ДАВЛАТ-ХУСУСИЙ ШЕРИКЧИЛИК АСОСИДА ҲАМКОРЛИК РИВОЖЛАНМОҚДА

Энергетика вазирлигида бўлиб ўтган учрашувда Фарғона вилояти Қувасой шаҳрида давлат-хусусий шерикчилик асосидаги ҳамкорликнинг имкониятлари муҳокама этилди.

Унда Корея Республикасининг “POSCO International” компанияси, Фарғона вилояти ва Қувасой шаҳар ҳокимиятлари вакиллари туман қозонхонасининг реконструкцияси бўйича лойиҳа ва уни  давлат-хусусий шерикчилик асосида амалга ошириш борасида ҳамкорлик олиб бориш хусусида сўз юритди.

Музокаралар давомида корейс томони лойиҳани техник-иқтисодий асослаш мақсадида уни ҳар томонлама ўрганиб чиқишини маълум қилди.

Шунингдек, корейс  томони генерация қилинган электр қувватини сотиб олиш учун узоқ муддатли шартномани имзолаш имкониятларини аниқлаб олди.

Ўзбекистон Республикаси Энергетика  вазирлиги матбуот хизмати