Faynberg stipendiyasi

Aleksandr Faynberg nomidagi maxsus stipendiya va ko‘krak nishoni to‘g‘risida

NIZOM

1-bob. Umumiy qoidalar

1. Mazkur Nizom O’zDJTU talabalariga ALEKSANDR FAYNBERG nomidagi maxsus

stipendiya (keyingi o‘rinlarda — maxsus stipendiya) tayinlash va to‘lash, shuningdek,

ALEKSANDR FAYNBERG nomidagi ko‘krak nishoni (keyingi o‘rinlarda — ko‘krak nishoni)

bilan taqdirlash tartibini belgilaydi.

2. Maxsus stipendiya va ko‘krak nishoni O’zDJTUda Aleksandr Faynberg hayoti va

ijodini o‘rganish, faoliyatini yoritish, ilmiy tadqiq qilish hamda targ‘ib etish yo‘nalishida izlanish

olib borayotgan, alohida faollik ko‘rsatgan o‘qituvchi va talabalarni rag‘batlantirish maqsadida

ta’sis etiladi.

2-bob. Aleksandr Faynberg nomidagi maxsus stipendiyalarni tayinlash tartibi va

mezonlari

3. Maxsus stipendiya kvotasi O’zDJTUdagi fakultetlar sonidan kelib chiqib, har bir

fakultet bo‘yicha bittadan alohida-alohida ajratiladi.

4. Maxsus stipendiya quyidagi mezonlarga javob beradigan O’zDJTUning kunduzgi

ta’lim shaklida tahsil olayotgan bakalavriatining 1-3-bosqich hamda magistraturasining 1-bosqich

talabalariga belgilanadi:

Aleksandr Faynberg hayoti va ijodini o‘rganish, faoliyatini yoritish, ilmiy tadqiq qilish

va targ‘ib etish yo‘nalishida izlanish olib borish;

adabiyot va kitobxonlikni keng targ‘ib qilish yo‘nalishida alohida faollik ko‘rsatish;

adabiyot va kitobxonlikka doir konferensiyalarda (tanlovlarda) qatnashish;

nashr etilgan ishlarning (asarlarning) mavjudligi.

5. Maxsus stipendiya tayinlanishida talabgorlarning ushbu Namunaviy nizomning 4-

bandida belgilangan mezonlarga muvofiq bilim va ijodiy tayyorgarlik darajasini sinovdan

o‘tkazish maqsadida oliy ta’lim muassasasi:

maxsus stipendiyaga talabgorlar orasidan tanlab olish uchun ta’lim yo‘nalishlari va

adabiyot sohasidagi mutaxassislardan iborat tanlov komissiyasini (keyingi o‘rinlarda — Tanlov

komissiyasi) tuzadi va uning ish tartibini belgilaydi;

adiblar hayoti va ijodi bo‘yicha test sinovlari (keyingi o‘rinlarda — test sinovi) savollarini

tasdiqlaydi.

6. Talabgorlar dastlabki ko‘rib chiqish uchun fakultet kengashiga har yili 20-martga qadar

quyidagi hujjatlarni topshiradilar:

sinov daftarchasidan ko‘chirma (o‘zlashtirish ko‘rsatkichi);

kafedra tavsiyanomasi;

ijodiy (ilmiy) ish, uning annotatsiyasi va taqriz (mavjud bo‘lsa);

tyutorning fikr-mulohazalari;

Aleksandr Faynberg hayoti va ijodi hamda faoliyatini (ommaviy axborot vositalarida,

ijtimoiy tarmoqlarda va boshqa) targ‘iboti bo‘yicha materiallar;

Aleksandr Faynberg hayoti va ijodini, faoliyatini tadqiq qilish bo‘yicha respublika va

xalqaro miqyosdagi jurnallarda chop etilgan yakka mualliflikdagi ilmiy maqolalar, o‘tkazilgan

anjumanlardagi faol ishtirokini tasdiqlovchi hujjat (asl nusxasi);

o‘z sohasi bo‘yicha xalqaro yoki respublika darajasidagi ko‘rgazma, biyennale, festival,

simpozium, tanlov va boshqa nufuzli tadbirlardagi ishtiroki va natijalarga erishganligi (mavjud

bo‘lsa) to‘g‘risida tasdiqlovchi hujjat.

