Bugun O‘zbekiston Respublikasining Birinchi Prezidenti Islom Abdug‘anievich Karimov tavallud topgan kun

Islom Karimov (1938–2016-y.y.) – O‘zbek xalqining ulug‘ farzandi, mustaqil O‘zbekiston davlati asoschisi, mamlakatni 1989-yildan 2016-yilga qadar boshqargan davlat arbobi, kuchli siyosatchi, millat yetakchisi.

Islom Karimov 1991-yil 31-avgustda O‘zbekiston mustaqilligini e’lon qilgan. 1991-yil 29-dekabrda muqobillik asosida o‘tkazilgan umumxalq saylovida O‘zbekiston Respublikasi Prezidenti etib saylangan.

U xalq dardiga quloq tutdi, tinchlik va osoyishtalikni ta’minladi, ko‘p millionli xalqni Vatan taraqqiyoti yo‘lida birlashtirib, islohotlarga safarbar etdi.

Birinchi Prezident Islom Karimov 2016-yil 2-sentabr kuni og‘ir xastalikdan so‘ng 78 yoshida vafot etdi.

Islom Karimov xotirasini abadiylashtirish maqsadida 2017-yil 31-avgust kuni Toshkent shahrida sobiq Oqsaroy qarorgohi oldida uning birinchi haykali tantanali ochilgan.

Shuningdek, Birinchi Prezident haykallari Samarqandda (2017-yil 2-sentabr), Qarshida (2018-yil 30-yanvar) hamda Moskvada (2018-yil 18-oktabr) ochilgan. Bundan tashqari, Toshkent davlat texnika universiteti, Toshkent xalqaro aeroportiga, Farg‘onadagi san’at saroyi, Toshkent xalqaro aeroporti hamda bir qator ko‘chalarga Islom Karimov nomi berilgan.

Mustaqil O‘zbekiston davlatining asoschisi Islom Abdug‘anievich Karimov amalga oshirgan buyuk hizmatlari ila asrlar osha xalqimiz qalbida mangu yashayveradi.

Respublika Ma’naviyat va ma’rifat markazi To‘rtko‘l tuman bo‘linmasi