Бугун янги “Afrosiyob” замонавий поезди Ўзбекистонга кириб келди.
Аввал хабар қилганимиздек, жорий йил 20 июль куни Санкт-Петербург шаҳридан йўлга чиққан янги “Afrosiyob” замонавий поезди Россия ҳамда Қозоғистон давлатлари орқали 4200 км масофани босиб ўтиб, бугун Ўзбекистонга кириб келди.
Тошкент марказий темир йўл вокзалида ушбу поезд соҳа мутахассислари ҳамда оммавий ахборот воситалари вакиллари томонидан кўтаринки кайфиятда кутиб олинди.
Мамлакатимиз мустақиллигининг 30 йиллиги арафасида мазкур 5- янги “Afrosiyob” замонавий поезди юртдошларимизга муносиб совға бўлди.