Chronic inflammation

Chronic inflammation

Noha Reda

بسم الله الرحمن الرحيم ، ازيكم يا دكاترة يارب تكونوا بخير

خدنا قبل كدا inflammation في أول أسبوع ( شكلكم نسيتوه 🙂)وعرفنا هو ايه وأنه بينقسم لنوعين

1- acute inflammation ودا اخدناه وعملته زميلتنا جزاها الله خيرا


2- chronic inflammation ودا اللي هنتكلم عنه بإذن الله

Chronic inflammation دا هو inflammation عادى بس بيتميز ب gradual onset يعني مش بيحصل مرة واحدة زي acute لا دا خبيث بيحصل بالتدريج وانت يا عيني مش حاسس بحاجة (زي المذاكرة المتراكمة عليك مثلا 🙂)

وبيتميز برضو ب long duration يعني بيقعد فترة طويلة لحد ميخف ممكن توصل لشهور أو سنين

Chronic inflammation دا حاجة من اتنين

ياما كان acute وتحول ل chronic زي مثلا واحد كان عنده abscess وم عالجهوش أو معملوش evacuation فتحول لchronic ودا بيكون non specific

ياما بيكون chronic from the start مثلا حصل infection ب resistant organism زي TB مثلا هى من الاول chronic ، أو non living irritant as foreign body ، أو Autoimmunedisease الجسم بيفضل يحارب نفسه مش بيبطل

Fibrosis is common in chronic inflammation على عكس acute عن طريق أن بيجي مكان النسيج اللي تلف دا fibrous tissue ودا بيحصل في أمراض الالتهاب المزمن زي تليف الكبد والتليف الرؤي الخ

وبيحصل في Chronic inflammation

mild vasodilation و endarteritis obliterans التهاب بطانة الشريان المسودة ودا بيحصل لأن جدار الأوعية بيكون thick والتجويف بيكون ضيق ودا ممكن يسبب حدوث thrombosis أو occlusion عشان كدا بيتسد

fluid exudate في chronic inflammation بيكون قليل مش زي acute

بعد كدا هنتكلم عن cells of chronic inflammation and their role

1- lymphocytes : الخلايا التائية بتفرز lymphokines عشان تحفز B cell أنها تتحول ل plasma cell اللي بتطلع Antibodies عشان تروح تحارب الميكروبات وكدا

2- plasma cell: زي مقولنا دي بتطلع AB

3- Macrophage : طبعا الوظيفة الأساسية والمعروفة بتاعتها phagocytosis

بتفرز cytokines و growth factors

بتحفز Tcell ، ويتكون giant cell ودي عبارة عن ماكروفاج كبرت في الحجم عشان تقدر تبتلع الجزيئات الكبيرة

Giant cell: ودي زي مقولنا ماكروفاج كبرت في الحجم وبقى عندها القدرة على ابتلاع الجزيئات الكبيرة اللي مقدرتش تبتلعها الماكروفاج

صورة بتوضح دور الخلايا في chronic inflammation

بعد كدا هنتكلم عن أنواع chronic inflammation

1- chronic non specific inflammation:

ودا مش بكون عارف ايه سبب inflammation بالضبط مفيش حاجه مميزة اشوفها تعرفني إنه بسبب كذا ودا في الغالب بيكون acute وبعدين تحول ل chronic

تحت الميكروسكوب بنشوفه زي اي chronic inflammation بنشوف inflammatory cells و fibrosis و endarteritis بعرف أن دا chronic inflammation بس مش بعرف سببه ايه او ايه البكتيريا أو الحاجه اللي عملتلي كدا

مثال : زي chronic abscess

2- chronic specific inflammation:

ودا أنا بعرف ايه سببه أو الحاجه اللي عملتلي chronic inflammation ، ودا بيكون chronic from the start

بشوفه تحت الميكروسكوب زي اي chronic inflammation بشوف الحاجات اللي قولنا عليهم بالإضافة لكدا اني بشوف حاجة مميزة لكل نوع زي مثلا

TB : بشوف granuloma جواها langhans giant cell اول مشوفها كدا اعرف ان سبب chronic inflammation هو MTB

Bilharziasis: بشوف ova بتاعت الدودة ودي اول م اشوفها اعرف ان سبب chronic inflammation هو ova بتاعت schistosoma

