“CASHM BARLAS”: O`ZBEKISTON LOYIHAMIZ UCHUN JOZIBADOR MANZIL
“O‘zcharmsanoat” uyushmasida Turkiyaning “CASHM BARLAS” kompaniyasi vakillari bilan uchrashuv bo`lib o`tdi. Investorlar bilan uchrashuvda poyabzal mahsulotlarini ishlab chiqarishga qaratilgan yangi invest loyihani amalga oshirish masalasi muhokama etildi.
![](/file/3a63f09a727c13b1b50d5.png)
Dastlab, Turkiya kompaniyasiga mamlakatimizdagi charm-poyabzal sanoatiga ixtisoslashtirilgan kichik sanoat zonalari, investorlarga yaratilgan sharoit va ajratilayotgan imtiyozlar haqida ma’lumotlar berildi.
![](/file/05f05f70da4dee1773360.png)
Shuningdek, muzokaralar davomida tomonlar investitsiya loyihasini amalga oshirishning amaliy jihatlarini muhokama qildilar. Turk kompaniyasi mamlakatimizda turli modeldagi poyabzallar ishlab chiqarishga ixtisoslashgan sarmoyaviy loyihani amalga oshirishni maqsad qilgan. Loyihaning dastlabki qiymati 2 million dollarni tashkil etadi. Uskunаlarning 70 foizi Turkiyadan keltiriladi. Toshkent viloyatida kimoshdi savdosiga qo`yilgan charm sanoatiga ixtisoslashtirilgan yer maydonlaridan sotib olib, bino qurish va yangi korxona tashkil etish rejalashtirilgan.
![](/file/b8439f62f4cb59b3ba253.png)
Muzokaralar davomida korxonada poyabzal modellarini ishlab chiqish bo‘yicha dizayner va texnolog kadrlarni tayyorlash yo‘nalishida hamkorlikni yo‘lga qo‘yish yuzasidan fikr almashildi. O‘zbekistonlik mutaxassislar uchun ushbu yo‘nalishda treninglar o‘tkazishga qaror qilindi.
![](/file/90394cde3135789f7e831.png)