Боғот туман Давлат хизматлари маркази “Тўпчи” филиалида “Очиқ эшиклар куни” доирасида сайёр қабул, ОАВ вакиллари учун матбуот анжумани ўтказилди.

Тадбирда оммавий ахборот воситалари, жамоатчилик ва ҳалқ депутатлари туман кенгаши вакиллари ҳамда қишлоқ фаҳрийлари иштирок этдилар.

Тадбирдан кўзланган мақсад- Давлат хизматлари агентлиги Хоразм вилоят бошқармаси томонидан шу йилнинг 4 ойи мобайнида амалга оширилган ишлар ҳамда давлат хизматлари соҳасидаги янгилик ва фуқароларга яратилган қулайликлар юзасидан маълумотларни кенг жамоатчиликга етказишдан иборат.

Маълумот ўрнида айтиб ўтиш жоизки, ушбу Боғот туман Давлат хизматлари маркази "Тўпчи" филиали вилоятимиздаги 10 чи ДХМ филиали ҳисобланиб, туманнинг чеққа ҳудудлари саналмиш 3 та маҳалла фуқароларига хизмат кўрсатиши кўзда тутилган. Ушбу ҳудуд туман марказидан 22 км узоқликда жойлашган.