FERUZ AKBAROV “XALQ TA’LIMI A’LOCHISI” KO‘KRAK NISHONI BILAN TAQDIRLANDI

O‘zbekistonda tashkil qilingan ETA Uzbekistan ingliz tili o‘qituvchilari ko‘ngilli jamiyati asoschisi Feruz Akbarov Maktabgacha va maktab ta’limi vazirining buyrug‘iga asosan, “xalq ta’limi a’lochisi” ko‘krak nishoni bilan taqdirlandi. Mukofotni F.Akbarovga viloyat Maktabgacha va maktab ta’limi boshqarmasi boshlig‘i v.v.b. Shokir Sultonov topshirdi.

Feruz Akbarov bir qator halqaro tanlovlar g‘olibi, shuningdek, til o‘rgatish bo‘yicha qator loyihalar asoschisi hamdir.

U 2021 yil dekabr oyidan boshlab hozirgi Samarqand viloyati Maktabgacha va maktab ta’limi boshqarmasi bilan yaqindan hamkorlik o‘rnatib, viloyatning eng chekka Nurobod, Narpay, Kattaqo‘rg‘on tumanlarida ingliz tili o‘qituvchilari uchun bepul o‘quv treninglarni tashkil qildi. Paxtachi tumanida ingliz tilini ommalashtirish maqsadida “Feruz Akbarov” ingliz tili klubi tashkil qilindi.

U o‘z kasbining mohir ustasi, fidoiy maorif xodimi, yuksak milliy va xalqaro natijalarni qayd etib kelayotgan pedagoglardan biri.

Feruz Akbarovni ushbu mukofot bilan tabriklaymiz!

Samarqand viloyati Maktabgacha va maktab ta’limi boshqarmasi axborot xizmati