Дангасалик

Кўп ҳолларда биз алоҳида бир муаммо деб ҳисоблаган нарсамиз аслида қандайдир бир жараён ёки ҳолатнинг намоён бўлишида кўриниши мумкин. 

Бунинг ёрқин мисоли – дангасаликдир.

Доимий дангасалик – бу умуман олганда муаммо эмас. Бу сизнинг мақсадсиз эканингиз ёки мақсадларингиз у қадар аҳамиятли эмаслигидадир.

Тўғри, ўзингизни нимадир ишни қилишга мажбурлашингиз мумкин. Ёки “ўзингизникини” топишингиз мумкин, дангасалик ўз-ўзидан йўқолиб кетади. 

Ишонаверинг...

Шуғулланаётган ишингизни ёқтирмаслигингиз, бу ҳам ёрқин мисол. Умуман олганда “ёқтирмаслик” – муаммо эмас. 

Бунда асосий муаммо – сизнинг яхши кўрган ишингиз билан шуғулланишингизга ўзингизга ўзингиз руҳсат бермаганингизда, бу ишни кераксиз, муҳим бўлмаган, даромадсиз деб ҳисоблашингизда ёки сизга ўзи нима ёқишини билмаслигингиз, ёки буни билишга уриниб кўрмаслигингиз, вақт ажратмаслигингизда ва ҳ.к.

Бошқа муаммолар билан ҳам шундай.

- Пул етишмаслиги – “қашшоқ” одамнинг фикрлаш даражаси ва пул ишлашни таъқиқловчи бир даста кўрсаткичинг мавжудлиги.

- Доимо шубҳада бўлиш, рашк, қўрқув, бахтсиз ҳодисаларни башорат қилиш – ўзига ишонмаслик, нима қандай ишлашини билмаслик.

- Жиззакилик – ўзини идора қила олмаслик, ғазабни жиловлай олмаслик ва ҳ.к.

Буларнинг бари лакмус қоғози билан ўтказиладиган тажрибаларга ўхшайди. Сиз қоғозни стаканга ботирасиз ва у рангини ўзгартиради. Муаммо аслида ранг ўзгарганида эмас, балки стаканда ишқор борлигида.

Биз муаммоларнинг ўзи билан эмас, уларни рўёбга чиқарувчилар билан курашадиган бўлсак, вақтинчалик нимадир яхшиланиши мумкин. Аммо ҳаётий аҳамиятга эга бўлган ўзгаришлар бўлмайди. 

Сиз дангасаликни енгиш тўғрисида жуда кўп ўқийсиз, мотивация учқунини олиш учун YouTube роликларини томоша қиласиз. Олдингизга кетма-кет янги ва янги мақсадлар қўясиз – лекин вақт ўтиши билан яна иштиёқингиз сўнади ва ҳаммаси ўз ҳолига қайтади.

Ҳаммаси сабабни ўрганмасдан, оқибатини йўқотишга бўлган уринишларингизда.

Ҳақиқатдан ҳам ниманидир ўзгартириш учун:

 -Мен қила олмайман...

 -Мен бахтли оила қура олмайман,  -пул топа олмайман, 

 -бадавлат одамлардек фикрлай олмайман, 

 -яхши кўрган ишим билан шуғуллана олмайман, 

 -мақсадлар қўя олмайман каби фикрларни ҳаёлдан ўтказинг ва ўзингизни ўзингиз анализ қилинг.

Айнан шу каби тан олишларингиз натижасида катта ва қизиқарли ишга қўл уришингиз мумкин. Боз устига нима қилишингиз ва нимани ўрганишингиз кераклиги аён бўлади.

#стратегия

#ривожланиш