«Дийдор» радиоси бошловчиси “UZBEKISTAN MEDIA AWARD – 2021» ижтимоий медиа маҳсулотлар танловида ғолиб бўлди

27 декабрь санасида «Ўзбекфильм» киноконсернида “UZBEKISTAN MEDIA AWARD – 2021» ижтимоий медиа маҳсулотлар танлови ғолиб ва совриндорларини тақдирлаш маросими бўлиб ўтди. Тақдирлаш маросимида «Дийдор» радиоси бошловчиси Бахтиёр Мўминов йилнинг Энг яхши радио бошловчиси йўналишида ғолиб деб топилди. Бахтиёр Мўминовга махсус диплом, статуэтка ва танловнинг қимматбаҳо совғалари топширилди. 

“UZBEKISTAN MEDIA AWARD – 2021» танловидан кўзда тутилган мақсад Ўзбекистоннинг янги ва ёрқин қиёфасини акс эттириш, миллий манфаатларимизга, томошабин ва тингловчилар эҳтиёжларига мос, воқеа-ҳодисаларни холис акс эттирувчи, ранг-баранг мавзуларни қамраб олган кўрсатувлар, радиоэшиттиришлар, фильмлар, ижтимоий видео ва аудиороликлар тайёрлашга эътиборни кучайтириш, журналистларни моддий ва маънавий рағбатлантириш, веб-сайтлар ва блогерлар билан ҳамкорликни ривожлантиришга қаратилган.