Grammar chapter 14

Grammar second stage 2⃣
Chapter 14 :
Noun and Verb phrases.

بهذا الچابتر رح ندرس syntax
Syntax: is the study of how words are combined into larger structuresphrases, clauses and sentences.

ال syntax معناه بناء الجمل ويقصد به دراسة كيفية تجمع الكلمات لتكويم عبارات و فقرات تجميع العبارات والفقرات لتكوين جمل

اذا نستنتج ان الجملة الها اجزاء وهذني الاجزاء اسمها phrases عبارات،
إذاً الكلمات تكون عبارات والعبارات اتكون جمل.
إذاً مثل ما عرفنا العبارات اتكونلي جملة، يعني الجملة الوحدة غالبا اتكون متكونه على الاقل من عبارتين، يعني العبارات هي اجزاء من جملة كاملة.
واهم انواع العبارات هي،
اولا:- عبارات اسمية noun phrase
ثانيا:- عبارات فعلية verb phrase
.
.

1- العبارة الاسمية: تتكون العبارة الاسمية من اسم + مجموعة كلمات، وهذه المجموعة كلمات تسمى modifiers كلمات داعمة، تكون اسماء و صفات و حروف جر (اي شي ممكن ما عدا افعال)
زين ليش عزلت الاسم وحد ومجموعة كلمات وحد، يعني كلت اسم + مجموعة كلمات، رغم انو هذي المجموعة كلمات ممكن تحتوي على اسم لعد ليش عزلت الاسم وحد + مجموعة كلمات وحد؟
ج/ لان هذا الاسم اللي عزلته انسمي headword او head يعني الكلمة الرئيسية بالعبارة الاسمية، والكلمة الرئيسية بالعبارة الاسمية لازم اتكون اسم لان من اسمها عبارة اسمية، و مجموعة الكمات انسميهن modifiers يعني كلمات داعمة للمعنى لا اكثر. يعني مثلا هذي مجموعة من العبارات الاسمية:

A- The yellow tulips.

B- The yellow tulips in the garden.

C- The yellow tulips in the garden which were blooming.

بهذني ال 3 عبارات اسمية الكلمة الرئيسية اللي انسميها headword وطبعا لازم اتكون اسم، هي tulips و بقية الكمات كلهن يعتبرن modifiers كلمات داعمة اللي گلنا عليهن (مجموعة كلمات)
لان مثل ما انلاحظ الكلمات الداعمة تتغير لكن تبقى الكملة الرئيسية headword ثابته لانها كلمة رئيسية،
وطبعا للمعلومة، الكمات الداعمة modifiers تقسم الى قسمين
A- single-word modifiers.
اللي اتكون كلمات منفرده ما الها ربط ابعض وغالبا اتكون قبل ال headword، يعني عدنا بال3 عبارات الاسمية اعلاه عدنا
The - yellow
يعتبرن single-word modifiers

B- word-group modifiers.
اتكون عبارة عن فقرات وممكن عبارات حرف جر وغالبا اتكون بعد ال headword، يعني عدنا بال3 عبارات الاسمية اعلاه عدنا
In the garden - which were blooming
هذني word-group modifiers.

وكل هذه العبارات اعلاه ليست جمل لانها لا تحتوي على فعل رئيسي لذلك غير ممكن ان نطلق عليها جملة.
.
.
العبارة الاسمية بيها نوعين،

فممكن تكون عبارة اسمية بسيطة تتكون من اسم فقط وهذا الاسم نطلق عليه عبارة اسمية، مثلا
Ex: Boys often build dams in the spring.
هذي جملة كاملة، هنا العبارة الاسمية بهذي الجملة بسيطة وهي فقط boys مجرد اسم واحد اعتبرناه عبارة اسمية وطبعا هي ال headword لان ماكو غيرها.

