Buvijonim o'gitlari

Hozirgi kunda ulg'ayib borayotgan yosh avlod uchun buvijonlarimizning qimmatli o'gitlariga ehtiyojimiz baland. Xonadonimiz farishtalari bo'lgan keksalarimiz buvijonlar o'giti haqiqiy ma'naviy ozuqa manbai desak mubolag'a bo'lmaydi.

Respublika Ma’naviyat va ma’rifat markazi Kogon tuman bo‘linmasi, tuman maktab va maktabgacha ta'lim bo'limi bilan hamkorlikda tumandagi "Niyoz Hoji" MFYda istiqomat qiluvchi 6-" A "- sinf o'quvchisi Kenjayeva Kumush Komilovna bilan “Buvijonim o'gitlari” mavzusida davra suhbati bo'lib o'tdi.

Milliy qadriyatlar millatning tarixi, yashash tarzi, ma’naviyati hamda madaniyati bilan chambarchas bog’liq holda namoyon bo‘ladi. O‘zbek xalqining asrlardan asrlarga o’tib kelayotgan milliy qadriyat­lari ham uzoq tarixiy jarayonda shakllangan.

Buvijonlarimiz mahallalardagi yosh avlodlarga azaliy qadriyatlarimiz, milliy urf-odatlarimiz, shuningdek, o'zining hayot tajribasi asosida ma'naviy bilimlar berib ularning kamoliga o'z hissasini qo'shmoqda.

Respublika Ma'naviyat va ma'rifat markazi Kogon tuman bo'linmasi