Дастурлашни мобиль қурилмаларда ўргатувчи 11 илова + бонус!
Quvonchbek
Kanalga a'zo bo'lish @Ideal_Dasturchilar
Сайтимиз мухлислари ҳамда кўпчилик ёшларнинг қизиқишини инобатга олиб, улар учун дастурлашни ўргатувчи мобиль иловалар рўйхатини келтирамиз. Ҳа, шулар ёрдамида дастурлашни ўз смартфонингизда ҳам ўрганишингиз мумкин!
Udacity
Udacity – дастурлашни ўргатувчи таниқли ресурс бўлиб, у мазкур йўналишда бепул илова ҳам чиқарган. Унинг ёрдамида ахборот технологиялари соҳасидаги бепул курсларда ўз билимларингизни оширишингиз мумкин. Илова Android ҳамда iOS учун ишлаб чиқилган.
Swifty
Swift дастурлаш тилини ўрганиш учун Apple компаниясининг ўзи томонидан ишлаб чиқилган iOS-илова.
Swift Playgrounds
Бу – Swift дастурлаш тили билан танишишнинг энг содда усулидир. Swift Playgrounds билан ўз планшетингизда – мавжуд қолиплардан фойдаланган ҳолда, ёки ўзингиз қолип ўйлаб топиб, ўз иловангизни яратишингиз мумкин.
Codecademy Hour of Code
Codecademy таълим портали iPhone учун ўзининг илк иловасини ишлаб чиқди, унинг ёрдамида дастурлаш асосларини бир соат ичидаёқ ўзлаштиришингиз мумкин! Ундаги кичкина топшириқларни бажариш жудаям кам вақт талаб этади.
Lrn
Оммабоп HTML, CSS, Python, Ruby, Javascript дастурлаш тилларидан бирида код ёзишга кўмаклашувчи сервис. iOS учун илова тарзида тақдим этилган, Android-версияси эса ҳозирча ишлов жараёнида.
Tynker
Бу – болалар учун оммабоп ўргатувчи платформалардан бири. Ундан 8000 дан ошиқ мактабда фойдаланишади. Tynker 6 миллиондан ошиқ болаларга дастурлашни бошлашга ёрдам берган. Унинг iOS-иловаси ҳам мавжуд.
Khan Academy
Машҳур таълим ресурси – Khan Academy ҳам Android ва iOS учун иловаларини тақдим этган. Улар мазкур платформа курсларида ўз мобиль қурилмангиз орқали қатнашиш имконини беради.
Javvy
Java дастурлаш тилини ўргатувчи интерфаол ўқув қўлланмаси. Унинг ёрдамида мазкур тил асосларини ўрганиб олиш мумкин. Таълим курси 150 дан ошиқ дарсни ўз ичига олади. Уни Google Play ёки iTunesдўконидан олишингиз мумкин.
SoloLearn
SoloLearn – дастурлашни фойдаланувчига махсус ўйинлар ёрдамида ўргатувчи мобиль иловалар тўпламидир. SoloLearn бепул иловасини iOS ва Androidплатформалари учун юклаб олинг.
Coursera: Online courses
Дунёнинг етакчи университетларининг бепул курслари – Coursera энди Androidҳамда iOS иловалари тарзида ҳам чиқарилган.
EdX – Online Courses
Жаҳондаги энг яхши университетларнинг онлайн-курсларини таклиф этувчи яна бир очиқ таълим майдончаси. Androidёки iOS тизимидаги қурилмалар учун иловани юклаб олинг.
Шунингдек, қуйидаги икки ресурс ҳам дастурлашни қизиқарли тарзда ўргатишга мўлжалланган:
CodeWars
Бу сервисда сиз дастурлаш бўйича бошқа иштирокчилар билан ўзаро мусобақага кириша оласиз. Фойдаланувчиларга код ёзиш учун турли тиллар ҳамда бажариш учун топшириқлар тақдим этилади.
CodeCombat
Дастурлашга ўргатувчи энг оммабоп ўйинлардан бири. Бу иловаданкўпинча таълим муассасаларида дастурлашни ўргатиш учун фойдаланишади. Барча ёшлардаги кишилар учун курслари мавжуд.