وممكن اتكون العبارة الاسمية معقدة يعني تحتوي على اسم اللي هو headword + مجموعة كلمات اللي هن modifiers
Ex: Small boys who are not in school often build dams in the spring.
انلاحظ هنا العبارة الاسمية هي
Small boys who are not in school

Ex: Jim wanted a car.
هنا العبارة الاسمية متكونه من اداه تنكير + اسم
A car

يعني هسه اي اسم الگاه بجملة كاملة اگدر اعتبرة عبارة اسمية حتى لو كان اسم واحد فقط.
.
.

Some Syntactic Categories of Nouns
Count and Mass Nouns

هسه رح نجي ناخذ انواع الاسماء،
مثل ما نعرف الاسماء تقسم عدة انواع مثلا
أ- اسماء معدودة
Count nouns

ب- اسماء غير معدودة
Mass nouns or uncountable nouns

جـ- امساء العلم
Proper Nouns.
.

طبعا مثل ما نعرف اذا كان الاسم معدود فإما يكون مفرد او يكون جمع، اذا كان مفرد فيجب تسبقة احدى الاداتين إما a او an
Ex: A book which is blue.
Ex: An apple that is sweet.

ولو كان الاسم المعدود جمع فنضيف له s او es الجمع،
Ex: Cars are dangerous.
Ex: Those cars are dangerous.

وايضا نستطيع ان نضيف الاسماء المعدودة سواء الجمع او المفرد الاداة the
.

ب- الاسماء الغير معدودة اللي مثل ما نعرف تشمل اي اسم لا يمكن عده
Water - fire - music - sugar...etc

وطبعا نعرف انو الاسماء الغير المعدودة مابيها مفرد او جمع فميصير اضيفلها a - an للمفرد او s - es للجمع،
فقط نستطيع ان نظيف الاداة the واسماء الاشارة للاسماء الغير معدودة
Ex: This information is useful.
Ex: The information is useful.
.
.

تكملة👇👇تكملة👆👆👇👇
.
.

ملاحظة: احنا شرحنا الاسماء المعدودة والغير المعدودة بالتفصيل، فاللي ناسيها يكدر يراجعها عن طريق يروح ليونت 69 و 70 من كتاب
"English grammar in use
Raymond Murphy"
مجرد اكتبوا بالبحث مال قناة
@MrEnglish11
(يونت69) ورح يطلع الشرح.
.
وطبعا اكو اسماء اتكون معدودة في سياق او في معنى معين و غير معدودة في معنى او سياق اخر، مثلا
Mass: Lemonade is refreshing in summer
هنا الاسم Lemonade غير معدود لان اجه بمعنى (عصير الليمون)

Count: They had two lemonades (two cups or cans of lemonade).
هنا انلاحظ الاسم lemonades اجه كاسم معدود قبله اكو رقم two وبي s الجمع، لان اجه بمعنى گلاصين من عصير الليمون.

Mass: Virtue is its own reward.
هنا Virtue اسم غير معدود لانها جائت في سياق مثال او حكمة يتكلم عن الفضيلة بشكل عام.

Count: Her virtues were well known.
اما هنا virtues اسم معدود بمعنى فضائل جمع فضيله.

Mass: You have eggs on your chin.
هنا كلمة eggs اجت كاسم غير معدود بمعنى ان ذقنك ملطخ بالبيض.

Count: Eggs were served for breakfast.
لكن هنا eggs اتت كاسم معدود بمعنى عدد او مجموعة من البيض تم تقديمه على الفطور.

Mass: They eat bread with every meal.
هنا كلمة bread اسم غير معدود لان يتكلم عن الخبز كنوع من الاكل بشكل عام.

Count: Our cafeteria serves several breads (types of bread)
لكن في هذه الجملة breads اسم معدود يقصد به عدة انواع من الخبز.

وطبعا مثل ما نعرف كلمة many تستخدم مع الاسماء المعدودة لان many معناها العدد الكثير من شيء ما
اما كلمة much تستخدم مع الاسماء الغير معدودة ومعناها الكمية الكبيرة من شيء ما
.
.

