوظيفية that وبين الاسم freshman
.

An inside job
بالنسبة للكلمة inside رغم انو هي كلمة لا تاخذ اي اضافة يعني ما نكدر انكول عليها اسم او فعل او صفة، لكن من نجي انصنفها بالتصنيف المكاني رح اتكون adjectival لان جايه بين الاداة الوظيفية an وبين الاسم job
.

Her inmosi thoughts
وايضا نفس الكلام بالنسبة للكملة inmosi رغم انو هي كلمة لا تاخذ اي اضافة يعني ما نكدر انكول عليها اسم او فعل او صفة، لكن من نجي انصنفها بالتصنيف المكاني رح اتكون adjectival لان جايه بين الاداة الوظيفية her وبين الاسم thoughts.
.
.

المكان الثاني: تذكرون الجملة البسيطة النوع الثاني اللي هو هذا
Pattern 2: SVC (Subject + Verb + Subjective Complement)

المكان الثاني مال adjectival يكون هو Subjective Complement مال جملة pattern 2

يعني اذا شفنا جملة بسيطة من النوع الثاني
Pattern 2: SVC (Subject + Verb + Subjective Complement)
ال Subjective Complement رح يكون هو ال adjectival من انصنف الكلمة من خلال موقعها.
Those boys are young
هنا هذي الجملة هي جملة بسيطة من النوع ال2
Pattern 2: SVC (Subject + Verb + Subjective Complement)
الفاعل: Those boys
الفعل: are
وصف الفاعل: young
هنا young هو وصف الفاعل Subjective Complement إذاً إذا اجينا انصنف كلمة young منخلال موقعها رح يكون adjectival.

وكذلك الحال لبقية الجمل من هذا النوع (النوع الثاني)
The boat remained shiny.

The man appeared aware.

The man seemed in the money.
.
.

المكان الثالث: يكون بعد الاسم، وخاصة لو كانت الكلمة بعد الاسم صفة او حال او افعال مستمرة او كلمة لا تقبل اي اضافة وايضا العبارات، هذني كلهن اذا اجن بعد الاسم بالجملة يعتبرن adjectival

The waitress, old and weary, sat heavily down.
هنا عدنا العبارة old and weary جاية بعد الاسم waitress لذلك من رح انصنفها من خلال موقعها رح انصنفها adjectival
.

The blondes especially wore blue.
هنا عدنا especially حال جاية بعد الاسم blondes لذلك من رح اصنف especially من خلال الموقع رح اتكون adjectival
.

The girl jogging is my sister.
عدنا الفعل jogging بما انو هذا الفعل اجه بعد الاسم girl فمن رح انصنفه من خلال الموقع رح يكون adjectival.
.

The floor below is rented.
كلمة below هي كلمة ما تقبل اي اضافة ولانها جاية بعد الاسم floor فمن اصنفها من خلال موقعها رح اتكون adjectival.
.

بالاضافة الى اللي ذكرناهن وهو انو المكان الثالث لل adjectival يكون بعد الاسم، وخاصة لو كانت الكلمة بعد الاسم صفة او حال او افعال مستمرة او كلمة لا تقبل اي اضافة وايضا العبارات، هذني كلهن اذا اجن بعد الاسم بالجملة يعتبرن adjectival

مو بس هذني، ايضا اذا تلى الاسم بالجملة
Relative clause
زين شنو ال relative clause
باختصار هي مجموعة من الكلمات (اكثر من كلمة واحدة) لكنها تعتبر جزء من الجملة وليست جملة كاملة (مثل ال phrase) لكنها تحتوي على فاعل وفعل رغم ذلك لا تعبر عن فكرة كاملة.

Andy watched his dog which was swimming after a stick.

هذي الجملة بيها relative clause وهو هذا
which was swimming after a stick.
هذا يعتبر relative clause لذلك من اصنف هذي العبارة الrelative clause من خلال موقعها رح اتكون
Adjectival
.