معلش يا جماعه اللي بنكتب عليه مش بيرتب الكلام فحاولوا ترتيبوه في دماغكم

مقارنة بين acute و chronic

كدا خلصنا اول جزء من المحاضرة هندخل على الجزء الثاني والاصعب وهو granuloma 🥲

Granuloma

دي عبارة تجمعات من inflammatory cells حوالين المكان اللي فيه الالتهاب والخلايا دي بتكون Macrophage وبيكون معاها lymphocytes , plasma cells , giant cells , واحيانا بيكون فيه شوية من neutrophils على عكس acute اللي بيكون اكتر حاجة واهم حاجة هي neutrophils ودي اللي لما تموت بتكون pus

واكتر واهم حاجه بتميز granuloma هي modified Macrophage ( epithelioid cells)

Types of granuloma:

1-على حسب الشكل فيه

Diffuse : دي بتكون منتشرة كدا وال granuloma مش بيكون شكلها دائرة قوى تحسها سايحة على بعضها

مثال : lepromatous leprosy مرض الجذام

Tuberculoid : دي مش بتكون منتشرة قوى و granuloma بتكون مدورة اكتر

وبقسمها ل ٣ أنواع حسب البكتيريا أو الحاجة اللى عملت granuloma و هل حصل Hypersensitivity ولا لا

مثال :

1- Non caseating : ودا زي sarcoidosis and tuberculoid leprosy

2- Caseating : ودا نوع من أنواع necrosis بيحصل بسبب hypersensitivity وبيكون قوامه شبه الجبنة ودا لأن الليمفوكين دوبت طبقة الدهون بتاعت البكتريا زي بكتريا TB

3- Suppurative : يعني بيكون فيه pus زي في مرض cat scratch disease

دا شكل diffuse granuloma لو تلاحظ هتحس إن granuloma مش مدورة قوى تحسها كلها داخلة في بعض
ودا شكل Tuberculoid شكلها مدور اكتر


على حسب السبب :

1- Infectious ( bacterial , parasitic , fungal)

زي TB , Bilharziasis

2- Foreign body granuloma : في منها

Endogenous: بسبب حاجة موجودة جوا الجسم زي keratin , uric acid crystals بتتجمع فبتعمل granuloma ودا بيسبب مرض النقرص

Exogenous: حاجة من برا الجسم زي

silicosis ودا التهاب بيحصل في الرئة بسبب استنشاق مادة السيليكا خاصه عند الأشخاص اللي بيشتغلوا في المصانع

surgical suture أثناء الجراحة مثلا الدكتور نسي خيط أو إبرة أو حاجة فعملت granuloma

trapped foreign body مثلا حتة خشبة أو شوكة دخلت ف تحاوطت ب granuloma

3- Granuloma for unsettled aetiology مش عارفين سببها زي sarcoidosis , crohn's disease دا مرض بيصيب الجهاز الهضمي


Mechanism of granuloma formation

يبدأ تكوين granuloma لما الجهاز المناعي يحاوط المواد اللي بيعتبرها غريبة( سواء جاية من برا أو مثلا الشخص دا عنده مرض مناعة ذاتية بيشوف حاجات جوا جسمه أنها غريبة )

طب بيحاوطها ليه ؟

عشان هو مش عارف يتخلص منها فبيحاوطها ب granuloma عشان مش عارف يخرجها برا الجسم تماما

mediated by type IV hypersensitivity (delayed Tcell mediated hypersensitivity)

بعد م الماكروفاج تبتلع الانتيجن هيتغير شكلها وتتحول ل epithelioid cell كالتالي:

الحواف بتاعتها بتبقى indistinct مش بتكون واضحة قوى

السيتوبلازم بيكون احمر باهت pale & eosinophilic

النواة بتكون مطولة شوية و لونها فاتح

* بيقولك أن في بعض epithelioid cells بيندمجوا مع بعض وبيكونوا لي خلية كبيرة اسمها langhans giant cell

* الماكروفاج بتعرض الانتيجن ل Tcell اللي هتتعرف عليه وبعد كدا تتجمع وتتراكم حوالي من 10-14 يوم عشان كدا delayed يعني بطيئة ، بعد كدا هتفرز lymphokines المسئولة أنها تعمل acquired immunity and delayed hypersensitivity

