Эски лифт ускуналари замонавийсига алмаштирилди.
Навоий вилоят Уй-жой коммунал хизмат кўрсатиш бошқармаси Ахборот хизмати
Навоий шаҳри, М.Таробий кўчаси 117-Б уйда яшовчи аҳоли вакилларининг узоқ кутилган ниятлари ва ниҳоят амалга ошди.
Гап шундаки, 2016 йилда фойдаланишга топширилган М.Таробий кўчасидаги ушбу бино ўзининг меъморий-бидий ечими орқали Навоий шаҳри кўркига кўрк бағишлаб турган бинолардан бири бўлсада, бинога ўтган асрнинг 70 йилларида ишлаб чиқарилган лифт ускуналари ўрнатилган. Бу эса 7 қаватли уйнинг юқори қаватида яшовчи аҳоли вакилларига бир қанча ноқулайликлар туғдириб келмоқда эди.
Кўп қаватли турар-жой биноси тегишли ташкилотлар иштирокида фойдаланишга топширилганидан сўнг, бинога хизмат кўрсатиш мақсадида, аҳоли вакилларининг розилигига асосан "Навоий нурли тонг" Уй-жой мулкдорлари ширкати ташкил этилган.
Аҳоли вакиллари лифт ускуналарининг носозлиги юзасидан ширкат расмийларига кўп бора мурожаат қилшган.
Аҳоли вакилларидан келиб тушган этирозлардан келиб чиқиб, "Навоий нурли тонг" УЖМШ расмийларининг лифт ускуналарини янгисига алмаштириб бериш бўйича қурувчи ташкилот "Навоий олтин воҳа" МЧЖга юборган талаблари эътиборсиз қолдирилади.
Шундан сўнг, вилоят Уй-жой коммунал хизмат кўрсатиш бошқармаси ва Монополияга қарши курашиш қўмитасининг Навоий вилоят ҳудудий бошқармаси билан ҳамкорликда, ишни кўриб чиқиш судга юборилди ва натижада, суднинг "Навоий олтин воҳа" МЧЖ томонидан М.Таробий кўчаси
117-Б уйга ўрнатилган лифт ускуналарини янгисига алмаштириб бериш бўйича қарори қабул қилинди.
Бугунги кунда, қурувчи ташкилот томонидан бинонинг 7 та кириш йўлакларидаги нозоз 7 дона лифт ускуналари 1350,0 млн.сўм маблағ эвазига хар бирининг юк кўтариш қуввати 630 кг бўлган замонваий лифт ускуналарига алмаштирилди.