He was a man who was disturbed by many phantasies.
نفس الكلام هذي الجملة بيها relative clause وهو
who was disturbed by many phantasies.
لذلك من اصنفها من خلال موقعها رح يكون
Adjectival
.
تكملة👇👇بالاضافة ايضا الى ال infinitive اللي ايضا ممكن نعتبرة clause فتصنيفها رح يكون
Adjectival
من حيث المكان
It is time to go
هنا ال to go تعتبر clause فتصنيفها المكاني رح بكون
Adjectival

ملاحظه: سبق وشرحنا موضوع ال infinitive تگدرون التراجعوا، تلگوا بموضوع تصنيف الافعال جابتر 14
.
.

المكان الرابع: المكان الرابع والاخير اللي يتواجد بي ال adjectival وهو الكلمات اللي تحتوي على
Some
مثل
Something
Sometimes
Someone...etc

والكلمات اللي تحتوي على
Any
مثل
Anytime
Anyone
Anything...etc

والكلمات اللي تحتوي على
Every
مثل
Everyone
Everything
Everyplace...etc


والكلمات تحتوي على
No
مثل
Nothing
No one
Nobody...etc

كل هذني الاصناف الذكرتها
Something
Sometimes
Someone...etc
Anytime
Anyone
Anything...etc
Everyone
Everything
Everyplace...etc
Nothing
No one
Nobody...etc
كل هذني الكلمات الذكرتهن وجماعتهن إذا، لاحظوا (إذاااا) اجه بعدهن (صفة) الصفة رح تعتبر adjectival من خلال تصنيفها المكاني،

Nothing good was on the table.
هنا الصفة good من اصنفها من خلال الموقعها رح اتكون
Adjectival
.

Everything bad happened to me.
هنا الصفة bad من اصنفها من خلال الموقعها رح اتكون
Adjectival
.

Anyone strong can do that.
هنا الصفة strong من اصنفها من خلال الموقعها رح اتكون
Adjectival
.

هذا كل ما يخص ال adjectival من خلال التصنيف المكاني.
.
تكملة👇👇التصنيف الرابع من خلال موقع هو
Adverbial

بالنسبة لهذا ال adverbial فهذا النوع تقريبا مو مثل بقبة الانواع اللي درسناهن، يعني الكلمات اللي اتمثل تصنيف ال adverbial من خلال الموقع هن تقريبا فقط ال adverb الحال، يعني تقريبا فقط الاحوال هن اللي انصنفهن adverbial من خلال الموقع.

و هنالك 5 اماكن اذا وجدنا اي حال adverb موجودة بهذي ال5 امكان انصنف الحال من خلال موقعها على انو adverbial.
.

طبعا من الجدير بالذكر انو ال adverbs الاحوال احد اكثر انواع الكلمات اللي بيها اقسام وانواع وتفرعات، فمن الضروري انو نعرف انواع الاحوال adverbs قبل لا نشرح بالتفصيل عن ال adverbial.
.
.

بالنسبة للاحوال adverbs اكو انوع كثيرة من الاحوال واقسام هواي من ضمنها هذي ال 3 انواع
1- Adverb of time.
2- Adverb of place.
3- Adverb of manner.

1- احوال المتعلقة بالوقت: مثل
Soon - tomorrow - yesterday...etc

2- احوال المتعلقة بالمكان : مثل
Here - there - outside...etc

3- احوال المتعلقة بالكيفية: مثل
Well - slowly - quickly...etc
.

وطبعا الاحوال كلهن بشكل عام ممكن تجي بكل مكان بالجملة تقريبا، ممكن تجي قبل الفاعل وبعدة وممكن تجي قبل الفعل المساعد وبعده وممكن تجي قبل المفعول به وبعده وممكن تجي اخر كلمة من الجملة، فالاحوال ممكن يجن باي مكان تقريبا،

وطبعا كل حال من الاحوال يكون مختلف عن الاخر بمكانه بالجملة، مثلا الحال soon اللي هو حال الخاص بالوقت ممكن يجي ب4 اماكن بالجملة، مثلا
ممكن يجي اول كلمة بالجملة
Soon he will play tennis.

وممكن يجي بعد الفاعل
He soon will play tennis.

وممكن يجي بعد الفعل المساعد
He will soon play tennis.

وممكن يجي اخر كلمة بالجملة
He will play tennis soon.
.
مثل ما شفنا موقع الحال soon بالجملة
لكن اذا اخذنا حال من نفس النوع وهو حال متعلق بالوقت مثلا tomorrow فموقعه رح يختلف مو مثل soon، فالحال tomorrow يجي فقط بمكانين وهو اول الجملة واخر الجملة
Tomorrow he will play tennis.
او انگول
He will play tennis tomorrow.

