DCCC438_2021_D1作供

D1歐小姐的個人背景 (與案關係不大，可skip)

歐小姐於1996年在香港出生，2008至2014年讀中學，2014至2019年在香港教育大學修讀English Language Teaching 學士學位，2020至2021在香港大學修讀Literary and Cultural Study 碩士學位。 歐在2019年7月畢業後任職香港教育大學研究助理，主要協助研究社會包容、新移民、少數族裔等社會議題。當時研究目標是如何推廣中港歸屬感，一星期只有一兩日需要在大埔教大校園上班，部分時間可以在家工作。

在2013年就讀中五時，歐與其他香港各中學的head prefect(近100人)，去北京中國人民大學進行為期5日交流。凌晨3點出發去天安門城樓上睇升旗，等到5點先升旗。之後到故宮博物館參觀，去北京中國人民大學上leadership lecture。歐對是次交流有以體會「因為好少接觸內地，覺得好eye-opening, feel 到自己嗰個attachment囉。」之後仲有參加香港青年200活動、明日領袖高鋒會、 亞洲博鰲青年論壇......當時未確認想做老師，想做公務員所以在2018年考CRE(公務員綜合招聘考試及基本法測試)，合格。

十一月初，歐小姐患上鼻竇炎

歐在2019年11月1日出發到柬埔寨旅遊5天，不過在柬埔寨發燒、傷風感冒。11月5日夜晚香港，首先趕回工作進度，之後在11月8日到沙田圍睇私家醫生，確診患上鼻竇炎，醫生開抗生素、消炎藥、收鼻水藥及7日病假，於11月15日覆診時鼻竇炎仍未痊癒，醫生再開3日藥(求診記錄呈堂)。

👉 案發當日背景

當日早上，歐小姐母親突然左膊頭至左手不能動彈，歐大驚，急召救護車。歐急忙地將一件風褸、一件白色T-shirt、口罩、濕紙巾等物品塞入背囊，隨救護車陪同母親到北區醫院進行檢查 (呈上當日求診紀錄)。歐母檢查後無大礙，醫生診斷只是肌肉發炎，服用止痛藥後在一時許出院。 

當日歐小姐本來相約自中一認識的好友蔡小姐，下午二時外出行街食飯，因當日早上的意外致約會推遲。「本身諗住去唔到，但媽咪叫我照去。」歐稍事休息，並「畫吓眉搽吓粉底」，兩人相約三時許在粉嶺火車站見面，再乘坐270B巴士到長沙灣D2 place行街。而歐小姐亦無特別收拾背囊，用紙袋載住先前旅遊時從柬埔寨機場買的芒果乾，孭住背囊赴約。

📌歐當日與友人到旺角晚飯

之後，歐小姐與蔡小姐一齊由荔枝角去旺角與 蔡小姐男友會合 (17:27時出閘，有八達通記錄)。之後朗豪坊逛了個幾兩個鐘，歐形容「當時好多買嘢行街嘅人，街上氣氛無異樣」。晚上八時左右，蔡小姐男友(Chris)提議去通菜街一間泰國餐廳晚餐，三人用餐耗時兩小時。 

👉歐用餐後肚瀉，步行到廣華醫院求診時遇見好心人

歐小姐從餐廳出來感到有點不適，所以行去洗衣街的公廁。歐如廁後仍感不適，於是步行前往就近的廣華醫院求醫。歐小姐憶述當晚十一點左右在登打士街無車，西洋菜南街沒有不尋常，只見咸美頓街有幾個人聚集。

不過，歐小姐轉入登打士街後突然喉嚨好乸覺得好辛苦。此時有兩個女仔迎面走近，從背囊的盒子拿出面罩。歐小姐起初拒絕戴上面罩，因為當時離廣華醫院兩個街口而已。 後來兩女仍為歐小姐戴上面罩，著「試一試，戴咗會舒服d」。

📌歐小姐被速龍從後拉跌，壓趴在地

歐小姐橫過馬路時，望見遠處好多「由頭包到落腳」的黑衣人(速龍) 跑近，因黑衣人群跑得好快並大叫，使歐小姐受驚並轉身跑走，但歐當時身體不適「跑唔郁」。

歐小姐憶述：「起初佢哋 (速龍) 係我身邊跑過，但之後我feel到有人從後拉我背囊，之後我個頭 (右後方) 撞咗落地，blackout咗失去知覺一陣，醒返一擘大眼就望見(碧街) 天仁茗茶。」後來，警員將歐小姐翻轉，將她壓趴在地上。 

歐小姐雙手被屈在背後扣起，稱當時感覺背囊已被取走。過了一會，警員繼續壓住歐小姐，並拿出一對手套問歐小姐：「係咪你嘅？」歐小姐答：「唔係」，之後警員將手套戴咗歐小姐手上……😑

📌被告頭部受傷送院留醫

被捕後，歐小姐被送到聯合醫院急症室接受治療，歐送院時清醒。診斷結果顯示歐小姐曾在水泥地面拖行幾米造成頭部受傷 (據病人所講)、頭部受傷曾短暫失去知覺、中度脫水、頭部有3厘米腫脹、左邊肩膊有痛楚，可幸電腦掃描沒有發現內出血。此外，歐小姐曾在醫院嘔吐、無胃口、頭痛頭暈，所以醫生為歐「吊鹽水」，到11月21日出院。

歐補充當日以為母親會留院一段時間，所以背囊內有叉電器(尿袋)；因為歐母有潔癖，所以歐小姐亦帶備濕紙巾供母親抹手。呈上當晚在餐廳「泰廚」用膳的單據，並在地圖上畫出當晚行蹤。 

離開餐廳後歐感到不適，到洗衣街公廁如廁後，沿花園街走到徐展堂普通科門診求醫，不過該門診暫停營業，所以歐打算沿碧街轉入廣華醫院。歐形容「路口有d爛咗，即係地下有個窿咁樣，當時西洋菜南街仍有人busking。 」

家住粉嶺，在大埔工作的歐小姐稱從沒有參與遊行示威，亦無參與遊行示威。另外，歐小姐稱不肯定說話有否中英夾雜，但肯定沒有要求警員安排英文翻譯員。

－－－－－－－－－－

📌盤問

控方質疑歐小姐不但剛剛病癒，加上工務繁重，「啲嘢未做完㗎喎，你都諗住出街啊？」歐小姐感委屈「但係I need a social life. 我唔可以真係一至日咁樣返工做咁多嘢囉！」歐續指，因為從事銀行工作的友人蔡小姐月初派更，兩人在月初已經相約在案發當日見面食飯，所以歐小姐當日已經請假。 

👉歐小姐獲母親鼓勵出去玩

控方不斷挑戰歐小姐與母親的感情「你唔係好關心佢咩？做咩唔早啲返屋企睇佢？」、「你媽媽畀你去街去到咁夜咩？」。「因為當時屋企有人睇住佢，佢知我嗰排好辛苦，又病咗，跟住返工啲嘢又無停過，咁所以佢都同我講話出去輕鬆吓囉」歐聲線顫抖地回應。

此外，控方又質疑歐小姐為何不返回餐廳如廁，反而步行至較遠的洗衣街公廁？歐解釋當時已經步行至旺角站B出口附近，兩處距離相近，所以不打算行返轉頭。

之後控方又抽秤「你係公廁到留咗成半個鍾，又屙又嘔，咁辛苦點解唔叫救護車呢？」歐小姐指當時覺得未至於需要救護車，不想浪費醫療資源。