Lymphokines : زي Macrophage chemotactic factor مواد بتجذب الماكروفاج لمكان الالتهاب

migration inhibition factor مواد بتمنع الماكروفاج أنها تطلع من مكان الالتهاب

interferon - Y , cytotoxic lymphokines

شوية من الليمفوكين مهمين في immunity أنهم بيجذبوا الماكروفاج ويمنعوا أنها تطلع من مكان الالتهاب

وشوية بقى بيعملوا hypersensitivity ويسببوا tissue necrosis زي caseation الموجود في TB granuloma


بعد كدا هنتكلم عن Tuberculosis بالتفصيل وهي نوع من أنواع granuloma

Tuberculosis: chronic infectious granulomatous disease بتسببه بكتريا اسمها tubercle bacilli وبيكون منتشر في المجتمعات اللي فيها سوء تغذية وسوء معيشة زي العشوائيات

MTB في منها نوعين

نوع موجود في الإنسان وبينتقل من شخص لشخص

ونوع موجود في الابقار وبينتقل منها للإنسان غالبا من خلال اللبن بتاعها

Mode of infection :

1- استنشاق الغبار اللي بيحتوي على البكتريا دي وهنا TB بتروح على lung و tonsils

2- ابتلاع البكتريا دي مع الاكل أو مع اللبن بتاع البقرة اللي عندها TB ( قالتها الدكتورة في المحاضرة ) وهنا البكتيريا بتروح على intestine و tonsils

3- أنها تخترق الجلد ولازم الجلد دا يكون مجروح لأنها متقدرش تخترق جلد سليم ، ودا بيكون نادر جدا

Tissue reaction in Tuberculosis:

1- proliferative tissue reaction ( tubercle formation) تكوين الgranuloma

بيحصل في solid organs

2- Exudative reaction : بيحصل في serous membranes

هنتكلم عنهم بعدين

Tuberculous granuloma formation

و قبل م اتكلم عنها عايزة اعرفكم تركيب البكتريا (TB) لأن اللي هيحصل دا بيعتمد على تركيبها

بكتريا TB بتتكون من lipid capsule بيحاوطها و بيكون جواها polysaccharide fraction و protein بنسميه tuberculoprotein

بعد م عرفنا تركيبها دلوقتي هنتكلم عن ازاي بتحصل granuloma في TB infection

اول حاجه بيقولي أن الجزء polysaccharide بتاع TB هيجذب neutrophils في خلال ساعات قليلة فيحصل acute inflammation لكن مؤقت وبيطلع معاه polymorphs اللي هي اساسا neutrophils ولكن الخلايا دي بتموتها البكتريا لأنها معندهاش الانزيم اللي بيكسر lipids بتاعت TB

طيب بما أن neutrophils معرفتش تدمر organism بل بالعكس هو اللي دمرها

هتيجي الماكروفاج و دي بيجذبها الجزء lipid بتاع البكتيريا خلال ٢٤ ساعة فهتطلع من الدم (monocytes) وتروح للتشو (Macrophage) ، وطبعا الماكروفاج بتحتوي على lipase enzyme فهتكسر الجزء lipid بتاع البكتيريا , بس برضو البكتيريا م ماتت ولسة الجزء ال antigenic اللي بيحفز جهاز المناعة قاعد واللي هو tuberculoprotein

وبعد م الماكروفاج تبتلع الانتيجن هيتغير شكلها وتتحول ل epithelioid cells زي م اخدنا

بس وكمل بقى نفس خطوات تكوين ال granuloma اللي خدناهم فوق

صورة من البور بتوضح ازاي بيحصل proliferative tissue reaction

Caseation in TB granuloma أسباب

لو فاكرين Caseous necrosis كان عبارة عن Liquifactive & coagulative necrosis مع بعض وكان Liquifactive بسبب Hypersensitivity إن الليمفوكين بتدوب النسيج فبيبقى سايح في النص

و coagulative كان بسبب ischemia إن مش واصل دم كويس الحتة دي

اهو بيقولك أن بيحصل caseation في TB granuloma بسبب

1- Hypersensitivity ( mediated by cytotoxic lymphokines) الليمفوكين بتدوب النسيج وال lipid فبيبقى شبه الجبنة زي مقولنا

