Давергеодезкадастр қўмитаси ҳамда Италиянинг ПИЗА университети раҳбарияти ўртасида юртимизда хорижий университет филиалини очиш юзасидан видео-музокара бўлиб ўтди.

Ўзбекистонда Ер тузиш, геодезия, картография ва кадастр йўналишларида замонавий ва сифатли кадрларни етиштириш мақсадида жорий йилнинг 20 июль куни Давергеодезкадастр раиси Ҳ.Турахужаев, Ўзбекистоннинг Италиядаги фавқулодда ва мухтор элчиси О.Акбаров, ПИЗА университети ректори Паоло Манкарелла, Олий ва ўрта махсус таълим вазирининг биринчи ўринбосари У.Саломов ҳамда “Эрасмус+”нинг Ўзбекистондаги офиси координаторлари билан ҳамкорликда видеомузокара бўлиб ўтди.

Учрашув жараёнида профессор Манкарелло томонидан университет очишнинг техник, такилий ва акдемик масалалари бўйича босқичма-босқич амалга оширилиши кўзда тутилган таклифлар илгари сурилди ҳамда ўқув дастурининг мутаносиблиги юзасидан икки томонлама саволномалар кўриб чиқилди.

Учрашув сўнггида, Италия томони 1 йиллик фундаментал ўқув курси ҳамда 3 йиллик бакалаврда ўқитиладиган, мажбурий, ихтиёрий ва танлов курсларининг ўқув дастурини Ўзбекистон томони кўриб чиқиши учун юборишига келишилди.

Маълумот учун: Чуқур тарихий илдизга эга Пиза университети 1343 йилда ташкил топган бўлиб, жаҳонда тарихийлиги бўйича 19-ўринни, Европа университетлари ичида 8-ўринни, Жаҳон университетлари орасида 389-ўринни эгаллаган. Ўрта асрларнинг машҳур физиги Галилео Галилей ҳам айнан шу университетда таҳсил олган.