وكذلك الحال بالنسبة لبقية الاحوال من غير انواع، كل حال من الاحوال يجي بمواقع تختلف عن غيره من الاحوال

يعني غالبا مكان الاحوال بالجملة ما الهن قاعدة معينه، لكن على العموم الاحوال المتعلقة بالوقت والاحوال المتعلقة بالمكان غالبا يكون موقعهن اول كلمة واخر كلمة بالجملة، بينما الاحوال المتعلقة بالكيفية فممكن تجي بعدة امكان بالجملة.
.
.

طبعا اني ذكرت 3 انواع من الاحوال وهي
1- Adverb of time.
2- Adverb of place.
3- Adverb of manner.

ومثل ما وضحت هذي مو كل الانواع فمثلا اكو احوال تبين مقدار درجة الشيء يسموها
Adverbs of degree:
Ex: very - so - too...etc

واكو احوال يسموها احوال المتعلقة بالترتيب او التسلسل
Adverb of sequence:
Ex: first - second - third...etc

واكو احوال متعلقة بالتكرار
Adverb of frequency:
Ex: always - never - often...etc
.
هذني كلهن انواع للاحوال لان مثل ما كلت الحال بي هواي انواع واشكال
.
.
وطبعا ايضا من الجدير بالذكر انو الاحوال المتعلقة بالوقت
Adverb of time
بدورها تنقسم الى 3 اقسام

أ- الاحوال المتعلقة بوقت محدد وهي تجيب على السؤال (متى؟)
Adverbials of definite time, answering the question "when?"
مثل:
Yesterday - last week - at three o'clock - tomorrow - early - late - soon - then - now...etc
.
ب- الاحوال المتعلقة بالتكرار مثل ما وضحت سابقا وهذي الاحوال تجيب على السؤال (كم مرة؟)
Adverbials of frequency, answering the question "How often?"
مثل:
Always - never - seldom - rarely - frequently - often - sometimes - generally...etc
.
جـ- الاحوال المتعلقة بالمدة الزمنية اللي تجيب عن السؤال (كم مدة؟)
Adverbials of duration, answering the question "How long?""
مثل:
Hours - for hours - a week - the whole night - until dawn - since yesterday...etc
.
.

هسه نجي ل5 اماكن محتملة لل adverbial بالجملة
1- المكان الاول: قبل الجملة، مثلا
Really, you should know better.

Now it's time to go.
هنا عدنا الكلمتين now و really يعتبرن adverbials من خلال التصنيف المكاني لان اجن قبل الجملة.
.
.

2- المكان الثاني: بعد الفاعل وقبل الفعل المساعد او الفعل الرئيسي
She often would forget her keys.

He actually expects to marry her.

هنا عدنا الكلمتين often و actually يعتبرن adverbials من خلال التصنيف المكاني
.
.

3- المكان الثالث يكون بعد الفعل المساعد (اول فعل مساعد في حال اكو 2 افعال مساعدة بالجملة فمكانه يكون بعد اول فعل مساعد)

He would seldom make the effort.

They could easily have made another touchdown.

هنا الكلمتين seldom و easily يعتبرن adverbials من خلال التصنيف المكاني لان اجن بعد الفعل المساعد
.
.
تكملة👇👇4- المكان الرابع: يقسم الى قسمين:
أ - بعد الفعل بالجملة البسيطة نوع ال4
ب - بعد ال be بالجملة البسيطة نوع ال2 و ال3

نجي على نقطة أ - بعد الفعل بالجملة البسيطة نوع ال4:
الصيغة النوع الرابع من الجمل البسيطة هو
Pattern 4: SVO (Subject + Verb + Direct Object)
يكون موقع ال adverbial بعد الفعل من هذا النوع من الجمل، طبعا اذا كان بعد الفعل (حال) لازم، يعني مثلا
He drove recklessly
هنا كلمة recklessly تعتبر adverbial من خلال التصنيف المكاني للكلمة.

