Buxoro davlat universiteti hamda IRSIKA tashkilotining hamkorlik aloqalari yanada kengaymoqda

Ayni paytda Buxoro davlat universiteti delegatsiyasi Turkiyaning Istanbul shahrida bo`lib turibdi. 

Delegatsiya a'zolari ilk tashrifni shahardagi IRSIKA tashkilotidan boshladi. Buxoro davlat universiteti rektori Obidjon Xamidov boshchiligidagi delegatsiyani IRSIKA rahbari o’rinbosari Chengiz Tomar, rahbarning ilmiy loyihalar bo’yicha koordinatori Ashirbek Muminovlar kutib olishdi. Uchrashuv mobaynida IRSIKA xalqaro tashkiloti hamda BuxDU o`rtasida istiqboldagi aloqalar bo’yicha muzokara o`tkazildi.

Shuningdek, "Islom tadqiqotlari ilmiy markazi”ga tashrif mobaynida Buxoro islom madaniyati, islom huquqi, tasavvufga oid tadqiqotlarni hamkorlikda amalga oshirish bo’yicha kelishuvlarga erishildi. Manbashunoslik, islom ilmlari va falsafasi bo’yicha ilmiy kadrlar tayyorlash, Buxoroda saqlanayotgan qo’lyozma manbalarni saqlash, tiklash, tadqiq etish bo’yicha yo’l xaritasi ishlab chiqildi va muhokamadan so`ng tasdiqlandi.

BuxDU Matbuot xizmati