Forum davomida

Toshkent shahar IIBB tomonidan oʻtkazib kelinayotgan “Men kuchli ayolman!” loyihasining 4-bosqichi ham yakuni boʻyicha forum oʻtkazildi. Mazkur tadbirda IIV, Qoraqalpogʻiston Respublikasi IIV, Toshkent viloyati IIBB, viloyatlar IIB Huquqbuzarliklar profilaktikasi boshqarmasi (boʻlimlari) boshliqlarining xotin-qizlar masalalari boʻyicha oʻrinbosarlari qatnashishdi. Forumda poytaxt IIBB boshligʻi, general-mayor Aziz Toshpoʻlatov soʻzga chiqib, bosh boshqarma sohaviy xizmatlari tomonidan olib borilayotgan ishlarni taʼkidlarkan, xususan loyiha borasida olib borilayotgan salmoqli ishlarga urgʻu berdi.

Forum qatnashchilari poytaxtda joylashgan “Ayollarni reabilitatsiya qilish va moslashtirish respublika markazi”, Bosh boshqarma Yagona tezkor boshqaruv markazi, Toshkent shahar ishsizlarni qayta kasbga oʻqitish markazi faoliyati bilan yaqindan tanishishdi, IIBB qoshidagi “Shon-sharaf” muzeyiga tashrif buyurishdi. Tadbir soʻngida mehmonlar eʼtiboriga “Jannat – onalar oyogʻi ostida” filmi namoyish etildi.

Oʻz muxbirimiz.

Toshkent shahri.