2- Ischemic necrosis : بسبب

- مبيحصلش angiogenesis تكون أوعية دموية جديدة

- بيحصل endarteritis obliterans جدار الأوعية سميك والتجويف ضيق

Structure of Tuberculous granuloma

Gross picture:

الحجم بتاعها بيكون صغير (1-2 mm in size) ، ولما تتجمع مع بعض بتعمل كتل أو تجمعات لونها رمادي مصفر

بتكون firm لكن لما يحصل caseation بتكون soft and cheesy عاملة زي الجبنة

Microscopic picture: في النص بيكون فيه caseation متحاوط ب epithelioid cells and langhans giant cells واللي بيكونوا متحاوطين ب lymphocytes and fibroblasts

زهقت المحاضرة دي رخمة قوي 😭😭😭😭😭

يلا نكمل بلاش صياح 🥲

The reaction to the tubercle bacilli:

1- proliferative lesion: تكوين granuloma اللي اتكلمنا عليها

2- Exudative lesion:

ودا رد فعل مختلف من المناعة ومش هيحصل فيه granuloma

دا بيحصل لما يكون الشخص دا اتصاب قبل كدا ب TB و يكون مناعته ضعيفة فلما يتصاب بيها تاني و ب large dose تيجي Tcell عشان تحاربها لكن المناعة ضعيفة فهتروح تعمل Hypersensitivity ودا بيحصل في serous membranes لأنها بتطلع fluid exudate كتير

ودا بيتميز أن بيطلع فيه fluid exudate كتير وفيه fibrin كتير وبيكون فيه lymphocytes وغالبا polymorphs كتير لكن epithelioid cells and giant cells بيكونوا قليلين

وبيكون فيه caseation كتير

Fate of Tuberculous lesion:

1- localization : بيمنع انتشار البكتيريا عن طريق أن الجسم هيعمل healing ب fibrosis

لو كان small lesion هيحصله fibrosis بالكامل

لو كان large lesion هيتحاوط ب fibrosis (encapsulated) وهتفضل جواه بكتريا TB عايشة بس في حالة من السكون والخمول ،لكن لو حصل والشخص دا مناعته ضعفت هيحصلها reactivation

2- spread : هتنتشر لأن الجسم معرفش يعملها localization

طب ازاي هتنتشر وهي بكتريا TB اصلا non motile ؟🤔

يا ذكي مش البكتيريا دي ابتلعتها الماكروفاج بس معرفتش تموتها يعني هي جواها على كدا ، اهو الماكروفاج دي هي اللي هتفسحها وتوديها ل tissue fluid, blood, lymph

Routes of spread :

- local spread : تنتشر من مكان لمكان في التشو

- lymphatic spread: يعمل lymphangitis and lymphadenitis

- Blood spread: مبيعملش تأثير لو كان كمية البكتريا قليلة لأن الجسم هيقضي عليها ، لكن لو كانت كتيرة هتنشر في الدم ومنه تروح للاعضاء وتعملي حاجة اسمها miliary tuberculosis

- Intracanalicular spread: هينتشر عبر القنوات زي مثلا كان في bronchi ومنها راح ل larynx

مثلا واحد كان عنده TB ف كح وطلع sputum طبعا مليان بكتريا ف راح بلعه 🫣 والبكتيريا راحت للمعدة ومنها ل intestine

طبعا يا دكاترة الكلام دا موجود في البور واحنا مطالبين بيه 🫡

Factors affecting course and progression of TB :

_ Bad prognostic factors

زي dose لو كان كتير فدا حاجة وحشة ، ولو كان البكتيريا عندها virulence ، برضو لو الشخص دا عنده Hypersensitivity فدا حاجة وحشة هتخلي الحالة تسوء

_ good prognostic factors:

طبيعه innate immunity و health بتاعت الشخص كويسة وأنه مش بيعمل Hypersensitivity ، و برضو acquired immunity اللي خدها دي حاجة كويسة

Types of TB :

1- Primary TB :

و دي لما الشخص يصاب أول مرة بالبكتيريا وغالبا بتحصل للأطفال ، وبما أن اول مرة فأكيد هتدخل من route من اللي قولنا عليهم وبكدا نستنتج أنها هتصيب lung أو tonsils لو استنشقها ، أو في intestine لو بلعها ، أو في الجلد لو اخترقته بس دا نادر

