“ФАРҒОНА ВИЛОЯТИ ҲОКИМИ КУБОГИ-2022” КУНДАЛИГИ: САККИЗИНЧИ КУН
Фарғонада анъанавий тарзда ўтказилаётган халқаро "Фарғона вилояти ҳокими кубоги-2022" мусобақаси ўз поёнига етиб бормоқда. Бугун мусобақанинг чорак финал учрашувлари ўтказилди. Бу йилги турнирнинг ҳал қилувчи баҳсига “Қўқон-1912” ва “Андижон-1” жамоалари етиб келишди.
“ҚЎҚОН-1912” РАҚИБИГА ИМКОНИЯТ ҚОЛДИРМАДИ
Мусобақанинг асосий фаворити сифатида эътироф этилган – “Қўқон-1912” жамоаси ярим финалда Сурхондарёнинг “Денов” клубига қарши майдонга тушди. Учрашувда катта устунликка эга бўлган Бахтиёр Ашурматов шогирдлари рақибни ўта йирик ҳисобда доғда қолдиришди. Учрашувнинг 1-таймидаёқ қўқонликлар ўйин тақдирини ҳал этишди. Мазкур баҳсда мухлислар тўртта пенальтининг гувоҳига айланишди. Пенальтилардан бирини дарвозабон Музаффар Абдуллаев аниқ амалга оширди.
Фарғона вилояти ҳокими кубоги-2022"
Ярим финал
"Қўқон-1912" - "Денов" - 8:0 (3:0)
Голлар: Абдуллоҳ Юнусов (7), Шаҳзодбек Нурматов (21 пен), Билолхон Тошмирзаев (31 пен), Диёрбек Жалолиддинов (52,58), Аюбхон Исақов (60 пен), Сардор Етовқўзиев (66), Музаффар Абдуллаев (86 пен).
Қўқон-1912": Музаффар Абдуллаев , Александр Мерзляков, Иван Йосович, Мурод Холмухаммедов, Авазхон Маматхўжаев, Абдуллоҳ Юнусов, Қувондиқ Рўзиев, Билолхон Тошмирзаев, Сардор Азимов, Шахзодбек Нурматов, Анвар Хожимирзаев.
Захира: Ислом Абдуллаев, Миржалол Абдумуталов, Достон Орипов, Сардор Етовкузиев, Аюбхон Исақов, Диёрбек Жалолиддинов, Муҳсин Норматов.
"Денов": Даврон Мерганов, Шаҳзод Соибназаров, Санжар Аҳмедов, Бегзод Каримов, Жалил Кимсанов, Сунатилло Ғайбуллоев, Сарвар Холматов, Асад Холматов, Дилшод Баратов, Акмал Абдураҳмонов, Диёр Рашидов.
Захира: Бегали Кўчкимов, Шоҳруҳ Ҳайдаров.
АНДИЖОНЛИКЛАРНИНГ ЙИРИК ҒАЛАБАСИ
Сўнгги ўйинларни юқори савияда ўтказаётган “Андижон – 1” жамоаси ҳам ярим финалда йирик ҳисобда ғалаба қозонди. Андижонликлар бутун ўйин давомида ташаббусга эга бўлишганини таъкидлаш жоиз.
Фарғона вилояти ҳокими кубоги-2022"
Ярим финал
"Андижон-1" - "Дўстлик" – 5:1
“Андижон”: Хуршид Хўжаев, Ҳожиакбар Мўминов, Муҳаммадали Турсунов, Ислом Маматказин , Абдураҳмон Комилов , Сардор Каримов , Асилбек Айсаров, Муҳаммадкарим Тоиров , Фарҳод Соҳибжонов, Иззатилло Абдулхақов , Миржалол Мирзаев.
Захира: Элдор Адҳамов, Аҳмадилло Анваров, Абдумуталлиб Режаббоев, Иброҳим Мухторов, Рустам Қўчқоров, Пўлат Шарипов.
АНОНС
Фарғона вилояти ҳокими кубоги-2022"
3-ЎРИН УЧУН БАҲС
4 февраль
"Денов" – “Дўстлик”
ФИНАЛ
5 февраль
“Қўқон-1912” - "Андижон-1"
Ўйинлар вақти ва ўтказилиш жойи ҳақида қўшимча маълумот берамиз.
Аброр ДЕҲҚОНОВ тайёрлади