Proper Nouns
أسماء العلم
مثل ما نعرف اسماء الاعلام: هو اسم شخص او مكان او شيء معين الدال على نفسه بنفسه، يعني من اكول العراق كلنا نفهم قصدي دولة العراق لان اكو عراق واحد بهل كون فيعتبر اسم علم دال على نفسه
الشمس القمر الفضاء وليم شكسبير...الخ
Ex: Charlotte Brook - the Mona Lisa - the Queen Mary (ship) - Maine - the Rocky Mountains - Mount Washington.

طبعا اسماء الاعلام نعتبها احد انواع الاسماء وانعاملها على انو اسماء لان مكانها واستخدامها بالجمل يكون مثل استخدام الاسم فنعتبرها نوع من انواع الاسماء وتقريبا نتعامل وياهن مثل تعامل الاسماء المعدودة مع بعض الاختلاف الطفيف، يعني مثلا من استخدم اسماء الاعلام بالشكل المفرد ما اخلي قبلهن a او an مثل الاسم المفرد الاعتيادي
Ex: June is a month for weddings.
انلاحظ قبل اسم العلم June مخليت قبله a او an رغم انو هو اجه كأسم معدود مفرد.

واذا اريد اميز او احدد اسم علم محدد اخلي الاداة the قبل اسم العلم
Ex: The June in which she was married was warm.

Ex: The Margaret whom I remember had red hair.
بما انو اكو هواي اشخاص باسم Margaret فاني اريد احدد شخص محدد احجي عليه اسمها Margaret فاستخدمت the
.

ايضا اكو اسماء اعلام ممكن تظهر بالشكل المفرد و شكل الجمع
We stayed at the Americana

The Atlantic Ocean is rough in winter

Several Americanas have been built on the Eastern Coast.

There are two Atlantic Oceans in the Northern Hemisphere, the warm one of the tropics and the cold one toward the pole.
.

ملاحظة: لتنسون جميع اسماء الاعلام مهما كان مكانها بالجملة فأول حرف منها لازم يكون كابتل.

لهنا انكون خلصنا اول نوع من انواع العبارات وهو العبارة الاسمية
Noun phrase
.
.
اي استفسار او سؤال اني بالخدمة
@Mrblue11
و ايضا رابط "گروبنا" گروب لمناقشة كل شي يتعلق بالمواد او اي استفسار او نقاش عن القسم
@Groupna4everyone

رابط قناتي موجود بيها فقط شرح لا غير،
شرح مواد مرحلى اولى + ثانية
@MrEnglish11تكملة👆👆

Grammar second stage 2⃣
Chapter 14 :
Noun and Verb phrases.

بعد ما اخذنا اول نوع من انواع العبارات وشرحنا وهو
اولا:- العبارة الاسمية
Noun phrase
.
.

هسه نجي على النوع الثاني من انواع العبارات وهو
ثانيا: العبارة الفعلية
Verb phrase

العبارة الفعلية: نگدر انعرفها مثل ما عرفنا العبارة الاسمية وانگول: تتكون العبارة الفعلية من فعل + مجموعة كلمات، وهذه المجموعة كلمات تسمى modifiers الكلمات الداعمة، تكون افعل مساعدة وافعال حقيقة و صفات و حروف جر وحال وممكن حتى مفعول به (اللي هو اسم اللي يكون بعد الفعل)
س/ شلون يكون اكو مفعول به اللي هو اسم يكون مكانه بعد الفعل بعبارة فعلية هي مو عبارة فعلية؟
ج/ حتى لو كانت عبارة فعلية ممكن عادي جدا تحتوي على اسم لكن شرررط هذا الاسم يكون مفعول به يعني شرط يكون مكانه بعد الفعل، المهم العبارة الفعلية متحتوي على subject يعني اسم (قبل) الفعل اللي انسمي (فاعل)،
يعني شلون بالعبارة الاسمية كلنا من الممكن ان تحتوي العبارة الاسمية على فعل مساعد، هنا ايضا العبارة الفعلية من الممكن تحتوي على اسم بس شرط الاسم يكون بعد الفعل كمفعول به.

