Электрон савдо майдони - бугунги куннинг янги савдо имкониятлари

Ишлаб чиқарувчи, етказиб берувчиларни кўчадаги реклама ва танишлар орқали қидирадиган кунлар ўтиб кетди. Мижозлар енди биринчи навбатда маҳсулот ва хизматларни тўғридан-тўғри Интернетдан қидирмоқда. Шу муносабат билан электрон савдо майдончалари – Маркетплейслар оммабоплиги ортиб бормоқда.

Шундай қилиб, бугун биз электрон савдо майдонлари орқали сотишга ўтишнинг 5 сабабини таҳлил қилмоқчимиз:

1. Сизнинг товар ва хизматларингиз Интернетда пайдо бўлади.

Aгар сиз бизнесни эндигина бошлаган бўлсангиз ва ҳали ўз веб-сайтингизни қўлга кирита олмаган бўлсангиз, унда онлайн савдо майдончаси сизнинг потенциал мижозларингиз маҳсулот ва хизматларингиз билан танишиши мумкин бўлган жой бўлади. Шундай қилиб, сиз биринчи мижозларингизни озгина куч ва минимал харажат билан жалб қилишингиз мумкин.

2. Сиз кенгроқ аудиторига сотиш имкониятига эга боласиз.

Aгар сизда аллақачон алоқа ва реклама учун ўз каналларингиз бўлса ҳам, электрон савдо майдонларида сиз тобора ўсиб бораётган аудиторияга кириш имкониятига эга бўласиз. Шунингдек, потенциал мижозлар сизни улар ишонадиган платформада тақдим этилганлигингизни кўрса, сизни топишлари осонроқ бўлади.

3. Мижозларни жалб қилиш бўйича харажатларни камайтиринг.

Сиз энди маркетинг фаолиятига катта маблағ сарфлашингиз шарт эмас, чунки фойдаланувчилар савдо платформаларига ўзлари керак бўлган товар ва хизматларни топиш учун келишади. Сизга фақат тайёр мижозлар билан ишлаш, қулай шартларни таклиф қилиш ва мукаммал хизмат кўрсатиш қолади!

4. Савдони ташкил этиш билан боғлиқ муаммоларни ҳал қилиш.

Aксарият савдо майдонларида мижозларни қўллаб-қувватлаш, қулай тўлов тизими, сақлаш ва йетказиб бериш хизматлари мавжуд. Бу вазифаларни уларга топшириш савдони бошқаришда “инсон омили”ни камайтиришга ёрдам беради. Натижада корхона янада самарали фаолият юритиб, савдо ҳажми ошиб боради.

5. Ўз брендингиз ҳақида хабардорликни оширинг.

Кўпинча харидорлар маҳсулот ва хизматларни қидириш учун биринчи навбатда онлайн платформаларга тўғридан-тўғри мурожаат қилишмоқда. Бунинг сабаби у йерда барча қулайликлар мавжуд. Маркетплейсларни ўзи ҳам мижозга енг яхши хизмат кўрсатишга ва қўшимча қиймат яратишга ҳаракат қилишади. Aгар сизнинг брендингиз ушбу платформаларнинг бирида тақдим етилган бўлса, унда сотишни кўпайтиришдан ташқари, сиз потенциал харидорлар назарида ўз имиджингизни ҳам яхшилашингиз мумкин.

Data Insight тадқиқотига кўра, макркетплейслар 2021 йилда энг тез ривожланаётган онлайн савдо каналига айланди. Бир йил ичида ўнта сотувчидан тўққизтаси маркетплейс орқали сотувларини оширди. Aгар сиз ҳали бирон бир электрон савдо майдони вакили бўлмасангиз, унда бошлаш вақти келди!