Davlat zaxirasidagi yerni 36 ming dollarga sotayotgan shaxs IIBB xodimlari tomonidan fosh etildi
IIBB Axborot xizmatiToshkent viloyati IIBB “Korrupsiya va iqtisodiy jinoyatlarga qarshi kurashish” boʻlimi xodimlari tomonidan oʻtkazilgan navbatdagi tezkor tadbir xususida.
Toshkent viloyati IIBB JQB xodimlari tomonidan Bosh prokuratura departamenti bilan hamkorlikda Yangiyoʻl tumanida oʻtkazilgan tezkor tadbirda 44 yoshli fuqaro X.M. tumanning “Keskin” MFY hududida noqonuniy oʻzlashtirilgan 40 sotix davlat zaxirasidagi yer maydonini fuqaro R.A.ga firibgarlik yoʻli bilan 36 000 AQSH dollariga sotishga kelishib, shundan 10 000 AQSH dollarini olgan vaqtida daliliy ashyo bilan ushlandi.
Hozirda mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qoʻzgʻatilib, tergov harakatlari olib borilmoqda.
IIBB Axborot xizmati