زين ليش عزلت الفعل وحد ومجموعة كلمات وحد، يعني كلت فعل + مجموعة كلمات، رغم انو هذي المجموعة كلمات ممكن تحتوي على فعل لعد ليش عزلت الفعل وحد + مجموعة كلمات وحد؟
ج/ لان هذا الفعل اللي عزلته انسمي headword او head يعني الكلمة الرئيسية بالعبارة الفعلة، والكلمة الرئيسية بالعبارة الفعلية لازم اتكون فعل رئيسي حقيقي لان من اسمها عبارة فعلية، و مجموعة الكمات انسميهن modifiers يعني كلمات داعمة للمعنى لا اكثر.
هذي مجموعة من العبارات الفعلية:
soon arrived.
ال head مال جملة الفعلية هو arrived وبقية الكلمات modifiers
.

arrived late.
ال headword مال جملة الفعلية هو هم arrived وبقية الكلمات modifiers
.

soon arrived at the station.
ال headword مال جملة الفعلية هو ايضا arrived وبقية الكلمات modifiers
.

arrived just as the plane came in.
ال headword مال جملة الفعلية هو arrived وبقية الكلمات modifiers
.

was waiting at the door.
ال headword مال جملة الفعلية هو waiting وبقية الكلمات modifiers

.

may have been stolen by the cashier.
ال headword مال جملة الفعلية هو stolen وبقية الكلمات modifiers

وطبعا ما عدا ال headword بقية الكلمات بالعبارة الفعلية انسميها complement يعني الكلمات اللي اتكمل العبارة الفعلية

بالمختصر اي اسم نلگاه بالجملة (انتبهوا الحچي عن جملة كاملة) اي اسم نلگاه بالجملة ممكن نعتبره عبارة اسمية لان مثل ما عرفنا انو العبارة الاسمية ممكن اتكون اسم واحد فقط، مثلا ممكن الگه جملة بيها اسم واحد فقط ويكون بالبداية يعني subject،
بالمقابل ايضا اي فعل نلگاه بالجملة ممكن نعتبرة جملة فعلية لان مثل ما عرفنا الجملة الفعلية ممكن تتكون من فعل رئيسي واحد فقط main verb،

Ex: Mohamed and Ali are studying together in the garden.

هذي جملة كاملة تحتوي على عبارة اسمية + عبارة فعلية + كلمات تكملة modifiers

Mohamed and Ali
هذي عبارة اسمية

are studying
عبارة فعلية

together in the garden
نگدر نعتبرها هذي تكملة يعني modifiers كلمات داعمة للجملة.

وبهذا الشكل انكون گدرنا انحلل الجملة الى مجموعة من العبارات.
.
.

اي استفسار او سؤال اني بالخدمة
@Mrblue11
و ايضا رابط "گروبنا" گروب لمناقشة كل شي يتعلق بالمواد او اي استفسار او نقاش عن القسم
@Groupna4everyone

رابط قناتي موجود بيها فقط شرح لا غير،
شرح مواد مرحلى اولى + ثانية
@MrEnglish11تكملة👆👆

Some Syntactic Categories of Verbs
A. Verb classification according syntactic requirements

1- Transitive Verbs
2- Intransitive Verbs
3- Linking verbs

موضوع جديد بچابتر 14 وهو انواع الافعال من ناحية ال syntax بناء وتركيب اجزاء الجمل.

وفقا لهذا المعيار فهنالك 3 انواع اساسية من الافعال وهي
1- افعال متعدية
Transitive Verbs

2- افعال غير متعدية او افعال لازمة
Intransitive Verbs

3- افعال رابطة
Linking verbs

رح نجي ندرس هذني ال3 انواع،
.