Barcha hujjatlar ikki nusxada, har bir nusxasi alohida jildga joylangan holda taqdim

qilinadi. Har bir jild muqovasida taqdim qilayotgan fakultetning nomi, talabgorning ismi va

familiyasi, ishning nomi ko‘rsatilgan bo‘ladi.

7. Fakultet kengashi har yili 31-martga qadar talabgorlar tomonidan taqdim etilgan

hujjatlarni ko‘rib chiqib, maxsus stipendiyaga nomzodlarni tavsiya etish, nomzodlikka

talabgorlarning o‘qishdagi va ijodiy (ilmiy) faoliyatidagi muvaffaqiyatlarini baholash uchun

muhokamaga qo‘yadi.

Muhokamadan so‘ng yashirin ovoz berish yo‘li bilan eng munosib talabgorlar tanlab

olinadi. Bunda talabgor va uning ishi uchun ovoz berishda ishtirok etgan kengash a’zolarining

uchdan ikki qismidan ortig‘i ovoz berganda, nomzod talabalar ma’qullangan hisoblanadi va

ularning nomzodini fakultet kengashi Tanlov komissiyasiga kiritish maqsadida fakultet dekanatiga

taqdim etadi.

Fakultet dekanati har yili 10-aprelga qadar nomzodlarning hujjatlarini Tanlov

komissiyasiga taqdim etadi.

8. Tanlov komissiyasi:

har yili 20-aprelga qadar talabgorlar bilan test sinovi hamda suhbat o‘tkazadi;

har yili 25-aprelga qadar nomzodlarning so‘nggi tanlovini yashirin ovoz berish yo‘li bilan

tashkil etadi, bunda talabgor va uning ishi uchun ovoz berishda ishtirok etgan komissiya

a’zolarining uchdan ikki qismi yoqlab ovoz berganda, ushbu nomzodni maxsus stipendiya

tayinlash uchun tavsiya qiladi;

har yili 27-aprelga qadar maxsus stipendiya tayinlash uchun tavsiya etish to‘g‘risidagi

qarorni Universitet kengashiga taqdim etadi.

9. Tanlov komissiyasining maxsus stipendiyani tayinlash to‘g‘risidagi qarori asosida har

yili 30-aprelga qadar Universitet kengashining qarori qabul qilinadi.

Universitet kengashining maxsus stipendiyani tayinlash to‘g‘risidagi qarori rektor

buyrug‘i asosida kuchga kiradi.

10. Maxsus stipendiyaga sazovor bo‘lgan talabalarga har yili 20-mayga qadar “Aleksandr

Faynberg nomidagi maxsus stipendiya sovrindori” guvohnomasi (keyingi o‘rinlarda —

guvohnoma) beriladi.

11. Maxsus stipendiya talabalarga har yili, bir o‘quv yili uchun 1-sentabrdan boshlab

belgilangan miqdorga qat’iy rioya qilingan holda tayinlanadi.

Maxsus stipendiya miqdori Vazirlar Mahkamasining 2020-yil 31-yanvardagi 59-son

qarori 2-ilovasining 2-bandiga muvofiq belgilanadi.

12. Talaba o‘qishini boshqa oliy ta’lim muassasasiga ko‘chirganda yoki akademik ta’til

olganda maxsus stipendiya to‘lanmaydi. 4-bosqich talabalariga maxsus stipendiya o‘qigan davri

uchun to‘lanadi.

3-bob. Yakunlovchi qoidalar

24. Kundalik darslarni o‘zlashtirmaydigan, o‘quv intizomini va odob-axloqni buzgan

talabalarni o‘quv yili mobaynida fakultet kengashining tavsiyasiga binoan oliy ta’lim muassasasi

rektori buyrug‘i asosida maxsus stipendiyadan mahrum qilinishi mumkin.

25. Maxsus stipendiya va ko‘krak nishoni bilan taqdirlash bo‘yicha ariza va shikoyatlar

qonun hujjatlarida belgilangan tartibda ko‘rib chiqiladi.