بس انتبهوا اذا ما اجه بعد الفعل من النوع ال4 حال فمرح يكون اكو adverbial لازم يكون اكو حال، يعني مثلا لو الجملة هيج

Jack bought a book.
هنا صح هذي الجملة من النوع ال4
فاعل+ فعل + مفعول به مباشر
لكن هذي الجملة مابيها adverbial منگول انو كلمة a book هو ال adverbial لا
لان لازم، شرط، ضوروري ان يكون بعد الفعل اكو حال مو شرط بعد الفعل مباشره لا وانما بعد الفعل يكون اكو حال بالجملة يعني ميصير اي نوع اخر لازم يكون حال فقط، حتى اصنف الحال من خلال موقعه كـ adverbial

Her brother is always a gentleman.
هنا عدنا بعد الفعل اجه حال وهو always (كلنا مو شرط بعد الفعل مباشرة) مادام اجه بعد الفعل حال فاصنف الحال من خلال موقعه على انو adverbial
.

هسه نجي على نقطة ب - بعد ال be بالجملة البسيطة نوع ال2 و ال3
اول شي خل انجيب النوع ال2 و ال3 من الجمل البسيطة
النوع الثاني
Pattern 2: SVC (Subject + Verb + Subjective Complement)

النوع الثالث
Pattern 3: SVA (Subject + Verb + Adverbial)

مكان ال adverbial يكون بعد ال be وبناتها ان وجدت بالجملة
Be = ( is - are - am - was - were - will be - being - been)

She is seldom late.
She is outside.
هنا عدنا الكلمتين seldom و outside يعتبرن adverbial من خلال تصنيفهن المكاني.
.
.

5- المكان الخامس والاخير يكون بعد التكملة اللي تجي بعد الفعل،
يعني بعد كل من
Subject complement (SC)
Direct object of verb (DO)
Objective complement (OC)
اذا اجى بعد هذني حال فهذا الحال رح انصنفه كـ adverbial من خلال تصنيفه المكاني

Hoskins will be quarterback tomorrow.

Hoskins will play football tomorrow.

They may choose Hoskins captain tomorrow.

خلصنا ال5 امكان اللي اتكون بيها adverbial
.

ملاحظة1: مثل ما ذكرت ابداية شرح ال adverbial انو هذا النوع يختلف عن اقرانه لان لازم شرط ضروري حتمي انو اتكون الكلمة حال حتى اكدر اصنفها adverbial من خلال التصنيف المكاني.

ملاحظة2: اذا صار واحتاريت بكلمة شنو اتصنفها nominal لو adverbial مثلا
He eats doughnuts.

He eats fast.
مثلا احتاريتوا بهل كلمتين
doughnuts
fast
شنو هذني حال لو مو حال لان هذني لو حال رح انصنفها adverbial بعتبار اجني بعد الفعل.
بس احنا منعرف هذني شنو نوعهن.
بكل بساطة انسوي اختبار بسيط وهو انو انحول الجملة الى مبني للمجهول passive اذا الجملة رهمت تتحول passive يعني انحلل الكلمة nominal
خل انجرب بالجملة الاولى
He eats doughnuts.
انحولها ل passive
The doughnuts are eaten by him.
مادام قبلت فرح اصنف كلمة doughnuts من خلال التصنيف المكاني كـ nominal

اما اذا ما قبلت مثل
He eats fast.
ميصر احول هل جملة passive لذلك اعتبر ال fast حال واصنفه كـ adverbial من خلال تصنيفه المكاني.
.
.

بقة شغلة وحدة بقصوص ال adverbial وهو انو صح گلنا فقط الاحوال هي اللي انصنفهن adverbial لكن قصدت فقط الاحوال من الكلمات،
لكن اكو عبارات (مجموعة من الكلمات لا يمكن تجزلتها وتشكل معنى واحد) تجي بالجملة ممكن انصنفها adverbial اذا اجن بنفس هذني ال5 امكان اللي ذكرتهن اعلاه

1- قبل الجملة، مثلا
With a sharp ax, you can do wonders.
هنا عدنا العبارة
With a sharp ax
انصنفها كـ adverbial لان اجت قبل الجملة
.

By using little red here, you can balance your colours.
كذلك الحال بالنسبة للعبارة
By using little red here
.