1- افعال متعدية: نفس الفعل المتعدي بالعربي تقريبا، ومن اسمها مبين افعال متعدية يعني افعال لاتكتفي بحالها بل تتعدى على مفعول به، يعني الفعل المتعدي يحتاج دائما الى اسم او عبارة اسميه لتعطي معلومات اكثر، والاسم اللي يجي بعد الفعل يسمى مفعول به object

Ex: Jack bought the car.
هنا bought فعل متعدي لانه احتاج الى اسم بعده والاسم هو the car انسمي هذا الاسم مفعول به object
اذا هذا هو الفعل المتعدي transitive verb
.

2- افعال غير متعدية: وهي عكس الافعال المتعدية تماما، الافعال الغير متعدية هي افعال لا تحتاج الى اسم اللي سميناه مفعول به object ولا تحتاج الى عبارة اسمية.
Ex: The distraught parents wept.
Ex: He is studying.
Ex: Lisa cried.
هذني الافعال
Wept - studying - cried
يعتبرن افعال غير متعديه لان ما اجه بعدها اسم او عبارة اسمية
.

3- افعال رابطة: وهي افعال تربط الكلمة التي قبلها بالكلمة التي بعدها بجعلها كلمة عائدة على كلمة، يعني شلون؟
ج/ يعني
Ex: Emily is a doctor.
هنا الفعل الرابط هو is اللي سواه هو ربط Emily مع a doctor يعني خله هذني الكلمتين Emily و doctor هو شخص واحد يعني خلانا نعرف انو إميلي دكتورة و الدكتورة هي إميلي شيء واحد، يشير الى شخص واحد.
هذا هو شغلة الفعل الرابط

بعض الافعال الرابطة
Be - become - seem - look...etc

Ex: Michael looked angry
هنا الفعل الرابط هو looked لان ربطلنا الكلمة اللي قبل looked بالكلمة اللي بعد looked
خلانا نعرف انو مايكل غاضب والغاضب هو مايكل فالكلمتين Michael و angry تشير الى شخص واحد.

اذاً هسه اي فعل يربط الكلمة اللي قبله بالكلمة اللي بعدها ويكونون هل كلمتين اللي يربطهن عائدة على نفس الشخص انسمي فعل رابط
.
.

اكو تصنيف اخر للافعال وهو

1- V + V.ing
افعال يجي بعدها فعل + ing

هذا التصنيف مهم جدا باللغة الانگليزية وموجود منه هواي، زين شنو فائدته؟
ج/ قبل فائدته خل انطيكم اسمه هذي الصيغة يسموها gerund (جيرند) يعني الاسم المشتق من الفعل، فائدة ال gerund هو يمنع تتابع فعلين، باللغة الانگليزية وحتى باللغة العربية ميصير يجي فعل بعد فعل مباشرة، يعني ميصير اگول
"انا احب اقرأ" ❌
هنا فعلين ورا بعض و ماكو هيج صيغة لا بالعربي ولا بالانگليزي فحلاً لهذي المشكلة استخدم صيغة الاسم المشتق من الفعل gerund واگول
"انا احب القراءة"
نفس الوضع بالانگلزي ما اگدر اخلي فعل بعد فعل مباشرة فلازم استخدم gerund
يعني ما اگدر اگول
I like read books ❌

فاستخدم ال gerund واگول
I like reading books

طبعا اي فعل تقريبا من اخليله ing يصير اسم مو فعل (بس كون قبله ماكو فعل مساعد is am are was were حتى ليكون زمن مضارع مستمر او ماضي مستمر)

وطبعا اكو افعال اتفضل صيغة ال gerund اكثر من غيرها

اذا هسه عرفنا شنو فائدة الصيغة هاي وشنو هدفها و شنو اسمها ومن شنو تتكون
.