موت الخلايا وتدمير الأنسجة بيكون قليل لأن مفيش hypersensitivity ، و رد فعل المناعة بيكون بطئ لأن زي م قولنا أن Tcell بتاخد من 10-14 يوم عشان تنشط ، الانتشار بيحصل اكتر لأن لحد متتحفز Tcell هتكون انتشر بقى ، والنوع دا بيتاثر ب innate immunity

2- Secondary TB :

لما الشخص يكون اتصاب قبل كدا وراح اتصاب تاني و ممكن أن حصله reinfection كان اتعدى وخف بعدين اتعدى تاني او reactivation كان البكتيريا في حالة سكون بعدين صحيت ، وبتحصل في adults ، وبتكون في أي مكان

بيحصل فيها tissue destruction اكتر بسبب hypersensitivity ، رد فعل المناعة بيكون اسرع والانتشار أقل لأن Tcell اصلا اتكونت بسبب acquired immunity

بيكون فيها innate & acquired immunity , Hypersensitivity

Primary tuberculosis :

زي م احنا عارفين بيكون في lung, tonsils , intestine, skin وفي الاعضاء دي ال tubercle bacilli بتكون موجوده في 3 اماكن

1- infected organ ( primary focus ) اول عضو يدخل فيه

2- draining lymphatics ( TB lymphangitis) في الأوعية الليمفاوية وتعمل فيها التهاب

3- draining LNs ( TB lymphadenitis )

التهاب في العقد الليمفاوية

Primary pulmonary Tuberculosis

نتيجة استنشاق البكتيريا دي وغالبا بيكون في الأطفال

This take the form of a primary pulmonary complex compresing :

1- Ghon's focus

lesion لونه اصفر موجود على الطرف وفي الغالب بيكون على lower aspect of the upper lobe أو على upper aspect of the lower lobe

(فوق او تحت intralobar fissure)

2- Tuberculous lymphangitis

3- Tuberculous lymphadenitis

العقدة الليمفاوية الموجودة جنب فتحة الشعبة الهوائية اللي داخلة في الرئة بتكبر

دي صورة بتوضح ال٣ أماكن اللي قولناهم الموجودة فيهم البكتريا في الرئة

Fate of primary pulmonary Tuberculosis نفس Fat بتاع Tuberculous lesion اللي قولناه فوق


اهو نفسه هتقروه مش هتلاقوا اختلاف مفيش غير Tuberculous pneumonia يعني انتشرت في الرئة ، و pleurisy انتشرت في غشاء البلورى اللي محاوط الرئة ، و pericarditis انتشرت في الغشاء السحائي اللي محاوط القلب

Secondary pulmonary Tuberculosis

inhalation ( exogenous reinfection) عشان استنشقتها من برا

reactivation of dormant bacilli ( endogenous reinfection) عشان صحيت البكتيريا اللي كانت جوا جسمه في حالة سكون

و بتنقسم إلى

Chronic fibrocaseous pulmonary Tuberculosis

و دي بتحصل لما الشخص يكون عنده immunity قد Hypersensitivity

It has slow chronic course يعني بطئ

لان عندك المناعة و hypersensitivity قد بعض عامل زي مايكون فيه اتنين ليهم نفس القوة عمالين يتخانقوا على حاجة ومش عارفين مين هيفوز ف الخناقة هطول غير لما يكون واحد اقوى من التاني

Acute Tuberculous bronchopneumonia

ودي بتحصل لما يكون موجود حاجة أو اكتر من الحاجات دول

1- large dose of virulence bacteria

2- شخص عنده المناعة ضعيفة أو Hypersensitivity قليلة أو الاتنين مع بعض

It has an acute fetal course في الغالب الشخص دا هيموت

Chronic fibrocaseous pulmonary Tuberculosis

بيحصل Chronic fibrocaseous

في نهاية النص الاول وبداية الفص الثاني من ع الطرف ناحية برا وبيحصل فيه caseation بسبب TB تمام؟!

