ДХА хабарлари
ДХА Наманган вилоят бошқармаси матбуот хизматиЁшлик саноат зонасида сайёр хизмат кўрсатилди.
Юртимизда тадбиркорларга яратилган қулай шарт-шароитлар сабаб кўплаб ишлаб чиқариш корхоналарига асос солиниб, янгидан-янги иш ўринлари яратилмоқда. Бундай эзгу ташаббусларга давлат хизматлари агентлиги ҳам ўзининг муносиб ҳиссасини қўшиб келмоқда. Айниқса, мазкур соҳага Наманган вилоятида ҳам алоҳида эътибор қаратилиб, ишбилармонларни қўллаб-қувватланмоқда.
Наманган вилоятининг Давлатобод туманидаги Ёшлар кичик саноат зонасидан тадбиркорларга ер ажратилиб, ўз меҳнат фаолиятини олиб бориш учун жой ҳозирланаётган эди. Ишбилармон соҳа вакиллари қисқа фурсатларда бир-биридан шинам бино-иншоотларни қуриб битказдилар. Мазкур объектларни Муҳандислик-коммуникация тармоқларига уланиш ҳамда қуриб битказилган бино ва иншоотларга кадастр ҳужжатларини расмийлаштириш бўйича Давлатобод давлат хизматлари маркази ходимлари сайёр давлат хизматлари кўрсатди.
Марказ ходимлари томонидан ташкил этилган сайёр хизмат тадбири давомида юридик шахслар томонидан қурилиш соҳасига оид архитектура режалаштириш топшириғини ишлаб чиқиш бўйича 7 та, қурилиш-монтаж ишларини амалга ошириш учун 2 та, кадастр паспортини тайёрлаш учун 23 та, кўчмас мулкка бўлган ҳуқуқларни давлат рўйхатидан ўтказиш учун 7 та, муҳандислик комуникация тармоқларига уланиш бўйича 36 та аризалар олиниб, сайёр давлат хизматлари кўрсатилди.
Бир ҳафта мобайнида Наманган шаҳар давлат хизматлари маркази ходимлари томонидан тадбиркорларга 250 дан ортиқ сайёр давлат хизматлари кўрсатилди.
Сайёр хизмат тадбирини айнан янги қуриб битказилган кичик саноат зонасида ўтказишдан асосий мақсад, ишбилармон соҳа вакилларини вақт ва ортиқча маблағларини тежалишига ҳисса қўшишдан иборат.