2- V + to + stem
افعال يجي بعدها to + فعل اخر

هسه نجي للصيغة الثانية،
هذا التصنيف ايضا مهم جدا باللغة الانگليزية بأهمية ال gerund وايضا يستخم هواي لكن بصورة اقل من ال gerund،
زين شنو فائدته؟
ج/ قبل فائدته خل انطيكم اسمه هذي الصيغة يسموها infinitive يعني (مصدر الفعل)، فائدة ال infinitive هو ايضا نفس فائدة ال gerund وهو يمنع تتابع فعلين،
مثل ما ذكرت باللغة الانگليزية وحتى باللغة العربية ميصير يجي فعل بعد فعل مباشرة،
"انا اريد اشتري حاسبة" ❌
هنا فعلين ورا بعض و ماكو هيج صيغة لا بالعربي ولا بالانگليزي فحلاً لهذي المشكلة استخدم صيغة مصدر الفعل infinitive واگول "انا اريد ان اشتري حاسبة"
نفس الوضع بالانگلزي ما اگدر اخلي فعل بعد فعل مباشرة فلازم استخدم infinitive
زين بالانگليزي شلون اگول (ان + فعل)؟
ج/ مجرد اخلي to قبل الفعل (المجرد) انتبهوا الفعل لازم يكون مجرد

I want buy a computer. ❌

استخدم صيغة مصدر الفعل
I want to buy a computer.

اذا هسه اي فعل (مجرد) اخلي قبله to يصير مصدر فعل، بس انتبه لازم اتفرقون بين صيغة ال infinitive وبين اذا اجه خرف جر to بشكل عادي
.
.

تكملة👇👇تكملة👆👆👇👇
.
.

3- V + V.ing or to + V
افعال تقبل الصيغتين اعلاه


هسه اخذنا الصيغتين وهي صيغة "الاسم المشتق من الفعل" وصيغة "مصدر الفعل"
بقه شنختار من يمهم و شلون انفضل بينهم ويا صيغة نعتمدها، بما انو هدف وشغل الصيغتين هو عدم تتابع فعلين يعني ثنينهن نفس الاستخدام، زين ياهو انفضل وشوكت نختار ال gerund وشوكت نختار infinitive؟
ج/ اغلب الافعال تقبل الصيغتين يعني نستخدم gerund او infinitive عادي، لكن هنالك افعال تفضل صيغة معينة على الاخر وهذه بعضها

افعال تفضل صيغة ال gerund
Dislike - enjoy - imagine - practice - keep - finish....etc

افعال تفضل صيغة ال infinitive
Expect - decide - plan - learn - ask - need - hope - want...etc

لكن الصيغة الاكثر استخداما هي ال gerund لان صيغة ال infinitive تعد صيغة ادبية تستخدم في الخطابات الادبية

وايضا لتبسيط الامر في اختيار احد الصيغتين مجرد ترجم للعربية واي فعل يرهم له الصيغة الانسب من خلال الترجمة اختاره (طبعا عدا الافعال اللي ذكرناها اعلاه اللي گلنا عليها تفضل صيغة على الاخرى)

هسه مثلا اي فعل حتى نختارله صيغة انقارن من خلال المعنى اي معنى انحسه راهم اكثر نختارة، (لتنسون اكو افعال تقبل الصيغتين)

I want study
بصيغة ال gerund رح يكون (اريد الدراسة)
I want studying.

اما بصيغة ال infinitive رح اكتون (اريد ان ادرس)
I want to study

طبعا نختار صيغة ال infinitive لان منطقية اكثر وراهمة من خلال المعنى.

وهكذا انسوي ابقية الافعال اذا احتارينه اي صيغة نختار.

لهنا انكون خلصنا موضوع
Verb phrase
واخذنا انواع واشكال الافعال،
وقبله شرحنا موضوع
Noun phrase
وايضا اخذنا انواع الاسماء، وهيج كدرنا انغطي شرح الكامل لموضوع
Verb phrase and noun phrase.
.
.