Unless you follow the printed directions, the set will not fit properly together.
وايضا العبارة
Unless you follow the printed directions
.
.

2- بعد الفاعل وقبل الفعل المساعد او الفعل الرئيسي
Anglina in her own way was a darling.
هنا العبارة
in her own way
انصنفها كـ adverbial لان اجت بعد الفاعل.
.
.

3- المكان الثالث يكون بعد الفعل المساعد (اول فعل مساعد في حال اكو 2 افعال مساعدة بالجملة فمكانه يكول بعد اول فعل مساعد)
You may in this way be of great assistance.
هنا العبارة
in this way
انصنفها كـ adverbial من خلال تصنيفها المكاني لان العبارة اجت بعد الفعل المساعد
.
.
تكملة👇👇4- يقسم الى قسمين:
أ - بعد الفعل بالجملة البسيطة نوع ال4
He drove with abandon.
هنا العبار
with abandon
نگدر انصنفها كـ adverbial من خلال تصنيفها المكاني لان العبارة اجت بعد الفعل بالجملة نوع 4

ب - بعد ال be بالجملة البسيطة نوع ال2 و ال3
He is without any doubt an expert.
هنا العبارة
without any doubt
نگدر انصنفها كـ adverbial من خلال تصنيفها المكاني لان العبارة اجت بعد ال be
.
ملاحظة: احيانا من الصعب انصتف العبارة بعد الفعل صعب انصنفها ونختار ما اذا كانت adverbial او nominal لذلك انگول

اذا اجه بالجملة من النوع الاول اذا اجه infinitive يعني to + فعل خال من اي اضافة بعد الفعل رح اصنفه كـ adverbial
The waited to escape
هنا العبارة او ال infinitive
to escape
بما انو جايه بعد الفعل من الجملة نوع 1 وهو
Pattern 1: SV (Subject + Verb)
بما انو to escape جاي بعد الفعل فرح اصنفه كـ adverbial من خلال التصنيف المكاني.

لكن اذا نفس الصيغة وهو infinitive اجه بعد الفعل من الجملة نوع 3 او 4 هنا رح انصمفه كـ nominal وليس كـ adverbial
They expected to escape.
هنا العبارة او ال infinitive
to escape
جاي كمفعول به مباشر مادام مفعول به مباشر يعني انصنفها nominal.
.
.

5- المكان الخامس والاخير يكون بعد التكملة اللي تجي بعد الفعل،
يعني بعد كل من
Subject complement (SC)
Direct object of verb (DO)
Objective complement (OC)
اذا اجى بعد هذني عبارة فهذي العبارة رح انصنفه كـ adverbial من خلال تصنيفها المكاني.
My brother was a doctor for twenty years.

Tom put his watch wherc he could find it in tho dark.

They believed the man crazy after questioning him.
.

ملاحظة: العبارة اللتي تجي بعد (المفعول به للفعل) اتكون شوي محيرة فممكن انصنفها كـ adverbial او كـ adjectival ثينهن يرهم،

مثلا

They watched the hunter with the binoculars.
هذي الجملة العبارة بيها هي
with the binoculars

She spied the dog on the corner.
هذي الجملة العبارة بيها هي
on the corner

مثلا بهذني الجملتين العبارة مالتهن جاية بعد المفعول به ومثل ما گلنا العبارة اللتي تجي بعد المفعول به للفعل اتكون شوي محيرة فممكن انصنفها كـ adverbial او كـ adjectival ثينهن يرهم

فاگدر اصنفها اما هيج او هيج وثنينهن صح ومابيها اشكال.
.
.

ملاحظة مهمة جدا: دائما راجع الشرح الاصلي بالقناة
@MrEnglish11
لان الشرح دائما اسوي عليه تعديلات واضافات لذلك ضروري مراجعة الشرح الاصلي الموجود على القناة كل فترة والتاكد إذا ما كان مضاف له او معدل عليه ام لا.

و اي استفسار او سؤال اني بالخدمة
@Mrblue11
و ايضا رابط "گروبنا" گروب لمناقشة كل شي يتعلق بالمواد او اي استفسار او نقاش عن القسم
@Groupna4everyone

رابط قناتي موجود بيها فقط شرح لا غير،
شرح مواد مرحلى اولى + ثانية
@MrEnglish11