Эндигина ўқишни битириб 18 га кирган Мафтуна, шаҳарда ўқишни давом эттириш ниятида эди. Уйдагилар унга "турмушга чиқсанг хоҳлаган жойингда ўқийсан, хоҳлаган жойингда ишлайсан" деб кўшни қишлоққа турмушга беришди.
"ISTIQBOLLI AVLOD"Мафтуна ваъдаларга ишониб турмуш қурди. Турмуш ўртоғи ўқитаман, бирга ишлаймиз деб Россия Федерациясига ишлаш учун олиб кетди.
Бошида ҳаммаси яҳши эди, Мафтуна уйда овқат пишириб уй ишлари билан шуғулланарди. Эри пул топиб келарди.
"Мен хомиладор бўлиб фарзандли бўлганимиздан кейин эрим ичиб келиб уйда жанжал қилиб мени калтакларди. Уйдагилар билан гаплашишга қўймасди, рухсат берганида ҳам доим олдимда турарди. Мен эримдан жуда қўрқардим."- деб эслади.
Орадан 10 йил ўтди, Мафтуна 6 нафар фарзандли бўлди, аммо ҳали ҳам шу ҳаёт тарзини кечирарди.
"Бир неча марта ажрашишга қарор қилгандим, лекин эрим "агар ажрашсанг сени ва болаларингни ўлдираман" деб урарди" деди кўзларида ёш билан.
Мафтуна болаларни боқиш учун кафега ишга чиқди. Эри ичимликга берилиб умуман ишламай қўйди. Уйда жанжаллар тинмай, Мафтунани Эри болаларга ҳам қўл кўтара бошлади.
Бир куни Мафтуна кечги жанжалдан кейин, ишга тишлари синган ва кўкарган ҳолда боради ва хушидан кетиб қолади. Буни кўрган Ўзбекистонлик аёл Мафтунани ота-онасига қўнғирок қилади.
Қизининг аҳволини эшитиб Гулнора опа Ички ишларига мурожаат қилган. Улар "ISTIQBOLLI AVLOD" ташкилотнинг Самарқанд вилояти бўлимига қизини ва 6 нафар неварасини қайтариш учун ёрдам сўраган.
РИАМ "ISTIQBOLLI AVLOD" Самарқанд вилояти бўлими Россия Федерациясидаги ҳамкор ташкилот "Альтернатива" билан бирга Мафтуна ва унинг 6 нафар фарзандларини ватанга қайтаришди.