اي استفسار او سؤال اني بالخدمة
@Mrblue11
و ايضا رابط "گروبنا" گروب لمناقشة كل شي يتعلق بالمواد او اي استفسار او نقاش عن القسم
@Groupna4everyone

رابط قناتي موجود بيها فقط شرح لا غير،
شرح مواد مرحلى اولى + ثانية
@MrEnglish11تكملة👆👆

Grammar second stage 2⃣
Chapter 14 :
Grammatical Function

سبق ودرسنا بچابتر (12) وهو اجزاء الكلام درسنا form classes

وگلنا Form Classes: يقصد به نوع الكلمات اللتي يمكن ان تُميز او تُعرف من خلال اشكالها،
مثل، الاسماء - الافعال - الصفات - الاحوال
.

بس هل مرة مرح ندرس الكلمات على انواعها اسم فعل صفه حال لا، وإنما رح ندرس وظيفة الكلمات بالجملة، فمن البديهي انو كل كلمة بالجملة الها وظيفة معينة والها اسم معين بالجملة يعني فاعل فعل مفعول به...الخ
بهذا الموضوع رح ندرس وظيفة كل كلمة في الجملة...

رح ناخذ 7 وظائف للكلمات في الجملة بهذا الموضوع،

اولا: فاعل الفعل
1- Subject of Verb

اللي هو الفاعل subject وظيفته هو يخبرنا بمن قام بالفعل اذا كانت الجملة تحتوي على فعل،
The players win the game
هنا الفاعل اخبرنا بمن قام بالفعل،
من اللذي فاز؟
ج/ اللاعبين the players اللي هو ال subject
.

او يكون وظيفه الفاعل هو ذلك الشيء الموصوف اذا كانت الجملة لا تحتوي على فعل بل تحتوي على صفة،
The book was large
كلمة lage هي الصفة من توصف؟
ج/ توصف الفاعل وهو الكتاب، الكتاب كان كبير او ضخم.
.
.

ثانيا: الفعل
2- Verb

وظيفة الفعل هي وصف عمل او حالة ما يقوم به شيء او شخص ما
(ما اعتقد اكو احد ميعرف شنو وظيفة الفعل)

Their monkey climbed the tree.

الفاعل هو the monkey هو من قام بالفعل
الفعل هو climbed تسلق
.
.

ثالثا: وصف الفاعل
3- Subjective Complement

هو اي كلمة تاتي بعد ال be
Be = ( is - are - am - was - were - will be - being - been)
و ايضا تاتي بعد الافعال
Become - seem - appear

الكلمة اللي تاتي بعد الكلمات اعلاه (وغالبا تكون اسم او صفه) وتصف الفاعل تسمى
Subjective Complement

ملاحظة مهمة جدا: الكلمة اللي يجي بعد هذني الكلمات اعلاه (وغالبا تكون إما اسم او صفه)، مو نفسهن الكلمات هذني لان هذني الكلمات يعتبرن افعال رابطة مثل ما اخذنا، إذا نستنتج ان وصف الفاعل يوجد حيث ما وجد الفعل الرابط وكذلك الفعل الرابط عند وجودة لازم وشرط و اكيد الكلمة اللي بعد الفعل الرابط اتكون وصف الفاعل، لان احنا كلنا الافعال الرابطة وظيفتهن تربط اللي قبلهن باللي بعدهن، وكلنا وصف الفاعل هو اسم او صفة تصف الفاعل لذلك عند وجود فعل رابط فالكلمة اللي بعد الفعل الرابط مباشرة رح اتكون وصف فاعل.

The womam was a doctor.
The artist seemed upset.

اهنا الكلمتين doctor و upset يعتبرن
Subjective Complement
لان اجن (بعد) الكلمات اللي ذكرناهن وحددناهن وايضا وصفن الفاعل.
.
.

رابعا: المفعول به المباشر
4- Direct object

المفعول به المباشر هو اي اسم او ضمير يكمل الفعل ويرتبط بالفعل ويوضح الفعل ويجيب على السؤال ماذا او ما الذي

Malcom bought a book.
هنا نسال نفسنا ماذا اشترى مالكوم؟
ج/ اشترى كتاب

She attended South Virginia College.
ماذا اختارت؟
ج/ اختارت جامعة جنوب ڤرجينيا

اذا المفعول به المباشر هو اي اسم او الضمير يكون له علاقة مباشرة بالفعل ويجيب على السؤال "ماذا" او "ما الذي" وعادة يستخدم للجماد.
.
.