وبعد كدا ممكن bronchial الجزي اللي موجود فيها البكتيريا تتآكل وتفرقع وتنتشر البكتيريا : عن طريق الدم

أو عن طريق الجزء المبطن لل bronchial بيمشي عليه وينقل من خلاله

أو طريق hilar lymph nodes اللي جنب فتحة الشعبة الهوائية اللي داخلة في الرئة

ودا بيكون غير شائع

الحتة دي شرحتها رحمة عشان مكنتش فهماها فشكرا ليها و جزاها الله خيرا 🫡♥️


Complications:

1- Haemoptysis يعني الشخص بيكح دم نتيجة أن الأوعية الدموية اللي جنب ال Tuberculous cavity بتتخرم فيطلع شوية دم يروحوا لل bronchi وهو بيكح يطلع دم

2- ال cavity اللي جوا ال pleura هيفرقع فهيدخل شوية هوا للغشاء البلورى ودا بنسميه pneumothorax

3- spread ممكن ينتشر زي ماحنا عارفين واتكلمنا

ممكن ينتشر في pleura ودي اسمها pleurisy

Tuberculous empyema, Tuberculous pericarditis ينتشر في الغشاء اللي بيحاوط القلب

ممكن تنتشر في الدم وتعملي حاجة اسمها miliary tuberculosis

ممكن تنتشر في bronchi وأثناء م الواحد بيكح هتطلع في sputum تروح ل larynx و tonsils و tongue وممكن لو الشخص دا بلع sputum تروح البكتيريا اللي فيه تعدى intestine

4- ممكن تعملي systemic amyloidosis من النوع secondary نتيجة prolonged inflammation

5- right side heart failure بسبب lung fibrosis لأن fibrosis دا بيخلي الأوعية الدموية اللي في الرئة تضيق فبالتالي القلب هيحاول يضخ دم اكتر ليها فممكن يحصله failure

واخيرا خلصنا اصعب جزء واكتر جزء عليه زيادات 🫠🥲

يلا اجمدوا كدا فاضل جزء صغير وخدنا فكرة عنه في البارا وهو Bilharziasis

والجزء دا شارحه زميلنا دكتور يوسف ربيع جزاه الله خيرا

Bilharziasis (Schistosomiasis)

ماذا يعني هذا المصطلح الغريب؟

بص يا سيدي التهاب مزمن ناتج عن عدوى دودة الشيستوسوما الي بتسبب مرض البلهارسيا

وطبعاً من دراسة البارا المحببة الي قلبي انت تعرف انها ثلاث انواع


1)Schistosoma haematobium:

ودي بتأثر على المثانة او إن صح القول الجهاز البولي عموماً.

2)Schistosoma mansoni:

ودي بتأثر على الجهاز الهضمي.

3)Schistosoma japonicum:

وده بقا النوع الي لم ندرسه في البلوك الي فات كل الي عايزك تعرفه انه بيأثر على الجهاز الهضمي وفي قارة اسيا بالتحديد لانه ظهر في اليابان في بداية الامر.


(من البوربوينت: البلهارسيا خلال دورة حياتها بتصيب اعضاء كثير من الجسم بالضرر منهم مجرى البول والامعاء والكبد والرئة)

شكل المرض عامل ازاي؟

انت راجل محترم ودارس بارا كويس(الله يمسيه بالخير يوسف ربيع اللي هو أنا يعني 😂 لولا الله ثم هو ما كنت هتفهم حاجة منها 🫣)وعارف انك كعائل اساسي فالدودة هتتحول الى بالغة وتبيض جواك فمنها نستنتج انها جوا الجسم لها اكثر من شكل خلينا نأخذ الاشكال دي واحد واحد بس قبل ما نفصل اعرف معلومة تفيدك واحنا بنفصل: كل اشكال دودة الشيستوسوما لما بتدخل الجسم بتعمل حاجتين ما لهم ثالث

1-hypersenstivity type I ودي اللي بتعمل allergy لو فاكرين في الميكرو 🙂

2-hypersenstivity type IV


١-لو المرض سببه Cercaria

هيعمل Acute allergic dermatitis يعني التهاب في الجلد ومعاه حساسية وده بيكون على شكل طفح جلدي احمر او حبيبات حمراء على الجلد مكان دخول الدودة طب ده بالعين المجردة انما الميكروسكوب؟:

بص يا سيدي بحكم ان في التهاب فانت راجل مذاكر وعارف اعراض الالتهاب وايه الي بيحصل فهتلاقي توسع للشعيرات الدموية وهتلاقي خلايا مناعية كثير امثال:

A-neutrophils.

B-eosinophils.

C-macrophages.

