ЭКУ НАРХЛАРИ ҲАҚИДА
@ginekologim
Сўнги пайтда ижтимоий тармқолар орқали энг кўп сўралган масала ЭКУ нархлари бўлди десам адашмаган бўламан. Бугун шу ҳақида гаплашамиз. Аввал яқинда чиққан ANATOMICA журналининг ЭКУ га бағишланган сонида чоп этилган мақоладан иқтибослар келтириб ўтсам.
Мувффақият баҳоси
“Муолажа нархининг юқорилиги кўпчиликни ўйлантиради. Ҳақиқатан ҳам, ЭКУ хизмати арзон эмас. Бунинг асосли сабаби бор. Чунки асосий улуш эмбриологик лабораториянинг қимматбаҳо асбоб-ускуналари амортизациясига ва унда ЭKУнинг эмбриологик босқичини муваффақиятли амалга ошириш учун зарур бўлган мутаносиб режим (ҳарорат, намлик, вентиляция ва ҳоказо)ни таъминлашга тўғри келади Буларнинг барчаси катта молиявий харажатни талаб қилади.
Иккинчи асосий харажат ҳар бир жуфтликни даволаш жараёнига жалб этилган кўплаб мутахассислар (гинеколог-репродуктологлар, эмбриологлар, анестезиологлар, акушерлар, лаборантлар), шунингдек, уларни ўқитиш ва профессионал малакасини ошириб боришга сарфланади. Чунки касбий такомиллашувсиз даволашда юқори самарага эришиб булмайди
Бунга эмбриологик лаборатория ва операция хонаси учун юқори нархли материаллар (арзонроқларини ҳам ишлатса бўлади, аммо бу натижаларга салбий таъсир қилиши муқаррар), шунингдек, тухумдонлар фаолиятининг стимуляция босқичи учун керак бўладиган дори препаратлари қийматини қўшамиз. Натижада салмоқли пул қиймати ҳосил бўлади Ҳозирча бу миқдорни камайтиришнинг иложи йўқ”.
Anatomica журнали, 3-сон, 92 бет
Шунга қўшимча равишда ЭКУ муолажасида тухум ҳужайра, сперма ва эмбрионларни сақлаш учун лозим бўлган махсус реагентларнинг ҳам ҳали бизда ишлаб чиқарилмаслиги ва хориждан келтирилиш ва арзон эмаслигини ҳам таъкидлаб ўтиш жоиз.
ЭКУ нархи нимага боғлиқ?
“Зарур муолажаларга боғлиқ. Кимгадир қимматга тушадиган генетик таҳлиллар, яна кимгадир ИКСИ муолажаси керак. Дорилар сарфи ҳам турлича бўлади. Бачадон найида муаммоси бор ёш жувонга 500 АҚШ долллари кетади, паст тухумдон заҳирасига эга аёлга эса 1500-2000 АҚШ доллари сарфланади. Эмбиронларни музлатишга алоҳида тўланади”.
Anatomica журнали, 3-сон, 99 бет
Бу эса ўша журнал саҳифасида келтирилган нархлар рўйҳати
Ушбу журналдан олинган саҳифада келитирлган ЭКУ муолажалари нархлари Ўзбекистон учун умумий нарх сифатида келтирилган. Агар ЭКУ ва ИКСИ ҳамда хечтинг муолажалари деярли барча ЭКУ амалиётида қўлланишини ҳисобга олсак ўртача 26 млн сўмни ташкил қиляпти. Бунга дори ва анализлар кирмайди. Дорига қанча кетиши ҳам юқорида айтилгандек ҳар бир аёл учун фолликула етилишига боғлиқ равишда турлича бўлади. Албатта ПГД, яъни эмбрионни генетик таҳлили, ТЕСА амалиёти (эркаклар бепшутлигида ёрғоқ биопсияси) нархлари алоҳида бўлиб бу барча учун зарур муолажалар ҳисобланмайди.
Ҳар бир клиниканинг ўз нархлари бор албатта. Эътибор берган бўлсангиз нархлар олдидан русча "от" сўзи, яъни шундан бошланади дейилган. Яъни бу энг паст нарх дегани, шуни ҳисобга олсак турли ЭКУ клиникаларда нархлар 10% га фарқ қилиши мумкин дея оламиз. Янада ҳар бир клиника нархни ўз хизматидан ва стратегиясидан келиб чиқиб белгилашини ҳам эътиборга олиш лозим.
Демак Ўзбекистондаги ЭКУ клиника ёки марказларида ЭКУ муолажалар нархи қанча деган савол энди бироз ойдинлашган бўлса керак деб ўйлайман.
ЭКУ ҳақида батафсил маълумот олмоқчи бўлганларга ANATOMICA журнали ЭКУ га бағишланган сонини олиб ўқишларини тавсия қиламан.
Ушбу ҳаволада уни қаердан олиш мумкинлиги батафсил берилган: http://anatomica.uz/kupit/ (русча) http://uzbek.anatomica.uz/kupit/ (ўзбекча)
Гинеколог Нилуфар Кабилова тайёрлади.
Каналга уланинг: 👉🏻 @ginekologim 👈🏻