Бухоро шаҳри кунига ўзгача шукуҳ билан старт берилди !
Ўзбек халқининг аждодлари томонидан уч минг йил муқаддам асос солинган Бухоро шаҳри нафақат Ўзбекистон ёхуд Марказий Осиё минтақаси, балки жаҳон тарихидаги энг кўҳна ва энг қадимий шаҳарлардандир. Бу шаҳар ўрта асрларда Бухорои Шариф – шарофатли Бухоро деб аталган.
Бугун мана шу шариф шаҳарда ўзгача шукуҳ, ўзгача тантана. Сабаби Бухорода бугун “Бухоро шаҳри куни” ҳамда “Миллий ҳунармандлар” фестиваллари бўлиб ўтмоқда.
Кўҳна кентнинг “Арк” қўрғонидан йўлга чиққан карвон сўлим “Лаби-ховуз” ансамбли томон йўл олди. Дастлаб, фестивални Бухоро шаҳар ҳокими Карим Камолов сўз боши билан очиб бериб, бухоро аҳлини ҳамда шаҳримиз меҳмонларини бугунги шодийона билан қутлади.
Беҳзод Нематов