وطبعاً الخلايا المناعية دي مش محتاج اقولك انها موجودة تحارب الدودة الي داخلة هتلاقيها بكثر في مكان دخول الدودة وبتختفي الاثار بعد ٢-٧ ايام

صورة بتوضح الفرق بين red rach ودي اللي مش بتكون بارزة عن الجلد أما papules دي اللي بتكون بارزة عن الجلد

٢-طب لو المرض ده سببه دودة بالغة:

بص ياسيدي خلي في اعتقادك حاجة ان الدودة دي ممكن تكون عايشة وممكن تكون ميته فهنأخذ الاحتمالين الاثنين:

أ-لو عايشة هتعمل حاجة اسمها Brown bilharzial pigment وده عبر انها تدخل مجرى الدم وفي مجرى الدم تروح تمسك خلايا الدم الحمراء تقولها عايزك في كلمتين وهوب تبلع خلايا الدم الحمراء وتصنع صبغة بنية غامقة معفنة كدا وتطلعها في الدم وزي ما في القوي في الاقوى منه مش انتي اكلتي خلايا الدم الحمراء هتيجي الخلايا البلعمية في الكبد والطحال تأكل الصبغة دي


ب-طب لو دودة ميته:

-هيعمل necrosis شديد في جدار الاوردة.

-هيعمل Thrombophlebitis ودي لا تشغل نفسه بيها عشان موضوعها كبير وانت مش ناقص

-هتعمل التهابات ولما يبقا في التهابات هيكون في خلايا مناعية كثير امثال:

eosinophils, macrophages and neutrophils.

٣-طب لو المرض سببه بيضة:

هيعمل حاجتين:

أ-نزيف متكرر لو ذكر بقا ومذاكر بارا تقولي ليه؟ اقسم بالله معلم ياض تعال اشرح مكاني 👏👏 لان البيضة بيكون فيها شوكة بتكون على الجنب او الوسط على حسب نوع البيضة بقا فالشوكة دي بتفضل كل شوية تخرم في الامعاء او المثانة هتسبب نزيف.

ب-بتسبب Granuloma (Bilharzioma) وده ما يسمى بالورم الحميد هيعمل زي ما ذكرت لك hypersensitivity من النوع الرابع بسبب الانتيجنات الي بتعملها مرحلة Miracidia (واحدة من مراحل البيضة) فبسبب الحساسية الي حصلت هتطلع

T-lymphocytes

والي بدورها هتطلع lymphokines هتتكون ال granuloma

ودا شكل Bilharzial granuloma

٤-ودي بقا زي تأثير غير مباشر بس مهم ولازم يذكر وهو ان الدودة البالغة او البيضة تطلع انتيجينات والي بدورها المناعة تحاربها فتسبب تضخم في:

-lymphoid

-reticuloendothelial cells.

طب انا قلت لك Granuloma هتتكون ازاي وانت شفت الموضوع بسيط بس للأسف انا ما شرحت لك بقا مراحلها تطورها لحد ما تبقا هوب هاي وكدا🙋‍♂️ بتعد على ثلاث مراحل:

- Cellular granuloma

- Fibrocellular granuloma

- Fibrous (healed) granuloma

هنشرح كل واحدة فيهم وكذا نكون خلصنا.


1-cellular granuloma:

ده عبارة عن ايه؟ بويضة محاطة ب:

-macrophages

-eosinophils

-lymphocytes

وأحياننا:

-giant

-fibroblasts

(ايه يا جدع ده لو لفت جاتوه مش هتعمل كدا 😂😂).


2-fibrocellular granuloma

ودي عبارة عن كل بتجيب cellular granuloma وتلفها بنسيج من granulation.


3-fibrous granuloma:

اخر الحكاية بقا البيضة بيحصل لها fibrosis وبيكتمل بقا ال granuloma وبتكون زي كولكية في الجسم

واخيرا والحمد لله خلصنا ارخم محاضرة 🫠🥲

الحمد لله الذي هدانا لهذا و ما كنا لنهتدي لولا أن هدانا الله

المقولة اللي انا بحبها

صبرا يا نفسي معنا الله مشوار الطب بدأنا خطاه

صبرا فطريقي من نيران والقلب ينادي كن كالشجعان

# دكتور أحمد الجوهري 🥹

استودعكم الله والسلام عليكم ورحمة الله وبركاته ، وفقنا الله وإياكم ♥️













































Report Page