خامسا: المفعول به الغير مباشر
5- Indirect Object.

المفعول به الغير مباشر هو اي اسم او ضمير يكمل الفعل و يرتبط بالفعل ويوضح الفعل عن طريق الاجابة عن السؤال (لمن؟) وعادة ما يكون شخص.

The coach bought the athletes some uniforms.
لمن اشترى المدرب البدلات؟
ج/ للرياضيين the athletes

The realtor found the buyer a nice house.
لمن وجد سمسار العقار منزلا جميلا؟
ج/ للمشتري the buyer

إذا هسه اي مفعول به يجيب على السؤال (لمن) هذا مفعول به الغير مباشر
In direct object
.
.

سادسا: وصف المفعول به
6- Objective Complement

هي اي كلمة تاتي بعد المفعول به وتكمله و تشرحه،
يعني هسه اي كلمة تجي بعد المفعول به واتكمل المعنى مال مفعول به واتشرحه اعتبرها
Objective Complement

Examples:

We considered the manager incompetent.
.
.

سابعا: المفعول به لحرف الجر
Object of preposition

هو اي اسم ياتي بعد حرف الجر نطلق عليه
Object of preposition

Ex:
The dog ran near the river.
انلاحظ بعد حرف الجر near اجه مفعول به.

Sally paid rent for her mother
انلاحظ بعد حرف الجر for اجه مفعول به.
.
.

هذه هي السبعة وضائف للكلمات في الجملة اللي اطرقلها يونت 14،
اغلبهن نعرفهن من زمان وسهلات.
.
.

اي استفسار او سؤال اني بالخدمة
@Mrblue11
و ايضا رابط "گروبنا" گروب لمناقشة كل شي يتعلق بالمواد او اي استفسار او نقاش عن القسم
@Groupna4everyone

رابط قناتي موجود بيها فقط شرح لا غير،
شرح مواد مرحلى اولى + ثانية
@MrEnglish11Identifying the Subject:-

الفاعل (اللي يكون مكانه قبل الفعل) في اغلب الاحيان من السهل التعرف عليه بطرق كثيرة، ومن احد هذي الطرق هي علاقة الفاعل بالفعل فممكن نتعرف على الفاعل من خلال تاثيرة بالفعل، مثلا ممكن نعرف ان الفاعل مفرد لان سوه تغيير نحوي على الفعل، مثال
The teacher holds class every day.
The teachers hold class every day.
انلاحظ بان الجملة بزمن المضارع البسيط، لذلك عندما يكون الفاعل مفرد للشخص الثالث نضع للفعل s او es حسب الفعل،
فمثلا في الجملة الاولى، لان الفاعل هو (مدرس واحد) مفرد، فالفاعل اثر على الفعل نحويا واضاف له s
بينما في الجملة الثانية الفاعل جمع فلم يحدث اي تغيير للفعل،

فهنالك علاقة نحوي بين اجزاء الكلام في الجملة الواحد بمختلف الازمنة.
.
.

ملاحظة مهمة جدا: دائما راجع الشرح الاصلي بالقناة
@MrEnglish11
لان الشرح دائما اسوي عليه تعديلات واضافات لذلك ضروري مراجعة الشرح الاصلي الموجود على القناة كل فترة والتاكد إذا ما كان مضاف له او معدل عليه ام لا.

و اي استفسار او سؤال اني بالخدمة
@Mrblue11
و ايضا رابط "گروبنا" گروب لمناقشة كل شي يتعلق بالمواد او اي استفسار او نقاش عن القسم
@Groupna4everyone

رابط قناتي موجود بيها فقط شرح لا غير،
شرح مواد مرحلى اولى + ثانية
@MrEnglish11
.
.

گرمر مرحلة 2 كتاب
An Introductory English Grammar.
Norman C. Stageberg

چابتر14👆👆