ENG KATTA BAXT

Baxt bu - seni kimgadir kerakliging va buni xis etib yashashingdir.

Buxoro viloyati davlat soliq organlarida qariib 30 yil faoliyat ko‘rsatib, yosh avlodga ustoz sifatida tanilgan Nigora opa Qlichevani ana shunday baxtga erishgan inson desak mubolag‘a bo‘lmaydi. Chunki Nigora opani jamoada ham, uyida ham birdek mehr bilan kutib turuvchilari bor.

Nigora opa Qlicheva 2022-yildan nafaqaga chiqib, viloyat davlat soliq organlaridagi faoliyatini yakunlashga qaror qildi.

Bugun viloyat davlat soliq boshqarmasida Nigora opa Qlicheva bilan xayrlashuv kechasi tashkil etildi. Unda yig‘ilganlar ustozning soliq tizimi rivojlanishiga, sohada mehnat qilayotgan xodimlarning kasbga bo‘lgan ishtiyoqi va qiziqishini orttirishga qo‘shgan hissalarini e’tirof etdilar.

Opaning baxtli hayoti, halol luqma bilan tarbiyalagan farzandlarining yutuqlarini havas bilan tilga oldilar.

Xayrlashuv oqshomi dildan suhbatga aylanib ketdi. Unda barcha ishtirokchilar Nigora opa Qlichevaga o‘zlarining yaxshi tilaklarini ishor qildilar.

HURMATLI, Nigora Nematiloevna! Buxoro viloyati davlat soliq boshqarmasi jamoasi Sizdek fidoyi hamkasb, jonkuyar ustoz va mehribon ona bilan birga ishlaganidan faxrlanadi.

Fursatdan foydalanib, Sizga mustahkam sog‘lik, oilaviy xotirjamlik, kelgusi ishlaringizga rivoj tilaymiz.

BUXORO VILOYaTI DAVLAT SOLIQ BOShQARMASI!