Clavicle

بسم الله الرحمن الرحيم

الصلاة والسلام على رسول الله صلى الله عليه وسلم

دعواتكم لاهالينا في غزة و السودان

انهاردة هنتكلم عن UL fractures و علشان نقدر تفهم التفاصيل و نتوقع الأحداث لازم نرجع للاناتومي بتاع سنة تانية و دا صعب جدا فهناخد اللي يهمنا في كل جزء إن شاء الله

مبدئيا كدا عارفين ان skeleton بينقسم الي axial و appendicular و عارفين ان upper limb يندرج تحت ال appendicular skeleton

اول جزء من UL هو ال clavicle هناخد شوية معلومات عنه زي :

Clavicle is the only long bone positioned horizontally.

و انه بيعمل 2 articulation واحد مع sternum و اسمه sternoclavicular joint و دا شكل ال bone of clavicle is triangular in cross Section وواحد مع scapula اسمه acromio-clavicular (AC) joint و دا شكل ال clavicle is flat و فيه ال middle بيكون convex بسبب تغير شكل ال bone و دا بيسبب ضعفه و انه ال the commnest part of clavicular fracture is the middle 1/3

و كمان في middle 1/3 بيدخل فيه nutrient artery بيغذي ال clavicle و بيكون subclavius Muscle attachment

كل العوامل دي بتساعد انه يحصل fracture بسهول في منطقة middle 1/3 و اللي بتصل نسبتها الي 80% ع عكس ال proximal نسبته 5% و ال distal نسبته 15% ودا classification اسمه ALLMAN

طب تعالي نشوف اي اسباب او etiology؟؟

اولا لو حصل direct trauma دي ف خناقة مثلا و حد ضرب التاني بشوما فكسر ال clavicle

ثانيا لو حصل indirect trauma عن طريق fall on outstretched hand و دا السبب غالبا في كل ال UL fractures و دا بيحصل في مكان تقابل قوة الفعل (الواقعه) مع قوة رد فعل الجسم المضاد اهو مكان القوتين دول هيحصل fracture فانت و نصيبك بقا🙂

ثالثا لو شخص َقع ع كتفه ودا most common نسبته 87%

تاني حاجة هنتكلم عن الpathology و الله ع حسب 2 classification

اول واحدة اخذناها و هي ع حسب ال site و هي ALLMAN class

و تاني واحدة هي لو حصل dislocation (و الحتة دي موجودة في مذكرة كبسولة هحاول اوضحها ع قد ما اقدر)

قبل أي حاجة عارفين طبعا الفرق بين ال fracture و dislocation و اكيد اتقالت في تفريغ ال introduction و هي بالبلدي كدا دا كسر اما دا خلع يعني الكسر العظمة نفسها اتكسرت لكن الخلع العظمة سليمة وزالفل بس اتحركت من مكانها و المفصل اتحرك فهيسببلي مشكلة في حركة المفصل نفسه...

طب دا اسمه اي؟؟؟! اسمه Rockwood classification

ودا تقسيم لأنواع ال dislocation مش ال fracture ركززز!!

و دا خاص acromio-clavicular joint و بنقسم ل 5 grades

Grade 1 : strain AC ligament

يعني دا حصل شد ع ال AC ligament

Grade2 : torn AC ligament and strain CC ligament

يعني حصل قطع في AC ligament و شد في coraco-clavicular ligament

Grade 3 : AC dislocation, AC & CC ligaments torn

يعني حصل قطع فالاتنين ligaments و حصل كمان dislocation لل AC

Grade 4 : AC & CC ligaments torn & posterior /superior AC dislocation

دا زي grade 3 بس الفرق ان اتجاه ال displacement لفوق و للخلف طب اشمعنا فالاتجاه دا؟؟

علشان بيحصل sternoclavicular muscle cotraction و لأنها عضلة قوية فبتشد ال clavicle ناحيتها

Grade 5 : severe AC disruption (button - holing)

و دا ال dislocation كان عنيف جدا و بتظهر زي كلكيعه او زرار في الكتف ودا cosmotically مش حلوة وخصوصا للستات

طب دلوقتي بعد ما عرفنا كل grade و اي اللي بيحصل فيها الخطوة اللي بعديها اعالج ازاي؟؟!

بيقولك لو كانت grade 1,2,3 مش محتاجين تدخل جراحي مجرد حاجات conservative زي ان امنع حركة ال joint وكدا

أما لو كان grade 4,5 و بعض حالات grade 3 دا محتاج تدخل جراحي و أصلح ال dislocation و اعمل internal fixation

كدا خلصنا ال pathology بعد ما اخدنا introduction سريع و etiology و فهمنا ال pathology جه دور ازاي اعمل evaluation...

طبعا عارفين ازاي بنعمل evaluation؟؟؟!

اول حاجة look بشوف لو فيه اي deformity او swelling او مكان ال trauma

فيه position مشهوره اوي بتحصل في clavicualr fracture هي ال lactating mother ودا لان المريض بيحاول يثبت الكسر علشان ميتحركش لان كل ما ال two fragments يتحركوا بينتج الم فظيع جداا

تاني حاجة feel بشوف فيه tenderness ومهم جداا اتأكد من neurovascular عن طريق بشوف ال radial pulse و اشوف ال perfusion و اعمل neuro-examination كويس و لازم اتأكد من سلامة ال brachial plexus لانه أشهر complication ممكن تحصل بسبب clavicular fracture

وبعدين بعمل move سواء Passive وactive علشان احدد هل دا fracture ولا dislocation و هل ال fracture واخد العظم بس ولا كمان دخل ع المفصل

ولو فيه special test بعمله و اخيرا بعمل x ray ع مكان ال fracture او dislocation علشان اتأكد من التشخيص و هنا لازم اعمل chest x ray علشان exclude لو فيه pneumothorax او lung injury لان وارد الحتة اللي اتكسرت تدخل ف pleural او lung

و اخيرااا هعالج ازاي؟؟؟

لاما closed بإن اركب sling و امنع الحركة لمدة 3-4 weeks و اشجع المريض بعدها انه يتحرك علشان ميحصلش stiffness و هنا ROM اختصار ل range of motion

او اعالج open يعني افتح و اتدخل جراحيا و اعمل internal fixation زي في حالات اي؟؟

١- لو كان ال fracture اصلا open

٢-لو فيه neurovascular injury هنا لازم أصلح الكسر فالأول وبعدين ال nerve او bl. vessels اللي حصلها injury

٣- لو فيه chest injury

٤-لو ال fracture بقي nonunion

٥- لو cosmotic زي في grade 5 في Rockwood class

و بكدا خلصنا اول جزء من المحاضرة بفضل الله♥️